Mar 14, 2010

അബദ്ധത്തിലറിയാതെയറിഞ്ഞത്





പല ആള്‍ക്കാര്‍ക്കും ഉള്ള ഒരു സംശയം ആണ്
ഈ ലൈനടിക്കുന്നവര് തമ്മില്‍ എന്താണ് ഈ മണിക്കൂറുകളോളം സംസാരിച്ച് കൊണ്ടിരിക്കുന്നതെന്ന്?
കമിതാക്കള്‍ രണ്ട് പേരും ഒരേ കണക്ഷന്‍ എടുത്ത് അണ്‍ ലിമിറ്റഡ് ടോക് ടൈം ഉള്ള ഓഫറൊക്കെ
ആക്ടീവ് ചെയ്യുന്നത് എന്തിനാനെന്നൊക്കെ ഉള്ള സംശയങ്ങള്‍ ?
അതിനൊക്കെ ഉള്ള ഉത്തരം ആണ് ഈ നാല് സംഭാഷണങ്ങള്‍.

ഇത് ഞാന്‍ കോളേജില്‍ പഠിച്ചപ്പോ എന്‍റെ ഫ്രണ്ട് ബഞ്ചില്‍ ഇരുന്ന
കാമുകി കാമുകന്മാര്‍ പറയുന്നത് ഞാന്‍ ഒളിച്ചിരുന്ന് കേട്ടതാണ്.
അന്നെനിക്ക് പനി ആയത് കൊണ്ട് ഞാന്‍ അവര്‍ ഇരിക്കുന്ന ബഞ്ചിന്‍റെ
ബാക്കില്‍ കിടന്ന് ഉറങ്ങുകയായിരുന്നു.
അത് കാരണം കൂടുതലൊന്നും ഞാന്‍ ശ്രദ്ധിച്ചില്ല.
(ഞാന്‍ അവര് പറയുന്നത് കേള്‍ക്കാന്‍ വേണ്ടി ബാക്കില്‍ ഇരുന്നു
എന്ന് ആരും തെറ്റിദ്ധരിക്കില്ല എന്ന് കരുതുന്നു)

1.




ദീപക് : എന്‍റെ നീതു ഇന്നലെ ഒരു സംഭവം ഉണ്ടായി.
നീതു : എന്ത് പറ്റി?
ദീപക് : ഇന്നലെ അമ്മ രാത്രി എന്നോട്
അര കിലോ മൈദ വാങ്ങി കൊണ്ട്
വരാന്‍ പറഞ്ഞു...
നീതു : എന്നിട്ട്?
ദീപക് : ഞാന്‍ കടയില്‍ പോയി.
കടേല്‍ ചെന്നപ്പോ ആണ്
ആകെ പ്രശ്നമായത്.
നീതു : എന്ത് പറ്റി ദീപു?
എന്തായാലും നീ എന്നോട് പറ
ദീപക് : ഒന്നും പറയണ്ട എന്‍റെ നീതു
കടേല്‍ ചെന്നപ്പോ എനിക്ക്
ആകെ ടെന്‍ഷന്‍.
അമ്മ പറഞ്ഞത് മൈദ
വാങ്ങാനാണോ അതോ റവ വാങ്ങനാണോ എന്ന്?
നീതു : അയ്യോ?!എന്നിട്ട്?
ദീപക് : എനിക്കാ കട എത്തുന്നത് വരെ ഒരു സംശയവും ഉണ്ടായിരുന്നില്ല
അര കിലോ മൈദ,അര കിലോ മൈദ എന്ന് ഞാന്‍ മനസില്‍
പറഞ്ഞ് കൊണ്ടാ കടയിലേക്ക് നടന്നത്.
പക്ഷേ ആ തെണ്ടി കടക്കാരന്‍ ഞാന്‍ കടയില്‍ ചെന്നപ്പോ മൈദ ആണോ റവ ആണോ വേണ്ടത് എന്ന് ചോദിച്ചപ്പോ ഞാന്‍ ആകെ കണ്‍ഫ്യൂഷന്‍ ആയി പോയി നീതു.
ഈ മൈദേം റവേം ഓറഞ്ച് കളറായത് കൊണ്ട് കൂടി ആണ് ഞാന്‍ കണ്‍ഫ്യൂഷനായി പോയത്.
നീതു : എന്തൊരു മനുഷ്യനാ അങ്ങേര്?!
ദീപക് :എന്നിട്ട് ഞാന്‍ ആലോചിച്ചു അവിടെ നിന്ന് കുറേ നേരം.........................................................
അപ്പോഴാ ഓര്‍ത്തത് അമ്മ ഇഡ്ഡലി ആണ്
നാളെ ഉണ്ടാക്കുക എന്ന് പറഞ്ഞിരുന്ന കാര്യം
ഇഡ്ഡലി ഉണ്ടാക്കുന്നത് റവ ഉപയോഗിച്ചാണല്ലോ?
അങ്ങനെ ഞാന്‍ ബുദ്ധി ഉപയോഗിച്ച് അര കിലോ റവ വാങ്ങി
കൊണ്ട് വീട്ടിലേക്ക് വന്നു
നീതു : ഗ്രേറ്റ് യാര്‍ റിയലി ഗ്രേറ്റ്
ഐ ലവ് യു

ദീപക് : മീ റ്റു


2.



നീതു : ഇന്നലെ അതിനേക്കാളും വലിയ ഒരു ഭയങ്കര സംഭവമുണ്ടായി എന്‍റെ ദീപു
ദീപക് : എന്താ?
നീതു : ഇന്നലെ അമ്മ കടല വെള്ളത്തിലിട്ടത്
ഇന്ന് കാലത്ത് മുളച്ചേക്കണൂ
ദീപക് : എന്നിട്ട്?
നീതു : എന്ത് പറയാനാ എന്‍റെ ദീപു
ഇന്നലെ രാവിലെ വിരുന്നുകാര് വരുമെന്ന് പറഞ്ഞ ദിവസം ആയിരുന്നു
ഇളേപ്പന്‍ വരുമെന്നു ശാലിനി ആന്‍റിയുടെ അളിയന്‍ നേരത്തേ പറഞ്ഞിരുന്നു
(ശാലിനി ആന്‍റി ആരാ എന്ന് ഞാനോ ഇത് വായിക്കുന്നവരോഅറിയണ്ട ആവശ്യമില്ല
ശാലിനി ആന്‍റിയെ അറിയുന്ന പോലെ ദീപക് കഥ കേട്ടിരുന്ന പോലെ നിങ്ങളും ഇരുന്നാ മതി)
എന്നിട്ടെന്താ ചെയ്യുക അമ്മ ആകെ ടെന്‍ഷനായി പോയി.
കാരണം ഒരു ബന്ധു വീട്ടിലേക്ക് വരുമ്പോ
മുളപ്പിച്ച കടല വെച്ചുള്ള കറി കൊടുക്കുക എന്നൊക്കെ പറയുന്നത്
അവരെ അവഹേളിക്കുന്നതിന് തുല്യമല്ലേ ദീപു
ദീപക് : അത് ശര്യാ.
നീതു : ഞാനും അമ്മെം അപ്പോ മനസിലിങ്ങനെ പ്രാര്‍ഥിച്ചു
ലോകത്തിലാര്‍ക്കും ഇങ്ങനെ ഒരവസ്ഥ ഉണ്ടാക്കാരുതേ എന്ന്..
ദീപക് : ഈശ്വരാ വല്ലാത്ത ഒരവസ്ഥ തന്ന്യാ എന്‍റെ നീതു അത്?
നീതു : എന്നിട്ട് ഞാനും അമ്മേം കൂടി എല്ലാ കടലേം എടുത്ത്
മുള വന്ന ഭാഗം കൈ വെച്ച് പറിച്ച് കളഞ്ഞു.
എന്നിട്ട് വേഗം കറി വെയ്ക്കാമെന്ന് കരുതി നോക്കിയപ്പോ ആണ്
അടുത്ത പ്രശ്നം.വീട്ടില്‍ കടുക് ഇല്ല.
ദീപക് : അയ്യോ?
നീതു : കടുക് ഇല്ലാതെ കടല കറി എന്ന് പറഞ്ഞാല്‍ അതും പ്രശ്നം
എന്നിട്ട് കുറച്ച് ഉലുവ എടുത്ത് ചീനച്ചട്ടിയില്‍ വെളിച്ചെണ്ണ ഇട്ട് ചൂടാക്കി
കറുപ്പിച്ചെടുത്ത് കടുക് പോലെയാക്കി എടുത്തു ദീപക്.





ഒരാഴ്ചയ്ക്ക് ശേഷം എനിക്ക് വീണ്ടും പനി വന്ന് ആകസ്മികമായി
ഞാന്‍ വീണ്ടും അവരുടെ പിറകില്‍ ഇരിക്കുകയും അബദ്ധത്തില്‍
അവര് പറയുന്നത് വീണ്ടും കേള്‍ക്കാന്‍ ഇടയായി

3.



ദീപക് : നമ്മള്‍ അമ്മ ദൈവമാണ് ദേവി ആണ് എന്നൊക്കെ പറയാറുണ്ട്

എനിക്കങ്ങനെ തോന്നുന്നില്ല എന്‍റെ അഭിപ്രായത്തില്‍ അമ്മ താടക ആണ്

നീതു :ങേ? എന്ത് പറ്റി?
ദീപക് : ഒന്നും പറയണ്ട.ഇന്നലെ ഞാന്‍ ഓര്‍ക്കൂട്ടില്‍ വന്നപ്പോ
ആകെ ഒരു മൂഡ് ഓഫ് പോലെ ഫീല്‍ ചെയ്തു എന്ന് നീ പറഞ്ഞില്ലേ
അതിന് കാരണം എന്‍റെ അമ്മ ആണ്.
നീതു :അമ്മ എന്ത് ചെയ്തു നിന്നെ.
ദീപക് : എന്‍റെ നീതു ഇന്നലെ രാവിലെ കുളി കഴിഞ്ഞ്
നീ ആയി ചാറ്റ് ചെയ്യാന്‍ വേണ്ടി വേഗം ഓടി വന്ന്
ഞാന്‍ സിസ്റ്റത്തിന്‍റെ ഫ്രണ്ടില്‍ ഇരുന്നതാ
അപ്പോ അമ്മ ഓടി വന്ന് ഒരൊറ്റ അടി
നീതു :ങേ എന്തിനാ?
ദീപക് : നീ ആയി ചാറ്റ് ചെയ്യാന്‍ വേണ്ടി ഉള്ള ധൃതിയില്‍ ഞാന്‍
അണ്ടര്‍ വെയര്‍ അലക്കിയത് കുളിമുറിയുടേ ഉള്ളിലെ സ്റ്റാണ്ടില്‍ തന്നെ ഇട്ടു.
അത് അമ്മയ്ക്ക് ഇഷ്ടമായില്ല.ഇന്ന് മനു അങ്കിള്‍ വരുന്ന ദിവസം ആയിട്ട്
കുളിമുറി വൃത്തികേടാക്കി ഇട്ടൂന്ന് പറഞ്ഞാ എന്നെ അടിച്ചേ?
നീതു : എന്തൊരു സ്ത്രീയാ നിന്‍റെ അമ്മ
ദീപക് : എല്ലാം സഹിച്ചല്ലേ പറ്റു
ആ സംഭവത്തിന് ശേഷം ഞാന്‍ ഇന്ന് വരെ അണ്ടര്‍ വെയര്‍ ഉപയോഗിച്ചിട്ടില്ല നീതു
നീതു: ഐ ആം പ്രൌഡ് ഓഫ് യൂ
നീതു : താങ്ക്സ്





4.




നീതു : ഈ സംഭവം പറഞ്ഞപ്പോഴാ ദീപു എന്‍റെ കുട്ടിക്കാലത്ത് നടന്ന ഒരു സംഭവം ഓര്‍മ്മ വന്നത്
ദീപക് : അതെന്താ?പറ നീതു ,നീ പറയാന്‍ പോകുന്നത്
മണ്ടത്തരമാണേങ്കിലും കേള്‍ക്കാന്‍ നല്ല രസമുണ്ടാകും
നീതു : ഞാന്‍ 7ആം ക്ലാസില്‍ പഠിക്കുന്ന സമയം.
അന്ന് ഡ്രില്ലിന്‍റെ പിരീഡില്‍ ആണ് അത് സംഭവിച്ചത്
ഡ്രില്ലിന്‍റെ പിരീഡില്‍ എല്ലാരും കളിക്കാന്‍ പോകുമല്ലോ?
അന്ന് എല്ലാരും കളിക്കാന്‍ പോയി.
കളിക്കുന്നതിന്‍റെ ഇടയില്‍ ഞാന്‍ ചൌ മിട്ടായി വാങ്ങാന്‍ വേണ്ടി
ബാഗില്‍ നിന്ന് പൈസ എടുക്കാന്‍ വന്നു.
അത് കാരണം എന്താ സംഭവിച്ചേ എന്നറിയോ തനിക്ക്

ദീപക് : എന്താ സംഭവിച്ചത്?
നീതു : ഡ്രില്ല് കഴിഞ്ഞുള്ള സാമൂഹ്യപാഠം പിരീഡില്‍
എല്ലാരും ക്ലാസില്‍ വന്നപ്പോ ഒരുത്തന്‍റെ ബാഗില്‍ ഇരുന്ന വാച്ച് കാണാനില്ല
എന്ന് പറഞ്ഞ് വലിയ പ്രശ്നം.
എല്ലാരും എന്നെ ആണ് സംശയിച്ചത്.
കാരണം ഡ്രില്ലിന്‍റെ പിരീഡില്‍ ഞാന്‍ ക്ലാസില്‍ വന്ന്
വാച്ച് അടിച്ച് മാറ്റിയിട്ടുണ്ടാകാമെന്ന് പലരും തെറ്റിദ്ധരിച്ചു.
അന്ന് എല്ലാരും എന്നെ തെറ്റിദ്ധരിച്ചു.
ഞാനാണ് ആ വാച്ച് എടുത്തതെന്ന് കരുതി.
സത്യത്തില്‍ അന്ന് ഞാന്‍ അവന്‍റെ വാച്ച് എടുത്തിരുന്നില്ല.
ഞാന്‍ ആ ദിവസത്തിന്‍റെ തലേ ദിവസം ആണ് വാച്ചെടുത്തത്.
പക്ഷേ എന്നെ അന്ന് എല്ലാരും തെറ്റിദ്ധരിച്ചു.
തലേന്നാണ് തെറ്റിദ്ധരിച്ചിരുന്നതെങ്കില്‍ എനിക്കത്രേം
വിഷമം ഉണ്ടാകുമായിരുന്നില്ല.
പക്ഷേ അന്ന് ഞാനെടുത്തു എന്ന് പറഞ്ഞത് (പൊട്ടിക്കരച്ചില്‍)
ദീപക് : എന്താ നീതു കൊച്ചു കുട്ടികളുടെ പോലെ.





ഇതൊക്കെ ആദ്യം.
ലൈനായി കുറച്ച് നാള്‍ കഴിയുമ്പോ
പിന്നെ എല്ലാം മാറും ..
കൂതറ ആകും
ദീപൂവും റവയുമെല്ലാം ആകെ മാറും
ഇടയില്‍ ഉള്ള വും പോകും...........

17 comments:

ആല്‍ക്കെമിസ്റ്റ് said...

ഇതൊക്കെ ആദ്യം.
ലൈനായി കുറച്ച് നാള്‍ കഴിയുമ്പോ
പിന്നെ എല്ലാം മാറും ..
കൂതറ ആകും
ദീപൂവും റവയുമെല്ലാം ആകെ മാറും
ഇടയില്‍ ഉള്ള വും പോകും...........




ഹ്ഹഹഹഹ്...

SONY.M.M. said...

എത്രയും പെട്ടന്ന് അടുത്ത പനി വരെട്ടെ എന്നാശംസിക്കുന്നു

കൂതറHashimܓ said...

അണ്ടര്‍ വെയര്‍ കഥ ഒത്തിരി രസായി

അഭി said...

കൊള്ളാം ഇഷ്ടായി

അപ്പൂട്ടന്‍ said...

ശെ, ഉപബുദ്ധന്‌ മലേറിയ പിടിപെട്ടില്ലല്ലൊ, ഇനീം കഥ കേൾക്കാരുന്നു. സാരല്യ, നമുക്ക്‌ യോഗല്ല്യാന്ന് വിചാരിച്ച്‌ ആശ്വസിക്കാം.

ബൈദബൈ, റവ കൊണ്ട്‌ ഇഡ്ഡലി ഉണ്ടാക്കാം, അപ്പൊ ദീപു (ചോ ച്വീറ്റ്‌) അത്ര മണ്ടനല്ല.

ചന്ദ്രകാന്തന്‍ said...

ഹഹഹാ.... ഒളിഞ്ഞിരുന്ന് കേള്‍ക്കുന്നത് മോശമല്ലേടോ മിസ്റ്റര്‍ ഉപബുദ്ധന്‍..?? ആദ്യത്തെ പാരഗ്രാഫ് വായിച്ചപ്പോ ഞാനല്‍പ്പം കുളിരണിഞ്ഞു.. അല്‍പ്പം പേടിക്കുകയും ചെയ്തു.. സംഗതി ഹോട്ടായെന്തെങ്കിലും കാണുമെന്നാ വിചാരിച്ചത്... ഐ മീന്‍ അശ്ലീലം..!! പക്ഷേ താന്‍ ഒരു നിഷ്കളങ്കനാണെന്നെനിക്ക് ഇപ്പോഴാണ് മനസ്സിലായത്.. കടേല്‍ പോയതും കൂട്ടാന്‍ വെച്ചതും അങ്ങേയറ്റം ജെട്ടി കഴുകിയ കാര്യവും മാത്രമല്ലേ താന്‍ പറഞ്ഞുള്ളു..!! കൂടുതല്‍ വിശദാംശങ്ങള്‍ താന്‍ അബദ്ധത്തിലറിയാതെയറിയാന്‍ ഞാന്‍ കാത്തിരിക്കും..!!

ചന്ദ്രകാന്തന്‍ said...

ഇടയിലുള്ള “വും” പോയാല്‍ എന്താണ് അവശേഷിക്കുന്നതെന്ന് പേര്‍ത്തും പേര്‍ത്തും ചിന്തിച്ചിട്ടും അങ്ങട്ട്പിടികിട്ടണില്യാലോ നമ്പൂരീ... അതിന്റെ ഉത്തരം താങ്കളെനിക്കൊന്നങ്ങ്ട് മെയില് ചെയ്കാ...

ഹരി ശങ്കരന്‍ കര്‍ത്താവ്‌ said...

ചന്ത്രകാന്തേട്ടനേതില്ലത്തെ നംബൂര്യാണാവോ...അങ്ങട് മനസിലാവണില്ല്യ്യാത്രേ...

ഇയ്യ് ആണ്ട്രാ മൊതല്...ഉവവുദ്ധാ

MGK said...

vaayikkan vyki poyi changathi engilum ORUPAADU ISHTAYI JOORAYITTUND...

രജിത്ത് രവി said...

കൊള്ളാം കൊള്ളാം....

പെരുത്ത് ഇഷ്ടായി....

ചെലക്കാണ്ട് പോടാ said...

ഞാനും കുറേ ആലോചിച്ചിരുന്നു...

അപ്പോള്‍ സംഭവം ഇതൊക്കെയാണല്ലേ....

ഉം ഉം..

ഇതിന്റെ രണ്ടാം ഭാഗം ഉടനെങ്ങാനും കാണുമോ?

എല്ലാം മാറി മാറി മാറി, വേറെ പലതും ആയതിന് ശേഷമുള്ളത്....

ജിനേഷ് said...

ഈ പനീ പനി ന്നു പറയുന്നതു ഒരു സംഭവം തന്നെ.......

JPK said...

sambhavam cheereendu...

Muhammed Irshad said...

സൂപ്പറായി....

umesh mc said...
This comment has been removed by the author.
umesh mc said...

great dooode

യാത്രക്കാരന്‍ said...

ഇതിന്റെ ഒരു കോപ്പി ഇറങ്ങിയിട്ടുണ്ട് ... http://arunisalive.blogspot.in/2013/05/blog-post.html?showComment=1370615530392#c8555705793028732341