UpaBuddhan | ഉപ ബുദ്ധന്‍ :

സൂര്യാഘാതം

2011-10-02T02:15:00.004+05:30

നട്ടുച്ചയ്ക്ക് തലയ്ക്ക് മുകളില്‍ വായും പൊളിച്ച് നില്‍ക്കുന്ന സൂര്യനോടൊരു ചോദ്യം?
എന്തിന് നീ ഞങ്ങളെ ഇങ്ങനെ ദ്രോഹിക്കുന്നു!

നട്ടുച്ചയ്ക്ക് തലയ്ക്ക് മുകളില്‍ വായും പൊളിച്ച് നില്‍ക്കുന്ന സൂര്യനോടൊരു രണ്ടാമത്തെ ചോദ്യം?
ഞങ്ങള്‍ 50 പൈസയുടെ പ്ലാസ്റ്റിക് കവറും പ്ലാവിലയും കത്തിക്കുന്നത് കൊണ്ടാണോ?

ഞങ്ങള്‍ എന്തെങ്കിലും ചെയ്യുന്നുണ്ടെങ്കില്‍ തന്നെ ഒരു തെറ്റും ചെയ്യാത്ത
കോഴിയും തവളകളും എന്തെങ്കിലും തെറ്റ് ചെയ്തിട്ടുണ്ടോ നിന്നോട്?

ഡെയിലി ഉദിക്കുകയും അസ്തമിക്കുകയും ചെയ്യുന്നത് കൊണ്ട്
ബോറടിക്കുന്നത് കൊണ്ടാണോ നീ ഭൂമിയില്‍ ആഘാതമേല്‍പ്പിക്കുന്നത്?

ആണെങ്കില്‍ നീ പറയുക വേറെ ഏതെങ്കിലും ഗ്രഹത്തിനെ ഏല്‍പ്പിക്കാം ഈ ജോലി
തോന്നുമ്പോ അള്‍ട്രാവയലറ്റും അല്ലാത്തപ്പോ നോര്‍മല്‍ കിരണങ്ങളും
ഭൂമിയില്‍ പതിപ്പിക്കുന്ന നീ ആരുടെ തോന്നല്‍ ആണ്?

[ഒക്ടോബര്‍ -3 World Habitat Day ക്ക് United Nations Headquarters-ല് അവതരിപ്പിക്കാന്‍ പോകുന്ന കവിത നിങ്ങള്‍ക്ക് വേണ്ടി ]

സെക്കണ്ട് ലാസ്റ്റ് ഗ്രേഡ് പരീക്ഷ പരിശീലനം

2011-06-27T21:20:00.008+05:30

Facebook Addiction Disorder

2011-06-04T21:35:00.002+05:30

‍-നോട് ചോദിക്കാം

2011-04-15T08:53:00.006+05:30

നമസ്ക്കാരം വ്യൂവേര്‍സ് ഇന്ന് നമ്മോടൊപ്പം ഉള്ളത് ഡോക്ടര്‍ ഉരേഷ് അയ്യര്‍ ആണ്.

പരിയാരം മെഡിക്കല്‍ കോളേജില്‍ നിന്ന് 1999-ല് സെക്കണ്ട് ക്ലാസോടെ പാസ് ഔട്ടായ ഡോക്ടര്‍ .

അവതാരിക: സാര്‍ ഡോക്ടര്‍ ഫീല്‍ഡ് തിരഞ്ഞെടുക്കാന്‍ കാരണം എന്താണ്?

ഡോക്ടര്‍ : പണ്ട് എന്‍റെ മമ്മി ഞാന്‍ ജനിക്കുന്നതിനു കുറച്ച് നാള് മുമ്പ് ബ്ലഡ് കാന്‍സര്‍ വന്ന് മരിച്ചപ്പോ എന്‍റെ അപ്പൂപ്പന്‍ ഒരു തീരുമാനമെടുത്തിരുന്നു എന്നെ ഡോക്ടറാക്കാമെന്ന്. ഇതിനെ ബേസ് ചെയ്ത് ഒരു സിനിമയൊക്കെ വന്നിരുന്നല്ലോ ഭ്രമരം കണ്ടിട്ടില്ലേ? അതില്‍ കഥയൊക്കെ ഇത്തിരി മാറ്റിയിട്ടൂണ്ട്. എനിക്കൊട്ടും താല്പര്യമില്ല ഈ ഫീല്‍ഡ്. എനിക്ക് സില്‍മാ നടനാകായിരുന്നു ഇഷ്ടം.

-----------------------------------------------------------------------------

അവതാരിക: ഡോക്ടര്‍ ഒരു കോള്‍ വന്നിട്ടുണ്ട്. ഹലോ നമസ്ക്കാരം ഡോക്ടറോട് സംസാരിച്ച് കൊള്ളൂ

രോഗി: ഡോക്ടര്‍ എനിക്ക് കാന്‍സര്‍ ആണ് ഡോക്ടര്‍ . ഇതിനു കൃത്യമായ എന്തെങ്കിലും ചികിത്സ ഉണ്ടോ?

ഡോക്ടര്‍: പിന്നേ ഏഏ. കാന്‍സര്‍ ഉണ്ടെങ്കില്‍ സ്ട്രിപ്റ്റോമൈസിന്‍, എറിത്രോസൈറ്റിന്‍ പിന്നെ പാരസെറ്റാമോള്‍ ഉണ്ടെങ്കില്‍ അത് തൊണ്ട് കളഞ്ഞ് ഉപയോഗിക്കുക. ഇതെല്ലാം കഴിച്ചാല്‍ കാന്‍സര്‍ മാറും

രോഗി: ഇതെല്ലാം ഞാന്‍ കൃത്യമായി വര്‍ഷങ്ങളായി കഴിക്കുന്നുണ്ട്.

ഡോക്ടര്‍: ആണോ?പിന്നെ ഇതെല്ലാം ദൈവത്തിന്റ്റെ കൈയില്ലല്ലേ? ദൈവത്തോട് പ്രാര്‍ഥിക്കുക.

-----------------------------------------------------------------------------

അവതാരിക: എല്ലാ ഡോക്ടര്‍മ്മാരും ഒരേ മരുന്ന് തന്നെ രോഗിക്ക് കൊടുക്കുന്നു പക്ഷേ കൊടുത്തിട്ടും എല്ലാ രോഗികളുടേയും അസുഖം മാറുന്നില്ല അതിനു കാരണമെന്താ?

ഡോക്ടര്‍ : അതാണ് ഭാഗ്യം. എനിക്ക് ഭയങ്കര കൈപുണ്യമാണെന്നാണെന്‍റെടുത്ത് വരുന്ന മിക്ക രോഗികളും പറയുന്നത്. ഇപ്പോ തന്നെ ഫോണ്‍ വിളിച്ച രോഗിക്ക് കാന്‍സര്‍ ആണ്.അതിനു കൃത്യമായ ചികിത്സ ഒന്നുമില്ല.എങ്കിലും ഞാന്‍ വെറുതെ കുറച്ച് മരുന്നും പ്രാര്‍ഥനയും സജസ്റ്റ് ചെയ്തു. അയ്യോ ആ രോഗി ഈ പരിപാടി കാണുന്നുണ്ടാരിക്കുമല്ലേ ഇപ്പോ ഇത് ഞാനത് മറന്നു പോയി. മോനേ ഞാന്‍ വെറുതെ പറഞ്ഞതാട്ടാ.കാന്‍സറൊക്കെ മാറും ട്ടാ...

-----------------------------------------------------------------------------

രോഗി: എന്‍റെ മുടി ഡെയിലി ഒരു 10-60 എണ്ണം കൊഴിയുന്നു.ഡോക്ടര്‍ മുടി കൊഴിയുന്നത് നിര്‍ത്താന്‍ എന്തെങ്കിലും മാര്‍ഗ്ഗം ?

ഡോക്ടര്‍: നിബോത്തമാദി എണ്ണ ഡെയിലി അര മണിക്കൂര്‍ കുളിക്കുന്നതിനു മുമ്പ് തേച്ച് പിടിപ്പിച്ച ശേഷം കുളിക്കുക. 2 മാസത്തിനകം പോയ മുടി എവിടേ നിന്നായാലും തിരിച്ച് വരും

രോഗി: ഒരു ഡൌട്ട്? ഡോക്ടറുടെ തലയില്‍ മുടി ഒന്നുമില്ലല്ലോ ഡോക്ടര്‍ ഇതൊന്നും ഉപയോഗിക്കാറില്ലേ?

ഡോക്ടര്‍: ഫോണ്‍ കട്ട് ചെയ്യ്.

-----------------------------------------------------------------------------

അവതാരിക: ഡോക്ടര്‍ ഗര്‍ഭിണികള്‍ക്ക് എന്തെങ്കിലും ഉപദേശം?

ഡോക്ടര്‍: മോള് ഇത് പറയുന്നത് കേട്ടാല്‍ തോന്നും ഞാന്‍ കാരണമാണ് കേരളത്തിലെ എല്ലാ പെണ്ണുങ്ങളും ഗര്‍ഭിണികളും ആയത് എന്ന്..

ഇഹ് ഇഹ് ഇഹ്

ഗര്‍ഭിണികള്‍ പരമാവധി സ്പോര്‍ട്ട്സ് മത്സരങ്ങളില്‍ നിന്ന് ഒഴിഞ്ഞ് നില്‍ക്കാന്‍ ശ്രമിക്കുക.ഉദാഹരണമായി ലോങ്ങ് ജമ്പ്,ഷോട്ട് പുട്ട് പിന്നെ ഒരു കോല്‍ കുത്തി ആകാശത്തോട് ചാടുന്ന ഒരു പരിപാടി ഉണ്ടല്ലോ അതിനൊന്നും ഒട്ടും പോകരുത്.എന്‍റെ അമ്മായിയുടേ മോള്‍ക്ക്. 10-ആം മാസം ഒരു മത്സരത്തില്‍ പങ്കെടുത്ത് അപകടം പറ്റിയിട്ടുള്ളതാ.

-----------------------------------------------------------------------------

രോഗി: എനിക്ക് എന്തോരം ഭക്ഷണം കഴിച്ചാലും മതിയാകുന്നില്ല .കുറച്ച് നാള് മുമ്പ് എന്നിക്കൊരു ചിക്കന്‍ പോക്സും മഞ്ഞ പിത്തവുമൊക്കെ വന്നിരുന്നു.അത് വന്നപ്പോ അക്രമിച്ച് ബാക്ടീരിയകള്‍ മരിക്കാതെ എന്‍റെ ശരീരത്തില്‍ ഇപ്പോഴും കിടപ്പുണ്ടാകുമോ ഡോക്ടര്‍ .അവരാണോ ഞാന്‍ തിന്നുന്ന ഫുഡ് മുഴുവന്‍ തിന്നുന്നത്.?

ഡോക്ടര്‍: ആദ്യമേ തന്നെ ഒരു കാര്യം മനസിലാക്കുക ഈ ബാക്ടീരിയകളും നമ്മുടെ പോലെ ഒരു മനുഷ്യരാണെന്ന് .അവറ്റകളുടെ അസ്ഥിത്വം എന്ന് പറയുന്നത് മനുഷ്യനില്‍ വരുന്ന രോഗങ്ങളിലൂടെയാണ് സാക്ഷാത്കരിക്കപ്പെടുന്നത്. അന്തരീക്ഷത്തില്‍ മുഴുവനുമുണ്ട് ഇവയൊക്കെ.അവയ്ക്ക് നമ്മുടേ ശാരീരത്തില്‍ കയറാന്‍ അവസരം കൊടുക്കാതെ കുറേ യോഗയൊക്കെ ചെയ്ത് നടക്കുന്നവരുണ്ട്.എനിക്ക് വെറുപ്പാണവരെ.ആദ്യം നമ്മുടേ പൂര്‍വ്വികരെ ബഹുമാനിക്കാന്‍ പഠിക്കുക.

നമ്മുടേ ശരീരം മണ്ണ് കൊണ്ട് നിര്‍മ്മിതമാണ്.മണ്ണില്‍ കളകള്‍ക്കും ജീവിക്കാനുള്ള സ്വാതന്ത്ര്യം ഉണ്ട്.സോറി ഞാനല്പം ഇമോഷനലായി പോയി.

-----------------------------------------------------------------------------

അവതാരിക: ഭക്ഷണത്തോടൊപ്പം ഒരിക്കലും വെള്ളം കുടിക്കരുതെന്ന് പറയാറുണ്ടല്ലോ?അതെന്ത് കൊണ്ടാണ്?

ഡോക്ടര്‍: ഒരിക്കലും പാടില്ല.നാം കഴിച്ച ഭക്ഷണത്തെ ദഹിപ്പിക്കുന്ന ദഹനരസങ്ങളെ വെള്ളം നശിപ്പിക്കും.

അവതാരിക: അപ്പോ ഈ ചോറ് തലയില്‍ കെട്ടുക ,അത്തരത്തിലുള്ള പ്രശ്നങ്ങളുണ്ടായാലോ?

ഡോക്ടര്‍: അങ്ങനെ പ്രശ്നമുണ്ടായാലും വെള്ളം കുടിക്കരുത്. ഇനി അഥവാ വെള്ളം കുടിക്കാതെ മരിച്ചാലും ഒരു നല്ല കാര്യത്തിനാണല്ലോ അയാള്‍ മരിച്ചതെന്നോര്‍ത്ത് സമാധാനിക്കുക.

-----------------------------------------------------------------------------

രോഗി: ഗര്‍ഭനിരോധന ഗുളികകള്‍ ഉപയോഗിക്കുന്നത് കൊണ്ട് എന്തെങ്കിലും പ്രശ്നം ഉണ്ടോ? എന്‍റെ വീടിന്‍റെ ആടുത്തുള്ള ഒരു ചേച്ചി ചോദിക്കാന്‍ പറഞ്ഞിട്ട് ചോദിക്കുന്നതാണ്.എനിക്ക് വേണ്ടി ചോദിക്കുന്നതല്ല!

ഡോക്ടര്‍:ഒരിക്കല്‍ ഒരു ഗുളിക കഴിച്ചാല്‍ പാര്‍ശ്വഫലങ്ങള്‍ ഉണ്ടാകാനിടയില്ല. എന്നാല്‍ ഗുളികമാസത്തില്‍ പല തവണ ഉപയോഗിക്കുന്നവര്‍ക്ക് ഓക്കാനം, ഛര്‍ദി എന്നിങ്ങനെ ഗര്‍ഭത്തിന്‍റെ ആദ്യഘട്ടങ്ങളിലുള്ള ലക്ഷണങ്ങള്‍ പ്രത്യ ക്ഷപ്പെടാം.

രോഗി:എനിക്ക് അല്ല ആ ചേച്ചിക്ക് ഇങ്ങനെ ഉള്ള പ്രശ്നങ്ങള്‍ ഒന്നും ഇല്ല ഇത് വരെ.

ഡോക്ടര്‍ :ഓക്കെ ഓക്കെ.നിങ്ങള്‍ക്ക് അല്ല ആ ചേച്ചിക്ക് കുഴപ്പമില്ലെങ്കില്‍ ശരി അപ്പോ

അവതാരിക:ഡോക്ടര്‍ ചിലര്‍ക്ക് ഇത് കഴിച്ചാല്‍ തലവേദനയും ഒമിറ്റിംഗ് ഉണ്ടാകാറുണ്ട്?

ഡോക്ടര്‍ ‍:അതാരാ ചിലര്‍?

അവതാരിക:എന്‍റെ വീടിന്‍റെ അടുത്തുള്ള ചേച്ചിക്ക് ആണ്.

ഡോക്ടര്‍ :ഒ.ഒ മനസിലായി :P

-----------------------------------------------------------------------------

അവതാരിക: ഈ സമീകൃതാഹാരം എന്ന നിലയില്‍ ഡോക്ടര്‍ക്ക് എന്തെങ്കിലും സജസ്റ്റ് ചെയ്യാന്‍ പറ്റുമോ?

ഡോക്ടര്‍: മിക്സര്‍.മിക്സറില്‍ എല്ലാമുണ്ട്.മിക്സറില് കാണപ്പെടുന്ന കപ്പലണ്ടിയില്‍ പ്രോട്ടീനും,കപ്പവറുത്തതില്‍ മാംത്സ്യവും ഉണ്ട്,അത് പോലെ വെളിച്ചെണ്ണയില്‍ ഫാറ്റ് അങ്ങനെ അങ്ങനെ.കഴിഞ്ഞയാഴ്ച ഞാന്‍ വാങ്ങിയ മിക്സര്‍ പാക്കറ്റില്‍ ചെറിയ ഒരു ആണി കിടപ്പുണ്ടാരുന്നു.അപ്പോ അയണും ആയി.

-----------------------------------------------------------------------------

രോഗി: എനിക്ക് ഭയങ്കര മറവി ആണ് ഡോക്ടര്‍ ഒരു കാര്യവും ഓര്‍ക്കാന്‍ കഴിയുന്നില്ല.ഭയങ്കര മറവി ശക്തിയാണ്.ഇത് മാറാന്‍ എന്തെങ്കിലും പോം പോം വഴി ഉണ്ടോ?

ഡോക്ടര്‍: ബ്രഹ്മിയുടെ ഇല,തുളസി,നെല്ലിക്ക ഇതെല്ലാം കൂടി അരച്ച് കുടിക്കുന്നത് നല്ലതായിരിക്കും.

രോഗി: എന്തിനാണ് ഡോക്ടര്‍ ?

ഡോക്ടര്‍:മറവി മാറാന്‍

രോഗി: ആര്‍ക്കാ?

ഡോക്ടര്‍: തനിക്കല്ലോടോ മറവി?

രോഗി: വാട്ട് യൂ മീന്‍?

ഡോക്ടര്‍:കരിമീന്‍ !! വെച്ചിട്ട് പോടോ !

അവതാരിക: ഞാനും പോണ് .

-----------------------------------------------------------------------------

അപ്പോളോ പന്ത്രണ്ടോ?

2011-03-16T19:06:00.008+05:30

എങ്ങനെയെങ്കിലും കാണണം അപ്പോളോ 12

ഇന്നലെ ഒരു ഫ്രണ്ട് ആണ് അപ്പോളോ12 എന്ന ഫിലിമിനെ പറ്റി പറഞ്ഞത്. 12 ആണോ 13 ആണോ എന്ന് കൃത്യം ആയി അറിയില്ല. എന്തായാലും സിനിമ സൂപ്പര്‍ ആണ്.

ചന്ദ്രനിലേക്ക് യാത്ര പോകുന്ന Apollo 12 എന്ന വണ്ടിക്ക് പാതിയില്‍ വെച്ച് നിയന്ത്രണം നഷ്ടപ്പെടുന്നു. liquid oxygen ഉള്ള ടാങ്ക് സ്കൈ ആയുള്ള അപ്രതീക്ഷിതമായ കൊളീഷന്‍ മൂലം ലീക്ക് ആകുന്നു. (ഇതൊന്നും പറഞ്ഞാ മനസിലാകില്ല. സില്‍മ കാണണം)

ചന്ദ്രനില്‍ പോകുക എന്ന് പറയുമ്പോ പലരും കരുതും എന്തോ ഗള്‍ഫില്‍ പോകുന്ന പോലെ സുഖം ഉള്ള കാര്യം ആണെന്ന്. എന്നാല്‍ പക്ഷെ ,ബട്ട് ഗള്‍ഫിലേക്ക് പോകുന്നത് പോലെ തന്നെ കഠിനമാണ് ചന്ദ്രനിലേക്ക് പോകുന്നതും. ഒരു പ്രവാസിയുടേ ദുഖം ഒരു പ്രചന്ദ്രന്‍റേത് പോലെ തന്നെ ആണ്.

സിനിമയുടേ കഥ എനിക്ക് വ്യക്തമായി പറയാന്‍ പറ്റാത്തവണ്ണം വലിയ സംഭവങ്ങളാണ് സ്ക്രീനില്‍ തെളിയുന്നത്. നമ്മുടെ എല്ലാം കൈയില്‍ എന്തോരം പൈസ ഉണ്ടായിട്ടും കാര്യം ഇല്ല. ചന്ദ്രനിലൊക്കെ പോയി തിരിച്ച് വരുമ്പോ ഇന്ധനം തീര്‍ന്നാ ഒന്നും ചെയ്യാന്‍ പറ്റില്ല. പൈസ അല്ല ലോകത്ത് ഏറ്റവും വലുത് എന്ന കാര്യം മനസിലാക്കി തരും ഈ ചിത്രം. റോക്കറ്റില്‍ നിറയ്ക്കാനുള്ള ഇന്ധനത്തിനും ജീവിതത്തില്‍ അതിന്‍റേതായ പ്രാധാന്യം ഉണ്ട്.

മാതാപിതാക്കള്‍ ഉള്ള എല്ലാ പെണ്‍ മക്കളും,അമ്മമ്മാരും രണ്ട് തവണ എങ്കിലും കണ്ടിരിക്കേണ്ട ചിത്രം ആണിത്. ഇത് നാളെ നമ്മള്‍ക്കും സംഭവിക്കാം. ഇത്തരം അനുഭവങ്ങള്‍ നമ്മുടേ എല്ലാവരുടേയും ജീവിതത്തില്‍ സംഭവിക്കാറുള്ളതാണ്. അതിനെ എങ്ങനെ നേരിടണം എന്ന് ഈ ചിത്രം കാണിച്ച് തരുന്നു. ചന്ദ്രനിലൊക്കെ പെട്ട് പോയാല്‍ നാം എങ്ങനെ രക്ഷപ്പെട്ട് പോരും ?

അതിനെ പറ്റി ചിന്തിക്കാത്ത ഒരൊറ്റ മാതാപിതാക്കളും ഉണ്ടാകില്ല. അത് കൊണ്ട് തന്നെ എല്ലാ മാതാപിതാക്കന്മാരും കണ്ടെണീക്കേണ്ട ഒരു ചിത്രം തന്നെ ആണ് അപ്പോളോ പന്ത്രണ്ടോ? കാരണം നാളെ ഇത് നമ്മുടെ മക്കള്‍ക്കും സംഭവിക്കാം.

ഉമാ പാറങ്കലിന്‍റെ ഒരു യാത്ര വിവരണത്തില്‍ പാലക്കാട് വെച്ച് ചന്ദ്രന്‍ ചേട്ടന്‍റെ ചായക്കടയില്‍ നിന്ന് ചായ കുടിച്ചിട്ട് പൈസ ഇല്ലാതെ രക്ഷപ്പെട്ട് വന്ന ഒരു കഥ പറയുന്നുണ്ട്. ഏകദേശം അതുമായി ചെറിയ ഒരു സാമ്യം ഉണ്ട് ഈ ചിത്രത്തിനും. പക്ഷേ അത് അങ്ങനെ തന്നെ ഉള്ള പിക്ചറൈസേഷന്‍ അല്ല.

അവന്‍റെ റേറ്റിംഗ് 4.99 ഔട്ട് ഓഫ് 5

അന്ത്യനാളിന്റെ അടയാളങ്ങള്‍ 12-12-12

2010-10-22T01:09:00.004+05:30

അന്ത്യനാളിന്റെ അടയാളങ്ങള്‍ പണ്ടേക്ക് പണ്ടെ ഞങ്ങളുടെ വേദഗ്രന്ഥങ്ങളില്‍ പ്രവചിച്ചിരുന്നതായി സൂചിപ്പിക്കുന്ന പോസ്റ്ററുകള്‍ വഴിയോരങ്ങളില്‍ കുറെ നാളായി പ്രത്യക്ഷപ്പെടുന്നുണ്ട്. കൂടെ റെഫറന്‍സിന് വേണ്ടി കുറെ അടയാളങ്ങളും ചേര്‍ത്തിട്ടുണ്ട്.

എല്ലാ വേദഗ്രന്ഥങ്ങളും പ്രവചിച്ചു. ഡിങ്കോയിസ്റ്റുകളുടെ വേദഗ്രന്ഥത്തില്‍ മാത്രം ഒന്നും അതിനെ പറ്റി ഇല്ല. എന്നും പറഞ്ഞ് ഇതര മതവിശ്വാസികള്‍ ഡിങ്കോയിസ്റ്റായ സുരേഷിനെ കളിയാക്കാന്‍ തുടങ്ങിയിട്ട് കുറച്ച് നാളായി.ഇതില്‍ മനം നൊന്ത സുരേഷ് കഴിഞ്ഞയാഴ്ച കാലടിയിലെ ഡിങ്കാശ്രമത്തില്‍ വന്ന് സങ്കടം പറഞ്ഞിരുന്നു.

കരഞ്ഞ് കൊണ്ട് സുരേഷ്: "എല്ലാ വേദഗ്രന്ഥങ്ങളും അവസാന നാളുകളിലെ ക്ലൂ കൊടുത്തിരുന്നു നമ്മക്കടേല്‍ മാത്രം ഒന്നും ഇല്ല.ബാലമംഗളത്തിന്‍റെ ആധികാരികതയെ എല്ലാരും കളിയാക്കുന്നു."

ഡിങ്കന്‍റെ ചെമ്പരത്തി വിരിഞ്ഞ മഹാനെന്നറിയപ്പെടുന്ന കാലടി ഡിങ്കാശ്രമ അധിപന്‍ ശ്രീ ശ്രീ കെ.കെ സുസ്മേഷിനെ ഇത് വളരെയധികം വിഷമിപ്പിച്ചു.അങ്ങനെ 5 മിനുറ്റ് വിഷമിച്ചിരുന്നപ്പോഴാണ് പെട്ടെന്ന് സുസ്മേഷ് അതോര്‍ത്തത്.അന്ത്യനാളുമായി ബന്ധപ്പെട്ട എന്തൊക്കെയോ ബാലമംഗളത്തിന്‍റെ അധികം പബ്ലിഷ് ചെയ്യാത്ത പണ്ടത്തെ ഒരു ലക്കത്തില്‍ കണ്ടിട്ടുണ്ടല്ലോ?!. ഉടന്‍ തന്നെ സുസ്മേഷ് തന്‍റെ ഇല്ലത്തേക്ക് ഓടി. ഇല്ലത്തെ രണ്ടാം നിലയിലെ പുസ്തകശാലയിലെ കട്ടിലിനടിയില്‍ നിന്ന് ബാലമംഗളം ബി.ഡി (ബിഫോര്‍ ഡിങ്കന്‍ ) 1501-ആം വര്‍ഷത്തിലെ
(അതായത് ഏകദേശം 20120 വര്‍ഷങ്ങള്‍ക്ക് മുമ്പുള്ളത്) എല്ലാ ലക്കങ്ങളും പരിശോധിച്ചു. അവസാനം ജൂലൈ ലക്കത്തില്‍ നിന്നു അന്ത്യനാളിന്‍റെ അടയാളങ്ങള്‍ കണ്ടെത്തി.

N.I.F.E.യിലൂടേ മാത്രമേ ജീവിത വിജയം ഉണ്ടാകുകയുള്ളൂ എന്ന് എല്ലാവരും പറയും.
പള്ളികള്‍ കൊട്ടാരം കണക്കെ ആയിത്തീരും. പള്ളികളോടും അമ്പലങ്ങളോടും ചേര്‍ന്ന് പള്ളി അധികാരികള്‍ ആഡിറ്റോറിയങ്ങള്‍ പണിയും. ഈ ആഡിറ്റോറിയത്തില്‍ കല്യാണാഘോഷങ്ങളും മരണാഘോഷങ്ങളും നടത്താന്‍ ഭകതജനങ്ങളൂടേ കൈയില്‍ നിന്ന് നല്ല പൈസ വാങ്ങുകയും ചെയ്യും.
സംഗീതത്തിന്‍റെ ദുരുപയോഗം ഉണ്ടാകും. ഡിങ്കോയിസം ഇപ്പോ (ബിഡി 1501) എതിര്‍ക്കുന്ന ട്രാന്‍സ്, ബ്രേക്ക് ബീറ്റ്, ഹാര്‍ഡ് റോക്ക് ഇതെല്ലാം എല്ലാവരും കേള്‍ക്കും. ഹിപ്പ് ഹോപ്പും യോ യോ യും എല്ലായിടങ്ങളിലും വ്യാപിക്കും.
സ്ത്രീയും പുരുഷനും ലൈംഗികബന്ധത്തിലേര്‍പ്പെടാന്‍ സാധ്യത ഉണ്ട്. (ഇതൊക്കെ എഴുതാന്‍ തന്നെ നാണമായിട്ട് വയ്യ....അയ്യേ!)
ബാലമംഗളം ബാലാരോഗ്യമാസിക ഇന്ന് (അന്ന്) അനുവദിക്കാത്ത സെക്സ് ജനങ്ങളില്‍ വര്‍ദ്ധിക്കും.അത് കാരണമായി അവര്‍ ഒരിക്കലും കേള്‍ക്കാത്ത ഒരു രോഗം അവര്‍ക്കിടയില്‍ വ്യാപിക്കും (അതിന്‍റെ പേര് ഫീവര്‍ എന്നോ, ചിക്കന്‍ ഗുനിയ എന്നോ എയ്ഡെസെന്നോ ആയിരിക്കാം)
അച്ചടക്കവും ക്ഷമാശീലവും മര്യാദയും ഉള്ളവര്‍ ബീവറേജിന്‍റെ മുന്നിലെ ക്യൂവില്‍ മാത്രമായി തീരും.
നല്ല വാറ്റു ചാരായം കിട്ടാനില്ലാതാകും. ഔഷധം ആയ കള്ളില്‍ പോലും മനുഷ്യന്‍ സിലോണ്‍ പേസ്റ്റ് ചേര്‍ക്കും :(
ഇന്നത്തെ പോലെ പുഴകടവിനടുത്ത് ഉള്ള ചെറിയ കാടുകളില്‍ ഒന്നും മനുഷ്യന് കഷ്ടപ്പെട്ട് കുളിസീന്‍ കാണേണ്ട അവസ്ഥ ഉണ്ടാകില്ല. (ഇത് മൊബൈലും ബ്ലൂടൂത്തും ഇന്‍റര്‍നെറ്റും യൂട്യൂബും മുന്നില്‍ കണ്ട് അന്നത്തെ ഡിങ്കോയിസ്റ്റുകള്‍ നടത്തിയ പ്രവചനമാണ്)
നയന്‍ താര ബില്ലയിലും ഐശ്വര്യറായ് ദൂം-2വിലും ബിക്കിനി ഇട്ട് അഭിനയിക്കും (ഈ പ്രവചനം നിലവിലുള്ള ഒരൊറ്റ വേദഗ്രന്ഥവും പ്രവചിക്കാത്തതാണ്)
നീതിമാന്മാരുടേ എണ്ണം കുറയും.ഓരോ ദേശത്തും ഓരോ ആളുകള്‍ എന്ന് പറയുന്ന കാലമാകും. ഉദാ:അങ്കമാലിയിലെ അനീഷ്,കൊടുങ്ങല്ലൂരുള്ള വിഷ്ണു.കോഴിക്കോടുള്ള രാജേഷ് നായര്‍,വല്ലത്തുള്ള ഫിറോസ് എക്സട്രാ.
വേദഗ്രന്ഥങ്ങളില്‍ നോക്കി ശരിയും തെറ്റും കണ്ട് പിടിക്കാന്‍ മനുഷ്യന്‍ കഷ്ടപ്പെടുന്ന കാലമാകും. ഉദാ:വേദഗ്രന്ഥത്തിലെ 26ആം പേജില്‍ അക്രമിക്കാനും 62മത്തെ പേജില്‍ മാപ്പ് കൊടുക്കാനും പറയുന്നത് കൊണ്ട് മനുഷ്യന്‍ നീതി ഏതെന്ന് കണ്ടെത്താന്‍ കഷ്ടപ്പെടും
ബാര്‍ബര്‍ ഷോപ്പാണെന്ന് കരുതി ചായക്കടയിലേക്ക് മനുഷ്യര്‍ കയറുകയും പിന്നീട് അത് വലിയ കോമഡി ആകുകയും ചെയ്യും
വിദ്യാഭ്യാസത്തിന്‍റെ വര്‍ദ്ധനവ് (പുരോഗതി )ഉണ്ടാകും പക്ഷേ അതിനനുസരിച്ചുള്ള വിവരം ഉണ്ടാകില്ല.
മാര്‍പ്പാപ്പ സഭ നടത്തിയ പീഡനങ്ങള്‍ക്ക് മാപ്പ് പറയുകയും പീഡനങ്ങള്‍ തുടരുകയും ചെയ്യും.
നിക്കാര്വോഗയിലെ തങ്ങളുടേ മതത്തില്‍പ്പെട്ട സഹോദരന്മാര്‍ പീഡിപ്പിക്കപ്പെടുന്നത് കൊണ്ട് അതിനെതിരെ കോണത്ത്കുന്നിലെ ബസില്‍ ബോംബ് വെച്ച് നിരപരാധികളെ കൊന്ന് ചിലര്‍ പ്രതിഷേധിക്കും.ഇവര്‍ സ്വര്‍ഗ്ഗത്തിലെത്താന്‍ വേണ്ടി ആണിത് അന്ന് ചെയ്യുന്നത്.
അയോദ്ധ്യ വിധി സെപ്നംബര്‍ 24ല് നിന്ന് 28 ലേക്ക് മാറ്റും.
പുരുഷന്മാര്‍ ലോ വേസ്റ്റ് ജീന്‍സ് എന്നറിയപ്പെടുന്ന ഒരു തരം വസ്ത്രം ഉപയോഗിക്കും. ലോ വേസ്റ്റ് ഉപയോഗിക്കുമ്പോള്‍ അണ്ടര്‍വെയര്‍ നിര്‍ബന്ധമാണെന്ന് ഡിങ്കോയിസം നിര്‍ബന്ധിക്കുന്നുണ്ടെങ്കില്‍ പോലും അവര്‍ അത് ചെയ്യില്ല
കണ്ടല്‍ക്കാട് നശിപ്പിക്കുന്നതും ആണവനിലയങ്ങള്‍ ഉണ്ടാക്കുന്നതും പ്രകൃതിയുടേ സന്തുലാനാവസ്ഥയ്ക്ക് അത്യാവശ്യമാണെന്ന് പറയുന്നവരുണ്ടാകും :-/
ഡിങ്കോയിസ്റ്റ് ആചാര്യന്‍ ഉരേഷ് ഇന്ന് കണ്ടെത്തിയിട്ടുള്ള പലതും അംഗീകരിക്കപ്പെടും. ഉദാ:-[integral]xn dx = xn+1 (n+1)-1 + C(n -1) എന്നത് ലോകം മുഴുവനും അംഗീകരിക്കപ്പെടും
മലയാളത്തില്‍ പല ടൈപ്പ് കച്ചറ ബ്ലോഗര്‍മാരും വരും.ഉപബുദ്ധന്‍റെ ബ്ലോഗ് വരെ വായിക്കുന്നവരുണ്ടാകും

തമിഴ് പടം

2010-03-23T08:26:00.013+05:30

സിനിമാ റിവ്യൂ അല്ല ഉദ്ദേശിക്കുന്നത്.കേരളത്തില്‍ ഈ പടം ശ്രദ്ധിക്കപ്പെടാതിരിക്കാന്‍ ചാന്‍സ് ഉണ്ട്
ഞാന്‍ കാരണം ആരെങ്കിലും ഈ പടം കണ്ടാല്‍ അവര് എന്നെ തെറി പറയില്ല എന്ന് ഉറപ്പുള്ളത്
കൊണ്ട് ആണ് ഇത് പോസ്റ്റുന്നത്

തമിഴ് പടം

സിനിമാപ്പെട്ടി എന്ന ഗ്രാമത്തില്‍ ജനിക്കുന്ന എല്ലാ ആണുങ്ങളും മദ്രാസില്‍ പോയി
ഒരു സിനിമയില്‍ അഭിനയിച്ച് കഴിഞ്ഞ് പടം റിലീസാകുന്നതിന് മുമ്പേ 2010-ല് ഞാനാണ് അടുത്ത സി.എം
എന്ന് പറയുന്നു .ഇത് കാരണം ഗവണ്മെന്‍റ് ആ നാട്ടിലേക്കുള്ള കറണ്ട്,ഇലക്ട്രിസിറ്റി,വെള്ളം
ഇതെല്ലാം ബ്ലോക്ക് ചെയ്യുന്നു.

ഈ പ്രശ്നം ഒഴിവാക്കാന്‍ വേണ്ടി നാട്ടാമൈ ഒരു തീര്‍പ്പ് കല്പിക്കുന്നു.
ഈ നാട്ടില്‍ ജനിക്കുന്ന എല്ലാ ആണ്‍കുട്ടികളേയും കള്ളിപ്പാല്‍ കൊടുത്ത് കൊന്ന് കളഞ്ഞേക്കണം എന്ന്
ഈ നിയമം തെറ്റിക്കുന്ന മാതാപിതാക്കളെ ചിമ്പുവിന്‍റെ പടം 100 തവണ കാണിക്കണം എന്ന വേറേ ഒരു ശിക്ഷയും.

അങ്ങനെ ആ നിയമം പ്രാബല്യത്തില്‍ വന്നതിനു ശേഷം ആണ് നായകന്‍റെ (ശിവ) ജനനം.
അമ്മൂമ്മ കുഞ്ഞ് ആണ്‍കുഞ്ഞായത് കൊണ്ട് ജനിച്ച ഉടനെ തന്നെ വിഷം ചേര്‍ത്ത പാല്‍ കൊടുക്കുന്നു.
പാല്‍ കുടിപ്പിക്കാന്‍ നോക്കുമ്പോള്‍ കുഞ്ഞ് പറയുന്നു “പാട്ടീ പാട്ടീ ഒരു നിമിഷം നില്ല്“
എന്നെ ഗുഡ്സ് വണ്ടിയില്‍ കയറ്റി മദ്രാസിലേക്ക് വിട്.
പാട്ടി അങ്ങനെ ചെയ്യുന്നു.പാട്ടിയും കൂടെ പോകുന്നു ആ നവജാതശിശുവിന്‍റെ ഒപ്പം.

1.ആ കുഞ്ഞ് സൂപ്പര്‍ സ്റ്റാറാകുമോ?
2.പാട്ടീ അവന്‍ സ്റ്റാര്‍ ആകാന്‍ വേണ്ടി വഴിവിട്ട് പലതും ചെയ്യുന്നു, എന്തിന് വേണ്ടി?
3.സ്വന്തം അച്ചനെ വര്‍ഷങ്ങള്‍ക്ക് ശേഷം അന്വേക്ഷിച്ച് വരുന്ന ശിവ എങ്ങനെ കണ്ടെത്തുന്നു.?
4.10 വര്‍ഷത്തേക്ക് എണീക്കാന്‍ കഴിയില്ല എന്ന് ഡോക്ടര്‍മാര്‍ വിധി എഴുതിയ അസുഖത്തെ
ശിവ എങ്ങനെ അതിജീവിക്കുന്നു
5.കോടതി എന്ത് കൊണ്ട് ശിവയെ വെറുതെ വിടുന്നു?പാട്ടിക്ക് എന്തിന് ഗോള്‍ഡന്‍ ഗ്ലോബ് കൊടുക്കുന്നു?

ഒരു പാട് ചോദ്യങ്ങളുണ്ട്.

ഈ പടം കണ്ടില്ലെങ്കില്‍ വലിയ ഒരു നഷ്ടം ആയിരിക്കും
ഞാന്‍ രണ്ട് തവണ കണ്ടു കഴിഞ്ഞു.
ഇനിയും കാണും.
അടുത്ത കാലത്തൊന്നും ഒരു സിനിമ
കണ്ട് ഇത്രേം പൊട്ടിചിരിച്ചിട്ടില്ല.
തമിഴന്മാര്ക്ക് കോമഡി അറിയില്ല
എന്ന് പറയുന്നവന്മാര് ഈ പടം കാണണം.

പ്രണയം ഇത്ര ഭംഗിയായി അവതരിപ്പിച്ച വേറെ ഒരു ചിത്രമുണ്ടോ എന്നറിയില്ല.
സേതു,അനിയത്തിപ്രാവ്,സേതുരാമയ്യര്‍ സി.ബി.ഐ(3),തുമ്പോളി കടപ്പുറം ഈ
ചിത്രങ്ങള്‍ക്ക് ശേഷം പ്രണയത്തിന്‍റെ തീവ്രമായ ആവിഷ്ക്കാരം ഈ ചിത്രത്തിലെ കണ്ടിട്ടുള്ളൂ.
പുസ്തകത്തിലൂടെ ഭരതനാട്യം പഠിക്കുന്നതിനു ഉള്ള പരിമിതികളെല്ലാം അതിജീവിച്ച്
പ്രണയിനിയെ സ്വന്തമാക്കാന്‍ ഉള്ള ഡെഡിക്കേഷന്‍ പല കമിതാക്കള്‍ക്കും പ്രചോദനമാകുമെന്ന
കാര്യത്തില്‍ യാതൊരു സംശയവും ഇല്ല.

അബദ്ധത്തിലറിയാതെയറിഞ്ഞത്

2010-03-14T22:07:00.006+05:30

പല ആള്‍ക്കാര്‍ക്കും ഉള്ള ഒരു സംശയം ആണ്

ഈ ലൈനടിക്കുന്നവര് തമ്മില്‍ എന്താണ് ഈ മണിക്കൂറുകളോളം സംസാരിച്ച് കൊണ്ടിരിക്കുന്നതെന്ന്?
കമിതാക്കള്‍ രണ്ട് പേരും ഒരേ കണക്ഷന്‍ എടുത്ത് അണ്‍ ലിമിറ്റഡ് ടോക് ടൈം ഉള്ള ഓഫറൊക്കെ
ആക്ടീവ് ചെയ്യുന്നത് എന്തിനാനെന്നൊക്കെ ഉള്ള സംശയങ്ങള്‍ ?
അതിനൊക്കെ ഉള്ള ഉത്തരം ആണ് ഈ നാല് സംഭാഷണങ്ങള്‍.

ഇത് ഞാന്‍ കോളേജില്‍ പഠിച്ചപ്പോ എന്‍റെ ഫ്രണ്ട് ബഞ്ചില്‍ ഇരുന്ന
കാമുകി കാമുകന്മാര്‍ പറയുന്നത് ഞാന്‍ ഒളിച്ചിരുന്ന് കേട്ടതാണ്.
അന്നെനിക്ക് പനി ആയത് കൊണ്ട് ഞാന്‍ അവര്‍ ഇരിക്കുന്ന ബഞ്ചിന്‍റെ
ബാക്കില്‍ കിടന്ന് ഉറങ്ങുകയായിരുന്നു.
അത് കാരണം കൂടുതലൊന്നും ഞാന്‍ ശ്രദ്ധിച്ചില്ല.
(ഞാന്‍ അവര് പറയുന്നത് കേള്‍ക്കാന്‍ വേണ്ടി ബാക്കില്‍ ഇരുന്നു
എന്ന് ആരും തെറ്റിദ്ധരിക്കില്ല എന്ന് കരുതുന്നു)

1.

ദീപക് : എന്‍റെ നീതു ഇന്നലെ ഒരു സംഭവം ഉണ്ടായി.
നീതു : എന്ത് പറ്റി?
ദീപക് : ഇന്നലെ അമ്മ രാത്രി എന്നോട്
അര കിലോ മൈദ വാങ്ങി കൊണ്ട്
വരാന്‍ പറഞ്ഞു...
നീതു : എന്നിട്ട്?
ദീപക് : ഞാന്‍ കടയില്‍ പോയി.
കടേല്‍ ചെന്നപ്പോ ആണ്
ആകെ പ്രശ്നമായത്.
നീതു : എന്ത് പറ്റി ദീപു?
എന്തായാലും നീ എന്നോട് പറ
ദീപക് : ഒന്നും പറയണ്ട എന്‍റെ നീതു
കടേല്‍ ചെന്നപ്പോ എനിക്ക്
ആകെ ടെന്‍ഷന്‍.
അമ്മ പറഞ്ഞത് മൈദ
വാങ്ങാനാണോ അതോ റവ വാങ്ങനാണോ എന്ന്?
നീതു : അയ്യോ?!എന്നിട്ട്?
ദീപക് : എനിക്കാ കട എത്തുന്നത് വരെ ഒരു സംശയവും ഉണ്ടായിരുന്നില്ല
അര കിലോ മൈദ,അര കിലോ മൈദ എന്ന് ഞാന്‍ മനസില്‍
പറഞ്ഞ് കൊണ്ടാ കടയിലേക്ക് നടന്നത്.
പക്ഷേ ആ തെണ്ടി കടക്കാരന്‍ ഞാന്‍ കടയില്‍ ചെന്നപ്പോ മൈദ ആണോ റവ ആണോ വേണ്ടത് എന്ന് ചോദിച്ചപ്പോ ഞാന്‍ ആകെ കണ്‍ഫ്യൂഷന്‍ ആയി പോയി നീതു.
ഈ മൈദേം റവേം ഓറഞ്ച് കളറായത് കൊണ്ട് കൂടി ആണ് ഞാന്‍ കണ്‍ഫ്യൂഷനായി പോയത്.
നീതു : എന്തൊരു മനുഷ്യനാ അങ്ങേര്?!
ദീപക് :എന്നിട്ട് ഞാന്‍ ആലോചിച്ചു അവിടെ നിന്ന് കുറേ നേരം.........................................................
അപ്പോഴാ ഓര്‍ത്തത് അമ്മ ഇഡ്ഡലി ആണ്
നാളെ ഉണ്ടാക്കുക എന്ന് പറഞ്ഞിരുന്ന കാര്യം
ഇഡ്ഡലി ഉണ്ടാക്കുന്നത് റവ ഉപയോഗിച്ചാണല്ലോ?
അങ്ങനെ ഞാന്‍ ബുദ്ധി ഉപയോഗിച്ച് അര കിലോ റവ വാങ്ങി
കൊണ്ട് വീട്ടിലേക്ക് വന്നു
നീതു : ഗ്രേറ്റ് യാര്‍ റിയലി ഗ്രേറ്റ്
ഐ ലവ് യു

ദീപക് : മീ റ്റു

2.

നീതു : ഇന്നലെ അതിനേക്കാളും വലിയ ഒരു ഭയങ്കര സംഭവമുണ്ടായി എന്‍റെ ദീപു
ദീപക് : എന്താ?
നീതു : ഇന്നലെ അമ്മ കടല വെള്ളത്തിലിട്ടത്
ഇന്ന് കാലത്ത് മുളച്ചേക്കണൂ
ദീപക് : എന്നിട്ട്?
നീതു : എന്ത് പറയാനാ എന്‍റെ ദീപു
ഇന്നലെ രാവിലെ വിരുന്നുകാര് വരുമെന്ന് പറഞ്ഞ ദിവസം ആയിരുന്നു
ഇളേപ്പന്‍ വരുമെന്നു ശാലിനി ആന്‍റിയുടെ അളിയന്‍ നേരത്തേ പറഞ്ഞിരുന്നു
(ശാലിനി ആന്‍റി ആരാ എന്ന് ഞാനോ ഇത് വായിക്കുന്നവരോഅറിയണ്ട ആവശ്യമില്ല
ശാലിനി ആന്‍റിയെ അറിയുന്ന പോലെ ദീപക് കഥ കേട്ടിരുന്ന പോലെ നിങ്ങളും ഇരുന്നാ മതി)
എന്നിട്ടെന്താ ചെയ്യുക അമ്മ ആകെ ടെന്‍ഷനായി പോയി.
കാരണം ഒരു ബന്ധു വീട്ടിലേക്ക് വരുമ്പോ
മുളപ്പിച്ച കടല വെച്ചുള്ള കറി കൊടുക്കുക എന്നൊക്കെ പറയുന്നത്
അവരെ അവഹേളിക്കുന്നതിന് തുല്യമല്ലേ ദീപു
ദീപക് : അത് ശര്യാ.
നീതു : ഞാനും അമ്മെം അപ്പോ മനസിലിങ്ങനെ പ്രാര്‍ഥിച്ചു
ലോകത്തിലാര്‍ക്കും ഇങ്ങനെ ഒരവസ്ഥ ഉണ്ടാക്കാരുതേ എന്ന്..
ദീപക് : ഈശ്വരാ വല്ലാത്ത ഒരവസ്ഥ തന്ന്യാ എന്‍റെ നീതു അത്?
നീതു : എന്നിട്ട് ഞാനും അമ്മേം കൂടി എല്ലാ കടലേം എടുത്ത്
മുള വന്ന ഭാഗം കൈ വെച്ച് പറിച്ച് കളഞ്ഞു.
എന്നിട്ട് വേഗം കറി വെയ്ക്കാമെന്ന് കരുതി നോക്കിയപ്പോ ആണ്
അടുത്ത പ്രശ്നം.വീട്ടില്‍ കടുക് ഇല്ല.
ദീപക് : അയ്യോ?
നീതു : കടുക് ഇല്ലാതെ കടല കറി എന്ന് പറഞ്ഞാല്‍ അതും പ്രശ്നം
എന്നിട്ട് കുറച്ച് ഉലുവ എടുത്ത് ചീനച്ചട്ടിയില്‍ വെളിച്ചെണ്ണ ഇട്ട് ചൂടാക്കി
കറുപ്പിച്ചെടുത്ത് കടുക് പോലെയാക്കി എടുത്തു ദീപക്.

ഒരാഴ്ചയ്ക്ക് ശേഷം എനിക്ക് വീണ്ടും പനി വന്ന് ആകസ്മികമായി
ഞാന്‍ വീണ്ടും അവരുടെ പിറകില്‍ ഇരിക്കുകയും അബദ്ധത്തില്‍
അവര് പറയുന്നത് വീണ്ടും കേള്‍ക്കാന്‍ ഇടയായി

3.

ദീപക് : നമ്മള്‍ അമ്മ ദൈവമാണ് ദേവി ആണ് എന്നൊക്കെ പറയാറുണ്ട്

എനിക്കങ്ങനെ തോന്നുന്നില്ല എന്‍റെ അഭിപ്രായത്തില്‍ അമ്മ താടക ആണ്
നീതു :ങേ? എന്ത് പറ്റി?
ദീപക് : ഒന്നും പറയണ്ട.ഇന്നലെ ഞാന്‍ ഓര്‍ക്കൂട്ടില്‍ വന്നപ്പോ
ആകെ ഒരു മൂഡ് ഓഫ് പോലെ ഫീല്‍ ചെയ്തു എന്ന് നീ പറഞ്ഞില്ലേ
അതിന് കാരണം എന്‍റെ അമ്മ ആണ്.
നീതു :അമ്മ എന്ത് ചെയ്തു നിന്നെ.
ദീപക് : എന്‍റെ നീതു ഇന്നലെ രാവിലെ കുളി കഴിഞ്ഞ്
നീ ആയി ചാറ്റ് ചെയ്യാന്‍ വേണ്ടി വേഗം ഓടി വന്ന്
ഞാന്‍ സിസ്റ്റത്തിന്‍റെ ഫ്രണ്ടില്‍ ഇരുന്നതാ
അപ്പോ അമ്മ ഓടി വന്ന് ഒരൊറ്റ അടി
നീതു :ങേ എന്തിനാ?
ദീപക് : നീ ആയി ചാറ്റ് ചെയ്യാന്‍ വേണ്ടി ഉള്ള ധൃതിയില്‍ ഞാന്‍
അണ്ടര്‍ വെയര്‍ അലക്കിയത് കുളിമുറിയുടേ ഉള്ളിലെ സ്റ്റാണ്ടില്‍ തന്നെ ഇട്ടു.
അത് അമ്മയ്ക്ക് ഇഷ്ടമായില്ല.ഇന്ന് മനു അങ്കിള്‍ വരുന്ന ദിവസം ആയിട്ട്
കുളിമുറി വൃത്തികേടാക്കി ഇട്ടൂന്ന് പറഞ്ഞാ എന്നെ അടിച്ചേ?
നീതു : എന്തൊരു സ്ത്രീയാ നിന്‍റെ അമ്മ
ദീപക് : എല്ലാം സഹിച്ചല്ലേ പറ്റു
ആ സംഭവത്തിന് ശേഷം ഞാന്‍ ഇന്ന് വരെ അണ്ടര്‍ വെയര്‍ ഉപയോഗിച്ചിട്ടില്ല നീതു
നീതു: ഐ ആം പ്രൌഡ് ഓഫ് യൂ
നീതു : താങ്ക്സ്

4.

നീതു : ഈ സംഭവം പറഞ്ഞപ്പോഴാ ദീപു എന്‍റെ കുട്ടിക്കാലത്ത് നടന്ന ഒരു സംഭവം ഓര്‍മ്മ വന്നത്
ദീപക് : അതെന്താ?പറ നീതു ,നീ പറയാന്‍ പോകുന്നത്
മണ്ടത്തരമാണേങ്കിലും കേള്‍ക്കാന്‍ നല്ല രസമുണ്ടാകും
നീതു : ഞാന്‍ 7ആം ക്ലാസില്‍ പഠിക്കുന്ന സമയം.
അന്ന് ഡ്രില്ലിന്‍റെ പിരീഡില്‍ ആണ് അത് സംഭവിച്ചത്
ഡ്രില്ലിന്‍റെ പിരീഡില്‍ എല്ലാരും കളിക്കാന്‍ പോകുമല്ലോ?
അന്ന് എല്ലാരും കളിക്കാന്‍ പോയി.
കളിക്കുന്നതിന്‍റെ ഇടയില്‍ ഞാന്‍ ചൌ മിട്ടായി വാങ്ങാന്‍ വേണ്ടി
ബാഗില്‍ നിന്ന് പൈസ എടുക്കാന്‍ വന്നു.
അത് കാരണം എന്താ സംഭവിച്ചേ എന്നറിയോ തനിക്ക്

ദീപക് : എന്താ സംഭവിച്ചത്?
നീതു : ഡ്രില്ല് കഴിഞ്ഞുള്ള സാമൂഹ്യപാഠം പിരീഡില്‍
എല്ലാരും ക്ലാസില്‍ വന്നപ്പോ ഒരുത്തന്‍റെ ബാഗില്‍ ഇരുന്ന വാച്ച് കാണാനില്ല
എന്ന് പറഞ്ഞ് വലിയ പ്രശ്നം.
എല്ലാരും എന്നെ ആണ് സംശയിച്ചത്.
കാരണം ഡ്രില്ലിന്‍റെ പിരീഡില്‍ ഞാന്‍ ക്ലാസില്‍ വന്ന്
വാച്ച് അടിച്ച് മാറ്റിയിട്ടുണ്ടാകാമെന്ന് പലരും തെറ്റിദ്ധരിച്ചു.
അന്ന് എല്ലാരും എന്നെ തെറ്റിദ്ധരിച്ചു.
ഞാനാണ് ആ വാച്ച് എടുത്തതെന്ന് കരുതി.
സത്യത്തില്‍ അന്ന് ഞാന്‍ അവന്‍റെ വാച്ച് എടുത്തിരുന്നില്ല.
ഞാന്‍ ആ ദിവസത്തിന്‍റെ തലേ ദിവസം ആണ് വാച്ചെടുത്തത്.
പക്ഷേ എന്നെ അന്ന് എല്ലാരും തെറ്റിദ്ധരിച്ചു.
തലേന്നാണ് തെറ്റിദ്ധരിച്ചിരുന്നതെങ്കില്‍ എനിക്കത്രേം
വിഷമം ഉണ്ടാകുമായിരുന്നില്ല.
പക്ഷേ അന്ന് ഞാനെടുത്തു എന്ന് പറഞ്ഞത് (പൊട്ടിക്കരച്ചില്‍)
ദീപക് : എന്താ നീതു കൊച്ചു കുട്ടികളുടെ പോലെ.

ഇതൊക്കെ ആദ്യം.
ലൈനായി കുറച്ച് നാള്‍ കഴിയുമ്പോ
പിന്നെ എല്ലാം മാറും ..
കൂതറ ആകും
ദീപൂവും റവയുമെല്ലാം ആകെ മാറും
ഇടയില്‍ ഉള്ള വും പോകും...........

എന്‍റെ ആദ്യ ലവ് ലെറ്റര്‍ (അവസാനത്തേതും)

2010-02-12T11:07:00.002+05:30

2007-ലെ എന്‍റെ ആദ്യ ലവ് ലെറ്റര്‍
(2007ല് എഴുതിയതായത് കൊണ്ട് അത്ര നിലവാരം ഉണ്ടാകില്ല

ലവ് ലെറ്റര്‍ ഇവിടെ തുടങ്ങുന്നു

എനിക്ക് സാഹിത്യം ഒന്നും പറഞ്ഞ് നിന്നെ വളയ്ക്കാനറിയില്ല
എങ്കിലും ഞാന്‍ പരമാവധി ശ്രമിക്കാം.
നിന്നെ ആദ്യമായി കണ്ടപ്പോ ഞാന്‍ മനസില് ഓര്‍ത്തു
നിന്നെ ഞാന്‍ ഇതിനു മുമ്പ് കണ്ടിട്ടില്ലല്ലോ എന്ന്.
നിന്നെ ഒഴിച്ച് വേറെ ആരെ കുറിച്ചൊന്നും ഞാനങ്ങനെ ഒന്നും ഓര്‍ത്തിട്ടില്ല.

നിന്നെ ഞാന്‍ പരിചയപ്പെട്ടില്ലെങ്കില്‍ ഈ പൂക്കളുടെ ഭംഗിയും
എന്‍റെ പൈസ തീരുന്നതിന്‍റെ വേഗതയുമെല്ലാം ഞാന്‍ അറിയാതെ പോയേനേ.

നീ ആയി പ്രണയത്തിലായതിനു ശേഷം ഞാന്‍ രാത്രി പെട്ടെന്നുറങ്ങുന്നു.
ടോയ് ലറ്റില്‍ മൂത്രം ഒഴിച്ചാല്‍ വെള്ളം ഒഴിക്കാന്‍ മറന്നു പോകുന്നു.കുളിക്കുമ്പോള്‍ കുളിമുറിയുടെ വാതില്‍ അടക്കാന്‍ മറന്നു പോകുന്നു.
നീ പറ ഇത് താന്‍ കാതലാ????

ഡെയിലി ഞാന്‍ നല്ല പോലെ ഉറങ്ങി കൊണ്ടിരുന്ന രാജേഷ് സാറിന്‍റെ പിരീഡില്‍
ഇപ്പോ എനിക്ക് പഴയ പോലെ ഉറങ്ങാന്‍ കഴിയുന്നില്ല.
പിച്ചക്കാര്‍ക്ക് പൈസ കൊടുക്കാന്‍ തോന്നുന്നില്ല.
തട്ടുകട കണ്ടാല്‍ അപ്പോ തന്നെ കപ്പേം ബോട്ടിയും തിന്നാന്‍ തോന്നുന്നു.
അത് തിന്ന് കഴിഞ്ഞാല്‍ പിന്നെ കുറേ നേരത്തേക്ക് വിശപ്പില്ല.
ഐ തിങ്ക് ഐ ആം ഇന്‍ ലവ്.യെസ്.

ഞാന്‍ ലൈനടിക്കുന്നതിനെ കുറിച്ച് അമ്മയോട് അഭിപ്രായം ചോദിച്ചപ്പോ
അമ്മ എന്നോട് പറഞ്ഞത് പെണ്ണ് എന്ന വര്‍ഗ്ഗത്തെ വീശ്വസിക്കാന്‍ കൊള്ളില്ല (അമ്മയെ ഒഴിച്ച്)എന്നാണ് ...
അത് ഞാന്‍ ഇത്രയും നാള്‍ വേദവാക്യം ആയി എടുത്തിരുന്നു.
ബട്ട് ഇന്നലെ നീ ഇന്നലെ കാന്‍റീനില്‍ ഇരുന്ന് പറഞ്ഞ ആ കോമഡി ഓ........
അതിന് ശേഷം ഞാന്‍ എന്‍റെ തീരുമാനം മാറ്റി.

ഇന്നലെ ഞാന്‍ അവിടെ വെച്ച് നിന്നെ അഭിനന്ദിക്കണമെന്ന് കരുതിയതാണ്.
അങ്ങനെ പറഞ്ഞാല്‍ അവിടെ ഉള്ളവര് എന്നെ മണ്ടനാണെന്ന് തെറ്റിദ്ധരിച്ചാലോ എന്ന് കരുതി ആണ് ഞാനങ്ങനെ അന്ന് ചെയ്യാഞ്ഞത്.

പിന്നെ അത് പോലെ കഴിഞ്ഞതിന്‍റെ മുമ്പത്തെ ബുധനാഴ്ച നീ പറഞ്ഞില്ലേ/?

നിനക്ക് നിന്‍റെ വീട്ടില്‍ നിന്ന് എല്ലാം കിട്ടി
രാവിലെ പുട്ടും പഴവും,ഉച്ചയ്ക്ക് സാമ്പാറും പപ്പടവും ,രാത്രി ചിക്കന്‍ ബിരിയാണി.
പക്ഷേ സ്നേഹവും കിട്ടിയില്ലെന്ന് സത്യം പറഞ്ഞാല്‍

അത് കേട്ടതിനു ശേഷം ഞാന്‍ ആകെ വിഷമിച്ച് പോയി.
അന്ന് വീട്ടില്‍ ചെന്ന് രാത്രി 10.30 മുതല്‍ 10.45 വരെ ഞാന്‍ അതോര്‍ത്ത് ഞാന്‍ കരഞ്ഞു..

ആകെ നിനക്കല്പം സ്നേഹം നല്‍കി എന്ന് പറഞ്ഞ ആ വേലക്കാരനെ
നിന്‍റെ അച്ചന്‍ അമ്മ ആള് ശരിയല്ല
എന്ന് പറഞ്ഞ് പറഞ്ഞയച്ചത് ഒട്ടും ശരിയായില്ല.
നിന്‍റെ അച്ചനെങ്ങനെ ഇത്ര ക്രൂരനാകാന്‍ കഴിയുന്നു?

നിനക്കറിയോ?
എന്‍റെ മരിച്ച് പോയ ലൈന്‍ ഇന്നലെ സ്വപ്നത്തില്‍ വന്ന് പറഞ്ഞു....-
“നീ എന്നെ പണ്ട് സ്നേഹിച്ചതിനേക്കാളും കൂടുതല്‍
ഇന്നലെ കണ്ട ഇവളെ സ്നേഹിക്കുന്നുണ്ട്
എനിക്കതൊന്നും ഇഷ്ടമല്ല എന്ന്.
ഇനിയും നീ ഇവളെ പ്രേമിച്ചാല്‍.
നരകത്തിലേക്ക് വരുമ്പോ നിന്നെ ഞാന്‍ കല്യാണം കഴിക്കില്ല എന്നും”
എന്നിട്ടും ഞാന്‍ നിന്നെ സ്നേഹിക്കുന്നു അതാണ് സ്നേഹം.

ഞാന്‍ സ്വപ്നം കണ്ട് നടന്നിരുന്ന പെണ്‍കുട്ടിക്ക് ഉണ്ടായിരിക്കേണ്ട
എല്ലാ ഗുണങ്ങളും നിനക്കുണ്ട്.
1.കാവ്യമാധവനെ പോലെ പാട്ട് പാടാന്‍ ഉള്ള കഴിവില്ല
2.ത്രിഷയെ പോലെ ഭക്ഷണത്തോട് ആര്‍ത്തി ഇല്ല.
3.നഗ്മയുടെ പോലെ ഫുള്‍ ടൈം പ്രാര്‍ഥന ഇല്ല.
ഇതിലേതെങ്കിലും ഒന്നുണ്ടായാല്‍ തന്നെ നിന്നെ ഞാന്‍ കെട്ട്യാനേ..
ബട്ട് നിനക്ക് മൂന്നും ഉണ്ട് സോ ഞാന്‍ നിന്നെ തന്നെയേ കെട്ടൂ.

സൗരയൂഥവും ഭൂമിയും ഗാലക്സിയും ആകാശ ഗംഗയും ബ്ലാക്ക് ഹോളും മാങ്ങാത്തൊലിയുമെല്ലാം ഉള്‍ക്കൊള്ളുന്ന ഈവലിയ ലോകവും
അതിന്‍റെ അപ്പുറത്തുള്ള മറ്റേ ലോകവും ഒന്നും ഞാനിന്ന് അറിയുന്നില്ല.
എല്ലാം നീ ആയി തോന്നുന്നു.
അങ്ങനെ തോന്നിയതിന്‍റെ ഫലമായി ഞാന്‍ ഒരു ദിവസംനീ ആണെന്ന് തെറ്റിദ്ധരിച്ച് കൂവപ്പടി മറിയയെ വീട്ടിലേക്ക് കൊണ്ട് വന്നു.അന്ന് വീട്ടുകാരുടെ അടിയും ഇടിയും കിട്ടിയപ്പോഴാണ് അത് നീയല്ല അവള് കൂവപ്പടി മറിയയാണെന്ന് എനിക്ക് മനസിലായത്.

എനിക്ക് നിന്നോടുള്ള പ്രണയം തമാശ അല്ല
എന്‍റെ ലാസ്റ്റ് 6 പ്രേമം പോലെ അല്ല ഇത് .
ഇത് ഒടുക്കത്തെ സീരിയസാണ്.സത്യം

ഇന്നത്തെ പ്രണയം എന്ന് പറയുന്നത് -പരിപാടി നടത്തുന്നതിനു മുമ്പ് ആണുങ്ങള്‍ പെണ്ണുങ്ങളോട് ഉണ്ടെന്ന് പറയുന്ന വികാരം മാത്രമെന്നാണ്.എന്‍റെ ഒരിക്കലും അത് പോലാകില്ല.
(പരിപാടി നടന്ന് കഴിഞ്ഞാലും കുറച്ച് നാള് കൂടി ഞാന്‍ നിന്നെ പ്രേമിക്കും)---------------------------------------------------------------------------------------------

ഈ ലവ് ലെറ്റര്‍ അനോണിമസായി ഞാന്‍ 2007-ല് ഒരു പെണ്‍കുട്ടിക്ക് വാലന്‍റൈന്‍സ് ഡേക്ക് കൊടുത്തതാണ്. ഇത് പോലെ ഒരു ലെറ്റര്‍ എഴുതാന്‍ എനിക്കേ പറ്റുകയുള്ളൂ എന്ന് അവള്‍ക്ക് കിട്ടിയ ഉടനേ മനസിലായി. എന്‍റെ ആത്മാര്‍ഥമായ ഈ ലവ് ലെറ്റര്‍ അവള്‍ അന്ന് തമാശ ആയി എടുത്തു. ബട്ട് ഇന്നും അന്നും രാത്രിയും പകലും ഞാന്‍ നിന്‍റെ വീടിന്‍റെ ആ വഴിയിലൂടെ പോകുമ്പോള്‍ അവള്‍ ആ ബസ് സ്റ്റാണ്ടിന്‍റെ അടുത്ത് നീ നില്‍ക്കുന്നുണ്ടോ എന്ന് ഞാന്‍ നോക്കാറുണ്ട്.(രാത്രി നോക്കാറുണ്ടെന്നതു ആരും വേറെ അര്‍ഥത്തില്‍ എടുക്കരുത് ഇന്നും അന്നത്തെ പോലെ ഞാന്‍ നിന്നെ സ്നേഹിക്കുന്നു എന്നേ ഉദ്ദേശിച്ചിട്ടുള്ളൂ.)

അന്ന് അവള്‍ എന്നെ പ്രണയിച്ച പോലെ കുറേ നാള് എന്‍റെ കൂടെ നടന്നു .
പിന്നെ ആണറിഞ്ഞത് അവളെ ശല്യം ചെയ്യാന്‍ നടന്ന ഒരുത്തനെ ഒഴിവാക്കാന്‍
വേണ്ടി ചെയ്തതാണതെന്ന്.ഞങ്ങള്‍ ഒരുമിച്ച് ഇരിക്കുന്ന കാണുമ്പോ അവളെ ശല്യം ചെയ്യാന്‍ നടന്നവന്‍ എന്നെ മനസില്‍ തെറി പറഞ്ഞ് പോകും.(ഞാന്‍ ക്ലാസ്സിലെ പിള്ളേരുടെ പേടിസ്വപ്നമായിരുന്നു).അന്ന് ഞാന്‍ ഇന്നത്തെ പോലെ ഗാന്ധിയന്‍ ആയിരുന്നില്ല.

അവസാനം അവള്‍ ഇങ്ങനെ പറഞ്ഞൊഴിഞ്ഞു നീ എനിക്ക് സഹോദരന്‍ ആയി
പിറക്കാതെ പോയ എന്‍റെ അയല്‍വാസിയുടെ മകനാണെന്ന്.ഇത് എല്ലാ ഗ്ലാമര്‍ ഇല്ലാത്ത
പയ്യന്മാരും കേള്‍ക്കാറുള്ള ഡയലോഗ് ആണ്.ഗ്ലാമറില്ലാത്തവന്മാര്‍ക്ക് അങ്ങനെ തന്നെ വേണം.
------------------------------------------------------------------------

2008,2009 ആരെ എങ്കിലും അവള്‍ പറ്റിച്ചിട്ടുണ്ടാകും
------------------------------------------------------------------------

2010 അവളുടെ കല്യാണംകഴിഞ്ഞ മാസം നിന്‍റെ കല്യാണത്തിന് ഞാന്‍ വന്നപ്പോ എന്‍റെ മാനസികാവസ്ഥ എന്തായിരുന്നെന്ന് നിനക്കറിയാമോ?
നിനക്ക് അതൊന്നും പറഞ്ഞാ മനസിലാകില്ല.പറ്റിക്കല്‍ തൊഴിലായി നടക്കുന്ന നിനക്കതൊന്നും മനസിലാകില്ല വിക്കീപീഡിയയില്‍ പറയുന്നതെന്തെന്നാല്‍

ഒരു വസ്തുവിനോടോ, വ്യക്തിയോടോ , വിഷയത്തോടോ, പ്രതിഭാസത്തോടോ ഒരാള്‍ക്ക് തോന്നുന്ന വര്‍ദ്ധിച്ച ഒരു അഭിനിവേശമാണ് പ്രണയം. നിര്‍വ്വചനാതീതമായ ഒരു വാക്കാണ് പ്രണയം. വളരെ വിസ്തൃതമായ അര്‍‍ത്ഥങ്ങള്‍ കല്പ്പിക്കാവുന്ന ഒരു വിഷയമാണിത്. ഞാന്‍ എന്ന സത്തയെ പൂര്‍ണ്ണമായി കൊടുക്കുന്ന, അര്‍പ്പിക്കുന്ന
ഒരു അവസ്ഥയാണിത്. പ്രണയം വാത്സല്യമാണ്. പ്രണയം സ്നേഹമാണ്.
അതൊന്നും നിനക്ക് പറഞ്ഞാല്‍ മനസിലാകില്ല

നിന്‍റെ കല്യാണ തലേന്ന് ഞാന്‍ ഉറങ്ങിയിരുന്നില്ല.
അത് നിനക്കറിയോ?
അന്ന് ഒരു പെണ്ണുമായി രാത്രി 3 മണി വരെ മുടിഞ്ഞ ചാറ്റിംഗ് ആയിരുന്നു..
നിന്‍റെ കല്യാണ ദിവസം ഞാന്‍ വരണോ വേണ്ടയോ എന്ന് ഒരു പാട് ആലോചിച്ചതാണ്.
അത് പോലെ ഒരു അവസ്ഥയിലായിരുന്നു ഞാന്‍.

നിന്‍റെ കല്യാണ ദിവസം എന്‍റെ വീട്ടില്‍ സാമ്പാര്‍ ആണുണ്ടാക്കിയിരുന്നത്.
എനിക്കാണെങ്കില്‍ സാമ്പാര്‍ എന്ന് കേള്‍ക്കുന്നത് വെറുപ്പാണ്.അതും പോരാഞ്ഞ് അന്ന് വീട്ടില്‍ പപ്പടം ഉണ്ടായിരുന്നുമില്ല.
പപ്പടമില്ലാതെ സാമ്പാര്‍ അതും പോരാഞ്ഞ് അന്ന് എന്നോട് അമ്മ തേങ്ങ ചിരണ്ടാന്‍ കൂടിപറഞ്ഞപ്പോ ആണ് എനിക്ക് എവിടേക്കെങ്കിലും പോകണമെന്ന് ഓര്‍മ്മ വന്ന്
ഞാന്‍ നിന്‍റെ കല്യാണത്തിന് വന്നത്.
നിന്‍റെ വീടിനടുത്തുള്ള ഒരു പയ്യന്‍ മുമ്പേ പറഞ്ഞിരുന്നു നിന്‍റെ കല്യാണത്തിന് ചിക്കന്‍ ബിരിയാണി ആയിരുന്നു .അതും ഒരു കാരണമായിരുന്നു നിന്‍റെ കല്യാണത്തിന് വരാന്‍
അതൊക്കെ കൊണ്ട് മാത്രം ആണ് ഞാന്‍ നിന്‍റെ കല്യാണത്തിന് വന്നത്.

ഏതായാലും എനിക്ക് ഒരു കാര്യത്തില്‍ സമാധാനമുണ്ട്.
എനിക്ക് നിന്നെ വിവാഹം കഴിക്കാന്‍ സാധിച്ചില്ലെങ്കിലും
നീ പ്രണയിച്ചവനെ നിനക്ക് വിവാഹം കഴിക്കാന്‍ കഴിഞ്ഞില്ലല്ലോ?
എനിക്ക് അത് മതി.
നിനക്ക് അങ്ങനെ തന്നെ വേണം.....

(ഈ ബ്ലോഗും ഇതിലെ കഥാപാത്രങ്ങളും തികച്ചും സാങ്കല്പികം മാത്രം.
എന്‍റെ കൂടെ പഠിച്ച ഏതെങ്കിലും പെണ്ണുമായോ ഞാനുമായോ സാദൃശ്യം തോന്നുകയാണെങ്കില്‍
അത് എന്നെ ചതിച്ച കാരണം അല്ലേ ഞാനെഴുതിയത്?? നിനക്ക് അങ്ങനെ തന്നെ വേണം!!!)

2011-ല് ദൈവം സഹായിച്ചാല്‍ ഇതേ പോലെ വേറെ ലെറ്ററും ആയി വരാം.
പക്ഷേ ഇത് അവസാനത്തേതാണ്

ഇവര്‍ക്കൊക്കെ എന്തും ആകാം?

2009-09-01T07:11:00.024+05:30

പൂച്ചകളെ ഇഷ്ടപ്പെടുന്നവര്‍ ക്ഷമിക്കുക.എനിക്കും പൂച്ചകളെ ഇഷ്ടമാണ്. പക്ഷേ പ്രശ്നങ്ങള്‍ക്കെതിരെ പ്രതികരിക്കുന്ന ഒരു വ്യക്തി എന്ന നിലയില് അല്ലെങ്കില്‍ ഒരു ഓര്‍ഡിനറി ബുദ്ധിജീവി എന്ന നിലയില്‍ എനിക്ക് ഇതിവിടെ എഴുതാതിരിക്കാന്‍ വയ്യ.

ഇത് എന്‍റെ വീടിനടുത്ത് നടന്നതും,നടക്കുന്നതും ,നടക്കാന്‍ പോകുന്നതും

അന്ന് ആദ്യമായാണ് (ജൂലൈ 8-2008) രാഘവന്‍ ചേട്ടന്‍റെ പൂച്ചയെ ഞങ്ങളുടെ വീടിന്‍റെ അടുത്ത് പുതിയതായി താമസിക്കാന്‍ വന്ന കുമാറണ്ണന്‍റെ പൂച്ച കാണുന്നത്.

കണ്ട ഉടനേ തന്നെ അവര് പരിപാടി തുടങ്ങി. പരിപാടി എന്നുദ്ദേശിച്ചത്
-ഐ മീന്‍ സെക്ചല്‍ റീപ്രോഡക്ഷന്‍ ഓഫ് ദ ഇന്‍ഡ്യ.
മനുഷ്യന്മാരൊക്കെ ആണെങ്കില്‍ എത്രയധികം കഷ്ടപ്പെടണം.ആദ്യം പരിചയപ്പെടണം.ഐസ്ക്രീം വാങ്ങി കൊടുക്കണം.വീട്ടുകാര് സമ്മതിക്കണം.വീട്ടുകാര് സമ്മതിച്ചില്ലെങ്കില്‍ കല്യാണം കഴിക്കാം എന്ന് പറഞ്ഞ് പറ്റിച്ച് ഏതെങ്കിലും ഹോട്ടലില്‍ റൂം എടുക്കണം
പക്ഷേ ഈ പട്ടികള് അല്ല പൂച്ചകള്‍
(പട്ടികളും ഇങ്ങനെയൊക്കെ തന്നെയാണ് ,പൂച്ചയെ തെറി പറയാന്‍ പട്ടി എന്നുപയോഗിച്ചു എന്നുള്ളൂ)
എന്ത് ഊളത്തരമാണ് ഇതുങ്ങള് കാണിക്കുന്നത് .

(വീട്ടിലെ പൂച്ച സുരേഷ്)

ഇവന്‍ ആ ഏരിയയിലുള്ള പെണ്‍ പൂച്ചകള്‍ പോകുന്നത് മരത്തിന്‍റെ മുകളില്‍ നിന്ന് നോക്കുന്ന ഫോട്ടോ
അവിടെ ഒരു തോടുണ്ട് അവിടെ കുളിക്കാന്‍ വരുന്ന പെണ്‍ പൂച്ചകളുടേ കുളിസീനും ഇവിടെ ഇരുന്നാണ് തെ... കാണുന്നത്.
ഈ പൂച്ച കാരണം അപ്പുറത്തെ വീട്ടിലെ കാര്‍ത്ത്യാനി ചേച്ചിയുടേ പൂച്ചയുടെ മുഖത്തേക്ക് നോക്കാന്‍ പറ്റാതായി

ആഗോളവല്‍ക്കരണത്തിന്‍റെയൊക്കെ ഒരു ആഫ്റ്റര്‍ ഇഫക്ടാണിത്.
പാശ്ചാത്യസംസ്ക്കാരത്തെ അങ്ങനെ തന്നെ അനുകരിക്കുന്ന ഈ ജീവികള്‍
കാലങ്ങളായി ഇന്‍ഡ്യ സംരക്ഷിച്ച് പോരുന്ന സംസ്ക്കാരത്തെ തകിടം മറിക്കും.
പാതി രാത്രി ആരെങ്കിലും നെറ്റ് എടുക്കുമ്പോള്‍ വായും പൊളിച്ച് നോക്കി ഇരിക്കാന്‍ വരുന്ന
ഈ പൂച്ച കാരണം അപ്പുറത്തെ വീട്ടിലെ ശാന്തമ്മയുടെ പൂച്ചയുടെ മുഖത്തേക്ക് നോക്കാന്‍ പറ്റാതായി

മൃഗങ്ങള്‍ക്കിടയില്‍ പോലും സ്വവര്‍ഗ്ഗരതി ഉണ്ട് എന്നാണ് ലേറ്റസ്റ്റ് റിപ്പോര്‍ട്ട്
ഇവര്‍ക്കൊക്കെ ആരുമില്ലേ ലൈംഗികവിദ്യാഭ്യാസം കൊടുക്കാന്‍?
ബന്ധുക്കളാണോ സഹോദരങ്ങളാണോ എന്ന അന്വേക്ഷണങ്ങളില്ല കണ്ട ഉടനേ തന്നെ പരിപാടി,ഭയാനകം ബീഭത്സം അല്ലാതെന്താ പറയാ..

ഈ പൂച്ചകളുടെ അപ്പൂപ്പന്‍ വര്‍ഗ്ഗത്തില്‍ പെട്ട
സിംഹത്തിന്‍റെ കാര്യവും ഇങ്ങനെയൊക്കെ തന്നെ ആണ്

സിംഹത്തിന്‍റെ കുടും ബത്തില്‍ കുട്ടികളുടെ എണ്ണം കൂടുമ്പോള്‍
പെണ്‍ സിംഹം ആണ്‍സിംഹത്തെ പരിപാടി നടത്താന്‍ സമ്മതിക്കില്ല.
അപ്പോ ആണ്‍സിംഹം തന്‍റെ കുട്ടികളെ കൊന്നു കളയുന്നു.
അപ്പോ ഭാര്യ ബന്ധപ്പെടാന്‍ അനുവദിക്കും.
പ്രകൃതി അതിനെ അങ്ങനെ ചെയ്യാന്‍
അവരെ നിര്‍ബന്ധിക്കുന്നത് കാരണം ആരും
പ്രകൃതിദേവിയെ കുറ്റം പറയുന്നത് കൊണ്ട് കാര്യമില്ല

വേണമെങ്കില്‍ ചെകുത്താന്‍ അവരെ
അങ്ങനെ ചെയ്യാന്‍ പ്രേരിപ്പിച്ചു എന്നൊക്കെ പറയാം

അങ്ങനെയൊക്കെ ആണ് ഇവിടുത്തെ കാര്യങ്ങള്‍
സ്വാര്‍ഥന്മാര്‍ക്കേ ഇവിടെ അതിജീവിക്കാനും സുഖിക്കാനുമൊക്കെ പറ്റൂ

പ്രാര്‍ഥന വരെ തടസപ്പെടുത്തുന്ന ജീവികള്‍

എന്‍റെ അനിയന് പൂച്ച എന്നു വെച്ചാല്‍ ഭ്രാന്താണ്(ഭയങ്കര സ്നേഹമാണ്).അവന്‍ വീട്ടില്‍ രണ്ട് പൂച്ചകളെ വളര്‍ത്തുന്നുണ്ട്..ഒരു ആണ്‍ പൂച്ചയെ കാലടിയില്‍ നിന്നും മറ്റേതിനെ ആലുവയില്‍ നിന്നും വാങ്ങിയതാണ്.ഈ പൂച്ചകള്‍ക്ക് സഹോദര ബന്ധം എന്നൊക്കെ പറയുന്നത് എന്താണെന്നറിയില്ലേ.സഹോദരന്‍ ഭയങ്കര എത്തിക്സൊക്കെ ഉള്ള ആളായത് കൊണ്ടും ഇനി ഈ സഹോദരരായിട്ടുള്ള പൂച്ചകള്‍ ബന്ധപ്പെട്ട് ഉണ്ടാകുന്ന പൂച്ച കുട്ടിക്ക് എന്തെങ്കിലും അസുഖം ഉണ്ടാകുമോ എന്നൊക്കെ ഭയന്ന് അവന്‍ ദൂരപ്രദേശങ്ങളില്‍ നിന്നും ആണ് ഈ പൂച്ചകളെ വാങ്ങിയത് .

ഒരു ദിവസം വീട്ടില്‍ പ്രാര്‍ഥന ചെല്ലുന്ന സമയം.
എല്ലാവരും ഭക്തിനിര്‍ഭരമായി പ്രാര്‍ഥിച്ച് കൊണ്ടിരിക്കുന്ന സമയം.
ഈ സമയത്ത് ഞങ്ങളുടെയെല്ലാം മുന്നില്‍ വെച്ച്
ഈ രണ്ട് പൂച്ചകളും കൂടി പരിപാടി നടത്തി.
എത്ര അധപ്പതിച്ചു പോയീ ഈ ജീവികള്‍.
അന്ന് ഞാന്‍ മനസ്സില്‍ ഇങ്ങനെ പ്രാര്‍ഥിച്ചു
“ഇവര്‍ ചെയ്യുന്നതെന്തെന്ന് ഇവരറിയുന്നില്ല ഇവരോട് ക്ഷമിക്കണമേ”

ഞാന്‍ ഇതെഴുതിയത് വായിച്ച് ആരെങ്കിലും ഈ പൂച്ചകളെ കൊല്ലണം എന്ന് പറഞ്ഞ് എന്‍റെ വീട്ടിലേക്ക് വരരുത്
ഇവരെ നേര്‍വഴിയിലേക്ക് കൊണ്ടുവരാന്‍ പൃകൃതിദേവി എന്ത് കൊണ്ട് തയ്യാറാകുന്നില്ല?
പ്രകൃതിദേവിയുടെ മെയിന്‍ ആള്‍ക്കാരാണെന്ന് പറയുന്നവര് പോലും തയ്യാറാകുന്നില്ല?
കലിയുഗത്തില്‍ ഇതെല്ലാം സംഭവിക്കുമെന്നാണ് ഞാനിതിനെ കുറിച്ച് അന്വേക്ഷിച്ചപ്പോള്‍ അറിഞ്ഞത്!

എന്‍റെ വീട്ടിലെ വിവരം കെട്ട പൂച്ചയെ താഴെ ഉള്ള ഈ ഫോട്ടോ ഡെയിലി കാണിച്ച് കൊടുക്കുന്നുണ്ട്
നന്നാകാണെങ്കില്‍ നന്നാവട്ടേ.നമുക്ക് പ്രാര്‍ഥിക്കാനല്ലേ പറ്റൂ..

.

ഒരു പരിഹാര മാര്‍ഗ്ഗം
ശലഭാസനം

വേഗത്തില്‍ ശ്വാസം വലിച്ച് വിടാനായി ആദ്യം പൂച്ചയെ ഒരു കിലോമീറ്റര്‍ ഓടിക്കുക
അതിന് ശേഷം
പൂച്ചയെ കമിഴ്ത്തി കിടത്തി പുറകിലെ രണ്ടു കാലുകള്‍ പൊക്കി പിടിച്ച്
ഒരു മിനിറ്റ് പൂച്ചയുടേ മൂക്ക് പൊത്തി പിടിക്കുക
അതിന് ശേഷം പതുക്കെ ശരീരം താങ്ങിക്കൊണ്ട് നട്ടെല്ലിനെ പരമാവധി വളയ്ക്കുക
ഏതാനും നിമിഷങ്ങള്‍ക്കു ശേഷം പതുക്കെ ശ്വാസം വിടാന്‍ അനുവദിക്കുക

ഈ ശലഭാസനം മൂന്ന് ദിവസം ചെയ്തതിന് ശേഷം
എന്‍റെ പൂച്ചയ്ക്ക് വിഷയാസക്തി കുറഞ്ഞു
ഇപ്പോ വീടിന്‍റെ ഒരു മൂലയ്ക്ക് ചുമരില്‍ സമാധാനത്തോടെ ഇരിക്കുന്നു

ചോദ്യ പേപ്പര്‍ 2025 ?

2009-06-18T20:49:00.010+05:30

ഇതേത് വര്‍ഷത്തെ ചോദ്യ പേപ്പര്‍ ആണെന്ന് അറിയില്ല.
നിലത്ത് കിടന്ന് കിട്ടിയതാണ്.

1.) ഇവരില്‍ ആരാണ് കമ്മ്യൂണിസ്റ്റ് പാര്‍ട്ടിയുടെ മദര്‍ സുപ്പീരിയര്‍ ജനറല്‍ എന്നവകാശപ്പെട്ടത്?
(a) സുകുമാര്‍ അഴീക്കോട്
(b) ഇ.പി ജയരാജന്‍
(c) ഫാരിസ് അബൂബക്കര്‍

2.) ചുവടെ കൊടുത്തിരിക്കുന്നതില്‍ ഏറ്റവും വലിയ സര്‍ദ്ദാര്‍ജി ജോക്ക് എടുത്തെഴുതുക.
(a)ആണവോര്‍ജ്ജം പരിസ്ഥിതിക്ക് അനുകൂലമാണ്
(b)ആണവ ഊര്‍ജ്ജം. ഊര്‍ജ്ജ പ്രതിസന്ധിക്ക് പരിഹാ‍രം
(c)ആണവോര്‍ജ്ജത്തിലൂടെ മാത്രമേ ലോകത്തിന് മുന്നോട്ട് പോകാനാവൂ

3.) കേരളത്തെ നവോഥാനത്തിലേക്ക് നയിച്ച ആത്മീയാചാര്യന്‍?
(a)വെള്ളാപ്പിള്ളി നടേശ ഗുരു
(b)ശ്രീനാരയണഗുരു
(c)ശ്രീശ്രീ വിദ്യാസാഗര്‍

4.) വി.എസ് മന്ത്രിസഭയിലെ പോഴന്‍ എന്നറിയപ്പെട്ട മന്ത്രി?
(a)തോമസ് ഐസക്ക്
(b)എം എ ബേബി
(c)ബിനോയ് വിശ്വം

5.) കന്തസാമി എന്ന ചിത്രത്തിലെ ഒരു ഗാനരംഗത്തില്‍ ശ്രിയയുടെ വസ്‌ത്രത്തിന്‌
26 ലക്ഷം ചെലവായി. ഈ ഗാനരംഗത്തിന് വേണ്ടി എത്ര മീറ്റര്‍ തുണി കോസ്റ്റ്യൂമര്‍ വാങ്ങി?
(a)0.25 മീറ്റര്‍
(b)0.50മീറ്റര്
‍(c)0.10 മീറ്റര്‍

6.) അഴീക്കോട് വി.എസിനെ കൂട്ടില്‍ വിസര്‍ജ്ജിക്കുന്ന ജീവി എന്ന് വിളിക്കാന്‍ കാരണം?
(a)പിണറായി സ്വിസ് ബാങ്കില്‍ നിന്നും 5 കോടി വിത്ത്ഡ്രോ ചെയ്ത്തത് അറിഞ്ഞ കാരണം
(b)വെറുതെ ഒരു തമാശയ്ക്ക്
(c) അന്ന് വെള്ളിയാഴ്ചയായിരുന്നു

7.) ഇലക്ഷന്‍റെ സമയത്ത് മാത്രം അന്വേക്ഷിക്കുന്ന കേസുകള്‍
(a)ഗുജറാത്ത് കലാപം
(b)ലാവ് ലിന്‍ കേസ്
(c) സിക്ക് കലാപം

8.) ലെനിനിസ്റ്റ് തത്വപ്രകാരം എങ്ങനെ അഴിമതിക്കേസില്‍ നിന്ന് രക്ഷപ്പെടാം?
(a)നവകേരളയാത്രയിലൂടെ
(b)നവസന്ദേശയാത്രയിലൂടെ
(c)കരിദിനത്തിലൂടെ,

9.) എം.എന്‍ വിജയന്‍ മരിച്ചപ്പോള്‍ പിണറായി വിജയന്‍ പറഞ്ഞത്?
(a)നല്ലൊരു ഡ്രില്‍ മാഷായിരുന്നു
(b)നന്നായി ട്യൂഷന്‍ പഠിപ്പിക്കുമായിരുന്നു
(c)നല്ല ഹെഡ് മാസ്റ്റാറായിരുന്നു

10.) ഇന്‍ഡ്യക്കാരുടേ സ്വിസ് ബാങ്കിലെ മണി 100000000 കോടി ആകാന്‍ ഇനി എത്ര
കോടി കൂടി വേണം
(a)3
(b)5
(c)10

11.) കൃഷിഭൂമി ‍‍‍‍‍‍‍കര്‍ഷകന് എന്നത് ‍‍‍----------ന് എന്ന് മാറ്റിയത് ആര്?
(a)ഫാരിസണ്ണ
(b)സാന്തിയാഗോ മാര്‍ട്ടിന്‍ ചേട്ട
(c)റ്റാറ്റ അങ്കിള്‍

12.) പാര്‍ട്ടി സെക്രട്ടറി പറഞ്ഞത് .“നിങ്ങള്‍ക്കീ പാര്‍ട്ടിയെ കുറിച്ചൊരു ---------ഉം അറിയില്ല.”
(a)ചുക്ക്
(b)കുരുമുളക്
(c)മൈദ

13.) കിളിരൂര്‍ കേസിലെ പ്രതികളെ തുണിയൂരി റോഡിലൂടേ നടത്തുമെന്ന് അച്യുതാനന്ദന്‍ പറഞ്ഞിട്ട് ഇപ്പോ എത്രാമത്തെ വര്‍ഷം ?
(a)23
(b)35
(c)78

14.) മൂന്നാറില്‍ ടാറ്റ കൈയ്യേറിയ 50000 ഏക്കറില്‍ ഒരേക്കര്‍ തിരിച്ച് പിടിച്ച വര്‍ഷം.
(a)2007
(b)2008
(c)2001

15.) ഗുരുവായൂരപ്പനാണേ സത്യം ഇനി മുതല്‍ നല്ല റോളുകള്‍ മാത്രമേ ചെയ്യൂ എന്ന് പറഞ്ഞതിന് ശേഷം ലാലേട്ടന്‍ ചെയ്ത സിനിമ.
(a)ഹരിഹരന്‍ പിള്ള ഹാപ്പിയാണ്
(b) കോളേജ് കുമാരന്‍
(c)വാമനപുരം ബസ്റൂട്ട്

16.) പ്രാഥമിക ആവശ്യങ്ങള്‍ നിറവേറ്റാന്‍ സെസ് അനുവദിക്കണമെന്നാവശ്യപ്പെട്ട്
സമരം തുടങ്ങിയ വര്‍ഷം?
(a)2020
(b)2019
(c)2025

17.) ഡിങ്കനെ വിശുദ്ധനായി പ്രഖ്യാപ്പിച്ച വര്‍ഷം?
(a)2019
(b)2023
(c)2025
18.)മോഹന്‍ലാല്‍ കേണല്‍ പദവി ഉപേക്ഷിക്കാന്‍ കാരണമായത്?
()ഇന്‍ഡ്യാ പാക്ക് വാറില്‍ പങ്കെടുക്കാനാവശ്യപ്പെട്ടതു കാരണം
()പരേഡ് ചെയ്യാന്‍ ഉള്ള ബുദ്ധിമുട്ട് കാരണം
()പണിഷ്മെന്‍റ് കിട്ടിയത് കാരണം
ഉപന്യസിക്കുക

18.) 1857-ലെ സ്വാതന്ത്ര്യ സമരം പരാജയപ്പെടാനുള്ള കാരണങ്ങള്‍ വിശദമാക്കുക?
അല്ലെങ്കില്‍
മൂന്നാര്‍ ദൌത്യം പരാജയപ്പെടാനുള്ള കാരണങ്ങള്‍ വിവരിക്കുക

19.) ആണവോര്‍ജ്ജത്തിന്‍റെ ഗുണങ്ങള്‍ 10 വാക്യത്തില്‍ കവിയാതെ എഴുതുക
അല്ലെങ്കില്‍
ആണവോര്‍ജ്ജത്തിന്‍റെ ദോഷങ്ങള്‍ 100 വാക്യത്തില്‍ കവിയാതെ എഴുതുക

ഇനിയും ചെയ്തില്ലേ?

2009-06-01T08:18:00.011+05:30

അനാവശ്യമായ കാര്യങ്ങള്‍ക്ക് ആത്മഹത്യ ചെയ്യുന്നവര്‍ക്ക് വേണ്ടി ആണ് ഇത്.

എന്തൊക്കെ കാര്യങ്ങള്‍ക്ക് ആത്മഹത്യചെയ്യാം ??

1. സാമ്പാര്‍ ഇഷ്ടമില്ലാതിരിക്കുകയും അമ്മ രണ്ടു ദിവസം തുടര്‍ച്ചയായി സാമ്പാര്‍ ഉണ്ടാക്കുകയും ചെയ്താല്‍

2. ഒന്നിലും സന്തോഷം കണ്ടെത്താനാകുന്നില്ല. ആകെ സന്തോഷം കിട്ടുന്നത് പുട്ടും പഴവും തിന്നുമ്പോള്‍ മാത്രമാണ് എന്ന അവസ്ഥ വരുമ്പോള്‍

3. ആത്മഹത്യയ്ക്ക് ശ്രമിച്ച് പരാജയപ്പെട്ടാല്‍ അതായത് ചില കാര്യങ്ങളില്‍ വിജയിച്ചില്ലെങ്കില്‍ ഉദാഹരണമായി ഞരമ്പ് മുറിച്ച്, വെള്ളത്തില്‍ ചാടി, ട്രൈനിന് തല വെച്ചിട്ടും മരിച്ചില്ലെങ്കില്‍ പിന്നെ ആത്മഹത്യ ചെയ്യുക എന്നതല്ലാതെ വേറൊരു ഓപ്ഷന്‍ ഇല്ല

4. റവ വാങ്ങാന്‍ കടയിലേക്ക് വിട്ടിട്ട് മൈദ വാങ്ങി കൊണ്ടുവന്നതിന് അഛന്‍ വഴക്ക് പറഞ്ഞാല്‍

5. ഞാന്‍ വെളുത്തിരിക്കുകയും ഡാഡ് കറുത്തിത്തിരിക്കുകയും ചെയ്താല്‍

6. കുറച്ച് നാള്‍ മുമ്പ് പരീക്ഷയ്ക്ക് കുട്ടി തോറ്റതില്‍ അമ്മ ആത്മഹത്യ ചെയ്തു. അത് പ്രോത്സാഹിപ്പിക്കപ്പെടേണ്ട ഒരു നല്ല കാര്യമാണ്

7. ആത്മഹത്യാ ശ്രമത്തിന് പോലീസ് അറസ്റ്റ് ചെയ്തതില്‍ മനം നൊന്ത് ആത്മഹത്യ ചെയ്യുന്നത്

8. ബുദ്ധിജീവി ആണെന്ന് തെളിയിക്കാനായി ചില സാഹിത്യകാരന്മാര് ചെയ്യാറുണ്ട്

ഇങ്ങനെയുള്ള അനുഭവങ്ങളുണ്ടായാല്‍ ,ആത്മഹത്യ ഒഴിവാക്കി ഭൂമിയില്‍ കഷ്ടപ്പെട്ട് ജീവിക്കുന്നത് വലിയ കാര്യമാണെന്നും ജീവിതം ഒരു തവണ ഉള്ളൂ എന്ന തത്വവുമൊക്കെ ആയി വന്നാല്‍ ആ ഉപദേശം നല്‍കുന്നവന്‍ കാരണം ആണ് ആത്മഹത്യ ചെയ്തത് എന്ന ഒരു കത്തും എഴുതി വെച്ച് ആത്മഹത്യ ചെയ്യാന്‍ ഞാന്‍ അഭ്യര്‍ഥിക്കുന്നു

(ഇന്ത്യയില്‍ ഒരു മണിക്കൂറിനിടെ പതിനാല് ആള്‍ക്കാര്‍ ആത്മഹത്യ ചെയ്യുന്നുണ്ടെന്ന് നാഷണല്‍ ക്രൈം റെക്കോഡ്സ് ബ്യൂറോയുടെ കണക്കുകള്‍ ബോധിപ്പിക്കുന്നു.
ആത്മഹത്യ ചെയ്യുന്ന ഓരോ മൂന്നു പേരിലും ഒരു യുവാവും, ഓരോ അഞ്ചുപേരിലും ഒരു വീട്ടമ്മയും ഉല്‍പ്പെടുന്നു.

ഏഴുകൊല്ലാമായി കേരളം മറ്റൊരു സംസ്ഥാനത്തേയും ഒന്നാം സ്ഥാനത്തേക്ക്
ആത്മഹത്യയുടെ കാര്യത്തില്‍ മുമ്പോട്ട് കയറാന്‍ അനു വദിച്ചിട്ടില്ല.
എന്നും കേരളം ഒന്നാംസ്ഥാനത്ത് നില്‍ക്കാന്‍ വേണ്ടി ആണീ ഈ ബ്ലോഗ്
ഇത് വായിച്ച് ആരെങ്കിലും എതെങ്കിലും അക്രമം ചെയ്താല്‍ ഞാന്‍ കൃഥാര്‍ഥനായി.)

കാണാം

2009-05-23T21:00:00.002+05:30

റ്റാറ്റാ ഇനി 5 വര്‍ഷം കഴിഞ്ഞ് കാണാം

ഓരോരോ മണ്ടത്തരങ്ങളേ.........

2009-04-29T00:23:00.003+05:30

എല്ലാവര്‍ക്കും ഇഷ്ടം ആരോഗ്യവാനായിരിക്കാന്‍
പക്ഷേ ഇഷ്ടമല്ലാത്തത് പഥ്യം നോക്കാന്‍

എല്ലാവര്‍ക്കും ഇഷ്ടം കമ്മ്യൂണിസം വരാന്‍
പക്ഷേ ആഗ്രഹം ഒരു മുതലാളി ആകാന്‍

എല്ലാവര്‍ക്കും ഇഷ്ടം ഒരു ജാതി ഒരു മതം
പക്ഷേ വിശ്വസിക്കൂന്നത് സ്വന്തം മതമേറ്റവും വലുതെന്ന്

എല്ലാവര്‍ക്കും കടയില്‍ നിന്ന് വാങ്ങാന്‍ ഇഷ്ടം നാടന്‍ പഴം
പക്ഷേ സ്വന്തം വീട്ടിലെ കൃഷി ഫ്ലൂരിടാനും യൂറിയയുമിട്ട്

എല്ലാവര്‍ക്കും ഇഷ്ടം പരിസ്ഥിതി സംരക്ഷിക്കാന്‍
പക്ഷേ സ്വന്തം വീട്ടിലെ വേസ്റ്റ് എറിയുന്നത് അയല്പക്കത്തേക്ക്

എല്ലാവര്‍ക്കും ഇഷ്ടം ചന്ദ്രനില്‍ പോകാന്‍
പക്ഷേ മടി ഉള്ളത് മുറ്റത്തേക്കിറങ്ങാന്‍

എല്ലാവര്‍ക്കും ഇഷ്ടമുള്ള നടി മഞ്ചുവാര്യര്‍
പക്ഷേ അണ്‍ കോണ്‍ഷ്യസ് മൈന്‍ഡിനോട് ചോദിച്ചാല്‍ പറയും നയന്‍ താര

എല്ലാവര്‍ക്കും ഇഷ്ടം ഇന്‍ഡ്യ ജയിക്കാന്‍
പക്ഷേ ചിലര്‍ക്ക് ഇന്‍ഡ്യ ജയിച്ചില്ലെങ്കിലും സച്ചിന്‍ 25 അടിക്കണം

എല്ലാവര്‍ക്കും ഇഷ്ടം അച്ച്യുതാനന്ദനെ
പക്ഷേ വിജയമെപ്പോഴും പിണറായിക്ക്

എല്ലാവര്‍ക്കും ഇഷ്ടം വീട്ടില്‍ വരുത്താന്‍ ഹിന്ദു,ഇന്‍ഡ്യാ ടുഡേ,ഇന്‍ഡ്യന്‍ എക്സ്പ്രസ്സ്
പക്ഷേ വായിക്കാനിഷ്ടമുള്ളത് ക്രൈം,നാന,& ഫയര്‍

എല്ലാവര്‍ക്കും ഇഷ്ടം നാടു നന്നായി കാണാന്‍
പക്ഷേ ചെയ്യാത്തത് സ്വയം നന്നാകല്‍

എല്ലാവര്‍ക്കു ഇഷ്ടം ഞാനെഴുതാതിരിക്കുന്നത്
പക്ഷേ എന്താ ചെയ്യാ!!!!!!!!!!!!!!!!!!!!!!!!!!!!!

എല്ലാവര്‍ക്കും ഇഷ്ടം എന്നെഴുതുമ്പോള്‍ മനുഷ്യനെ മൊത്തം അവഹേളിക്കുന്നതായി തോന്നാം
ഞാന്‍ അങ്ങനെ ഉദ്ദേശിച്ചിട്ടില്ല.
“എല്ലാവര്‍ക്കും ഇഷ്ടം“ ഇതിന്‍റെ ഒരു കോപ്പി എടുത്ത് എല്ലാ വരിയിലും പേസ്റ്റ് ചെയ്ത്
അധികം കഷ്ടപ്പെടാതെ
ടൈപ്പ് ചെയ്ത് തീര്‍ക്കാന്‍ വേണ്ടി ചെയ്തതാണ്........
പിന്നെ എല്ലാവരും മോശം ആണെന്ന് ഞാന്‍ പറയില്ല.
അങ്ങനെ പറഞ്ഞാല്‍ അത് ഞാന്‍ എന്നെ തന്നെ മറക്കുന്നതിന് തുല്യമല്ലേ(ഹഹഹാ)

ജീവികള്ക്ക് വേണ്ടിയും നമുക്കു വേണ്ടിയും

2009-03-23T21:54:00.006+05:30

തത്തകളെ കുറിച്ച് ഉപബുദ്ധന്‍

തത്തകളെ കൂട്ടിലിട്ട് വളര്‍ത്തുന്നത് കൊണ്ടുള്ള ഗുണങ്ങള്‍
1തത്തകള്‍ ഭാഷാശാസ്ത്രത്തില്‍ അവഗാഹമുള്ളവരാകുന്നു.
2കള്ളന്മാര്‍ വീട്ടിലേക്ക് വരുമ്പോള്‍ വീട്ടുകാരെ അറിയിക്കുന്നു

എന്‍റെ വീടിന്‍റെ അടുത്തുള്ള ഒരു തത്ത മലയാള ഭാഷയില്‍ വളരെയധികം പ്രാഗത്ഭ്യം നേടിയിട്ടുണ്ട്.
ആ തത്തയുടെ അടുത്താരെങ്കിലും പോയി
"കുട്ടനാടന്‍ പുഞ്ചയിലെ " എന്നു തുടങ്ങുന്ന ഗാനം ആരെങ്കിലും പാടിയാല്‍
അപ്പോള്‍ തന്നെ ആ തത്ത "കേക" എന്ന് പറയും
ആ തത്തയെ വളര്‍ത്തുന്ന വീട്ടുകാരന്‍ അതില്‍ അഭിമാനിക്കുന്നു തന്‍റെ തത്ത കൃത്യമായി കേക എന്ന വൃത്തം കണ്ടെത്തി എന്നതില്‍.
ആ തത്തയ്ക്ക് ആകെ പറയാനറിയുന്നത് കേക എന്ന് പറയാനാണ്.
അവനെയൊക്കെ എന്താ ചെയ്യുക?
ആ തത്തയെ എന്താണ് ഉത്തരാധുനികത ക്ലാസ്സിക്കുകള്‍ പഠിപ്പിക്കണമെന്നതാണ്
ആ നല്ല മനുഷ്യന്റെ അടുത്ത ലക്ഷ്യം.

പട്ടികളെ കുറിച്ച് ഉപബുദ്ധന്‍

ആ പാവം പട്ടിക്ക് സ്വാതന്ത്ര്യം നിഷേധിച്ച്
അതിന്‍റെ വികാരങ്ങളെല്ലാം അടിച്ചമര്‍ത്തി കൂട്ടിലിട്ട് വളര്‍ത്തുന്നത് തെറ്റല്ലേ?
പട്ടിയുടെ മുതലാളിയുടേ മറുപടി -
അതിന് ആ പട്ടിക്ക് കുഴപ്പമൊന്നുമില്ലല്ലോ ?പട്ടി പരാതി പറയുന്നില്ലത്രേ!
ആ പട്ടി അങ്ങനെ ചിന്തിച്ചു എന്ന് പറയാന്‍ നിങ്ങള്‍ ആ പട്ടിയുടെ പോലെ ആണോ ചിന്തിക്കുന്നത്!
പട്ടിക്ക് എന്തോരം നന്ദി ഉണ്ടെന്ന് പറഞ്ഞാലും അതിന് താങ്ക് യൂ എന്ന് പറയാന്‍ പറ്റില്ല
അങ്ങനെ എന്തെങ്കിലും പറയാന്‍ കഴിവുണ്ടായെങ്കില്‍ പട്ടികള്‍ അതിന്റെ യജമാനന്‍ എന്ന് പറയുന്ന ആ മനുഷ്യനെ ,മനുഷ്യന്‍ ഇത് വരെ കണ്ടെത്തിയിട്ടുള്ളതിനേക്കാളും വലിയ തെറി പറഞ്ഞേനേ!`
പട്ടിയെ കൂട്ടിലിടുന്ന ആദ്യ ദിവസം അത് അടുത്ത വീട്ടുകാരെ ഉറക്കില്ല.പട്ടി അതിന്‍റെ പ്രതിഷേധം ഒരു ദിവസം മുഴുവനും കുരച്ചു കൊണ്ട് രേഖപ്പെടുത്തുന്നുണ്ട്.
ഞാനനുഭവിച്ചതാണ് എന്‍റെ അയല്‍ക്കാരന്‍ പട്ടിയെ കൊണ്ട് വന്ന ആദ്യദിവസം......
വാല്‍മുറിച്ചും വരി ഉടച്ചും ചങ്ങലയ്ക്കിട്ടും കൂട്ടിലിട്ടും പട്ടികളെ സംരക്ഷിക്കേണ്ടത് ആധുനിക ജീവിതത്തില്‍ മാന്യതയുടെ മാനദണ്ഡങ്ങളിലൊന്നാണ്.എല്ലാവരുമത് ചെയ്യുവിന്‍

പൂച്ചകളോട് ഉപബുദ്ധന്‍

പൂച്ചയുടെ കണ്ണിലേക്ക് തിളച്ച വെളിച്ചണ്ണയും വെള്ളവുമൊക്കെ ഒഴിക്കുന്ന ചിലരുണ്ട്.
പട്ടികളും പൂച്ചകളും എല്ലാം ജീവിച്ച സ്ഥലം കയ്യേറി എന്ന് പറയുന്ന ജീവികളോട്
ഒന്നേ പറയാനുള്ളൂ ദൈവം ലോകം സൃഷ്ടിച്ചിരിക്കുന്നത് മനുഷ്യന് വേണ്ടിയാണ്.
സൃഷ്ടിയുടെ മകുടി അല്ല സോറി മകുടമാണ് മനുഷ്യന്‍.അവന് വേണ്ടീ ആണെല്ലാം.
മനുഷ്യന് എന്തെങ്കിലും കഴിവ് ദൈവം തന്നിട്ടുണ്ടെങ്കില്‍ അത് ചൂഷണം ചെയ്യാന്‍ വേണ്ടി മാത്രമാണ്.അത കൊണ്ട് ഇരുന്ന് കുരച്ചിട്ടും കരഞ്ഞിട്ടും കാര്യമൊന്നുമുണ്ടാകാന്‍ പോകുന്നില്ല. മൃഗങ്ങളെ സ്നേഹിക്കാനും പരിചരിക്കാനൊന്നുമല്ല ഞങ്ങളെ സൃഷ്ടിച്ചിരിക്കുന്നത്.

കോഴികളും മനുഷ്യനും ഉപബുദ്ധനും

കോഴി പനി വന്ന കോഴികളെ കൊന്നൊടുക്കുന്നവരോട്
കോഴികള്‍ രാത്രി ഉറക്കമില്ലാതെ നൈറ്റ് ഡ്യൂട്ടിക്ക് പോയത് കൊണ്ട് വന്നതാണോ പനി,അതോ കോഴി മഴ നനഞ്ഞത് കൊണ്ട് വന്നതോ?അങ്ങനെ അസുഖം വന്നാല്‍ കൂട്ടത്തോട് കൊല്ലാന്‍ മനുഷ്യന് അധികാരം ഉണ്ട്! കാരണം അവന്‍ സ്രഷ്ടിയുടേ മകുടിയാണല്ലോ!എയ്ഡ്സും.ക്ഷയവും,ട്യൂബുലാര്‍ ബാസിലസും ഒരു മണിക്കൂര്‍ മുമ്പ് കണ്ടു പിടിച്ച ടൈനിക്കാപ്പേഴ്സ് ബിഗ് ഡിസീസുമുള്ള മനുഷ്യനെ എന്നേ കൊല്ലേണ്ടതാണ്.ഏതായാലും മൃഗങ്ങള്‍ക്ക് മനുഷ്യന്‍ അസുഖം വരുമ്പോള്‍ മനുഷ്യന് ചെയ്യുന്നത് പോലെ മോഡേണ്‍ മെഡിസിന്‍ കൊടുത്ത് നരകിപ്പിച്ചുള്ള മരണം നല്‍കുന്നില്ലല്ലോ തല്‍ക്കാലം അതോര്‍ത്ത് സമാധാനിക്കാം.

ഇറച്ചി ആവശ്യമുള്ള സമയത്ത് വേണ്ട മാത്രയില്‍ വേണം നമുക്ക് പോരാ അത് എളുപ്പം വേവുന്നത് കൂടി ആകണം
ഇന്ന് മാടുകളെയും കോഴികളെയും തീറ്റി പോറ്റി പെട്ടെന്ന് വലുതാക്കിയെടുത്ത് കശാപ്പുശാലയുടെ മുമ്പില്‍ ഹാജരാക്കി നിറുത്തുകയാണ്.മാര്‍ദ്ദവം ഉള്ള ഭക്ഷണം മാത്രം അവയ്ക്ക് കൊടുക്കുക.മാടിന് കൊടുക്കുന്ന ഭക്ഷണം കൊണ്ടുണ്ടാകേണ്ടത് മാംസമാണ്.അതിന്‍റെ ആരോഗ്യവും സുഖവുമല്ല.ഇത്തിരി അനങ്ങിയാല്‍ ആയാസപ്പെട്ടാല്‍ മാംസം കുറയുകയോ ദൃഡമാകുകയോ ചെയ്യും.അതിനാല്‍ നില്‍ക്കുവാന്‍ മാത്രം ഇടം കൊടുത്ത് ബെല്‍ട്ടുകളാലും സ്ട്രാപ്പുകളാലും ബന്ധിച്ച് കൂടുകളില്‍ തിക്കിക്കൂട്ടി നിര്‍ത്തി ആകാശവും ഭൂമിയും കാണിക്കാതെ അവയെ വളര്‍ത്തുന്നതില്‍ ഒരു കുറ്റബോധവുമില്ലാത്ത മനുഷ്യന്മാര്

ആനകളെ കുറിച്ച് ഉപബുദ്ധന്‍

ആനകളെഉത്സവങ്ങള്‍ക്കും ആഘോഷങ്ങള്‍ക്കും ഉപയോഗിക്കുന്നവര്‍ ആനകളെ അനുസരിപ്പിക്കാന്‍ ക്രൂരമായ മാര്‍ഗ്ഗങ്ങളാണുപയോഗിക്കാറുള്ളത്.മൂര്‍ച്ചയൂള്ള ഇരുമ്പു തോട്ടികള്‍ ചെവിക്ക് പിന്നില്‍ തിരുകിയും പേടിപ്പിച്ചും ആണ്ഉത്സവങ്ങള്‍ക്കും മറ്റും ആനകളെ വിധേയരാക്കി നിര്‍ത്തുന്നത്.ആനയായാലും മനുഷ്യനായാലും സഹിക്കുന്നതിന് ഒരു പരിധി ഉണ്ടല്ലോ അത് ലംഘിക്കപ്പെടുമ്പോള്‍ ആണ് ആന പ്രതിഷേധിക്കുന്നത്.ഭയങ്കര വെയില്‍ ഉള്ള സമയത്ത് ആനകളെ നടത്തികൊണ്ടു വരുന്നതും,ചങ്ങല അണിയിച്ചും,വേദനിപ്പിക്കുന്നതുമെല്ലാം എന്തിനാണെന്ന് ദൈവത്തിനറിയാം അല്ലെങ്കില്‍ പള്ളിക്കമ്മിറ്റിക്കും ഉത്സവക്കമ്മിറ്റിക്കറിയാം.ഇത് നിര്‍ത്തലാക്കുന്നതിനെ കുറിച്ചല്ല പുതിയ ചര്‍ച്ച ഇടയുന്ന സമയം കണ്ടെത്താനുള്ള് മൈക്രോചിപ്പ് ഡെവലെപ്പ്മെന്‍റിനെ കുറിച്ചാണിപ്പോ പുതിയ ഡിസ്ക്കഷന്‍സ്.

ക്രൂരതയും ഭക്ഷണവും മനുഷ്യനും ഉപബുദ്ധനും

1.ഭക്ഷണത്തിന് വേണ്ടി മറ്റ് ജീവജാലങ്ങളോട് ക്രൂരമായും വേദനിപ്പിക്കുന്ന രീതിയിലും പെരുമാറുന്നത് ശരിയാണോ എന്ന ധാര്‍മ്മികമായ ചോദ്യം സ്വയം ചോദിച്ച് ചിലര്‍ മന:പരിവര്‍ത്തനം വന്ന് സസ്യഭുക്കായി മാറിയിട്ടുണ്ട്
2.ചിലര്‍ക്ക് ജനിക്കുമ്പോള്‍ തന്നെ മാംസാഹാരത്തോട് പ്രിയമുണ്ടാകാറില്ല
3. ആരോഗ്യത്തിന് മാംസാഹാരം നല്ലതല്ല എന്ന കാരണത്താല്‍ ഉപേക്ഷിക്കുന്നവരുണ്ട്

ഹാര്‍വാര്‍ഡ് പോഷകാഹാര വിദഗ് ധനായ ജീന്‍ മേയറുടെ അഭിപ്രായത്തില്‍
ഇപ്പോഴുള്ള മാസോല്‍പ്പാദനം 10% കുറച്ചാല്‍ 60 മില്ല്യണ്‍ ജനങ്ങള്‍ക്ക് കഴിക്കുവാനുള്ള ധാന്യം ഇത് കൊണ്ട് ലഭിക്കും.ജനലക്ഷങ്ങളുടെ പട്ടിണി അങ്ങനെ മാറ്റാനാകുമെന്ന് അദ്ധേഹം അഭിപ്രായപ്പെടുന്നു

ഓ അത് ഇപ്പോ ഞാന്‍ മാത്രം വിചാരിച്ചിട്ട് കാര്യമില്ലല്ലോ!
ബാക്കി 9 മില്യണ്‍ 99.9% ആള്‍ക്കാരും വിചാരിക്കണ്ടേ എന്ന് പറയുന്നവരോട്
.
മാംസാഹാരം ഉപേക്ഷിക്കാന്‍ കഴിയുന്നില്ലെങ്കില്‍ അതൊരു തെറ്റായോ പ്രശ്നമായോ അല്ല പറഞ്ഞ് വരുന്നത്.അതിഷ്ടമല്ലാത്തവരെ നിര്‍ബന്ധിച്ച് അതിലേക്ക് കൊണ്ടു വരുന്നതാണ് പ്രശ്നം
അതായത് ഗാന്ധിയന്‍ ആകാന്‍ കഴിവില്ലാത്തത് കൊണ്ട് ഗാന്ധിജിയുടെ തത്വങ്ങളെ അവഹേക്കിക്കുന്നവരുണ്ട്.നിങ്ങള്‍ക്ക് എന്തെങ്കിലും കഴിവില്ലായ്മയുണ്ടെങ്കില്‍ അതില്‍ അഹങ്കരിക്കാതിരിക്കുക.കുടിച്ചാലും മരിക്കും കുടിച്ചില്ലെങ്കിലും മരിക്കും എങ്കില്‍ പിന്നെ മരിച്ചൂടെ എന്ന് പറയുന്നവര് ആണ് പ്രശ്നം.
അമേരിക്കയിലെ ധാന്യോല്‍പ്പാദനത്തിന്റെ 90%വും മാംസോല്‍പ്പാദനത്തിനായി മൃഗങ്ങളെ തീറ്റി പോറ്റുന്നുവെന്നത് ഞെട്ടലുണ്ടാക്കുന്ന സത്യമാണ്.പച്ച കറി തിന്നുന്നവര് നല്ലവരും അല്ലാത്തവര് മോശവുമാണ് എന്നല്ല ഞാന്‍ പറഞ്ഞ് വരുന്നത്.ഹിറ്റ്ലര്‍ വെജിറ്റേറിയനായിരുന്നു പിന്നെ ഇവിടെ(ഇന്‍ഡ്യയില്‍) പണ്ട് കുറേ വിഭജനങ്ങളുണ്ടാക്കിയ പണ്ടത്തെ പച്ചക്കറിക്കാരുമുണ്ട്.ചില പ്രദേശങ്ങളില്‍ നോണ്‍ മാത്രമേ കിട്ടൂ അപ്പോ അപ്പോ അതിജീവനത്തിന് അതില്ലാതെ പറ്റില്ല.

മനുഷ്യന്റെ പല്ല് മാംസാഹാരം കഴിക്കാന്‍ യോജിച്ചതാണ് എന്ന് പറയുന്നവരോട് ഉപബുദ്ധന്‍

നിങ്ങള്‍ക്ക് നിങ്ങള്‍ക്കിഷ്ടമുള്ളത് പോലെ ഭക്ഷിക്കാം പക്ഷേ
നീ ഒരു ക്രിസ്ത്യാനി അല്ലേ?നീ എന്താ ബ്രാഹ്മണനാ, ദൈവം നമുക്ക് വേണ്ടി അല്ലേ ഇതെല്ലാം സൃഷ്ടിച്ചിരിക്കുന്നത്?
ഈ സൈസ് ചോദ്യങ്ങള്‍ ചോദിച്ച് ബുദ്ധിമുട്ടിക്കാതിരിക്കുക.
മാംസാഹാരത്തോട് പ്രിയമില്ലാത്തവരെ അതിന് നിര്‍ബന്ധിക്കാതിരുന്നാല്‍ കുറെ ജീവികളെങ്കിലും നല്ല രീതിയില്‍ ചാകും അല്ലെങ്കില്‍ മരിക്കും.അലോപതിക്കാരന്റെ വാക്ക് കേട്ട് പന്നിയിറചിയും,പട്ടിയിറച്ചിയും മറ്റും തിന്ന്കലോറി കൂട്ടാന്‍ തുടങ്ങിയവരോട് അവര് ഇപ്പോ പറഞ്ഞിരിക്കുകയാണ്
കലോറി കുറഞ്ഞ ഭക്ഷണം കഴിച്ചാല്‍ ആരോഗ്യത്തോടെ ജീവിക്കുമെന്ന്!!!!!എന്താ ചെയ്യാ?

വടക്കന്‍ പറവൂരില്‍ ഒരാള്‍ വിതരണം ചെയ്യുന്ന ഒരു നോട്ടീസുണ്ട്.അയാള്‍ പറയുന്നു ഞാന്‍ വിതരണം ചെയ്യുന്ന നോട്ടീസ് ദൈവം എന്നെ കൊണ്ട് എഴുതിപ്പിച്ചതാണെന്ന്
നോട്ടീസിലെ ചില ഭാഗങ്ങള്‍

"താങ്കള്‍ എപ്പോഴെങ്കിലും അറവുശാല സന്ദര്‍ശിച്ചിട്ടുണ്ടോ?അറവുശാലയുടെ പുറകില്‍ കണ്ണീരൊലിപ്പിച്ച് നില്‍ക്കുന്ന സാധു മിണ്ടാപ്രാണികളെ കണ്ടിട്ടുണ്ടോ?കൈകാലുകള്‍ കൂട്ടികെട്ടി കൊല്ലാനായി മറിച്ചിടുന്മ്പോള്‍ നിസ്സഹയാതയോടെ ആ പാവം ജീവി തേങ്ങുന്നത് താങ്കള്‍ക്ക് സങ്കല്‍പ്പിക്കാനാകുമോ?കത്തി കഴുത്തില്‍ ആഴ് ന്നിറങ്ങുമ്പോള്‍ തെറിച്ചു വീഴുന്ന ചുടുരക്തം താങ്കള്‍ക്ക് സങ്കല്‍പ്പിക്കാനാകുമോ?തലയറുത്തു കഴിയുമ്പോഴും ഉടലുകള്‍ ജീവന്‍ പോകാതെ ചലിക്കുന്നത് താങ്കള്‍ക്ക് സങ്കല്‍പ്പിക്കാന്‍ സാധിക്കുന്നുണ്ടോ"?
ഇതെല്ലാം നുണയാണെന്ന് തോന്നുന്നുവെങ്കില്‍ ഏതെങ്കിലും താങ്കള്‍ ഏതെങ്കിലും അറവുശാല രാവിലെ 3 മണിക്കും അഞ്ചു മണിക്കുമിടയില്‍ സന്ദര്‍ശിക്കുക

ഇങ്ങനെ പറയിപ്പിക്കുന്ന ദൈവങ്ങള്‍ ഇപ്പോ ബിസി ആണെന്ന് തോന്നുന്നു?
കുറച്ച് നാള് മുമ്പ് ക്രിസ്മസ്സ് ഒരു വെള്ളിയാഴ്ച്ച വന്നപ്പോ അന്ന് ഇറച്ചി തിന്നാന്‍ അനുവാദം കൊടുക്കാന്‍ ഒരു ദൈവം വന്നിട്ടുണ്ട്.
പിന്നെ വന്നിട്ടില്ല

സസ്യങ്ങള്‍ക്ക് നെര്‍വസ് സിസ്റ്റം ഇല്ല.അത് കൊണ്ട് സസ്യങ്ങള്‍ക്ക് വേദന ഇല്ല.വേദന ഇല്ലാത്തതിനെ വേദനിപ്പിക്കാമോ? ഒരു പഴുത്ത പൂവന്‍ കൊല വെട്ടുന്നത് തെറ്റല്ലേ എന്നൊക്കെ
മറുചോദ്യം ചോദിക്കാം.നിങ്ങള്‍ക്ക് മാംസാഹാരം ദഹിപ്പിക്കാനുള്ള ദഹനേദ്രിയ സിസ്റ്റം ഉണ്ടെങ്കില്‍ തിന്നുക തിന്നാത്തവരെ നിര്‍ബന്ധിക്കാതിരുന്നാല്‍ മാത്രം മതി.ലോകത്തിലെ ആവാസ വ്യവസ്ഥ കൃത്യമായി മുമ്പോട്ട് പോകാന്‍ കാരണം മനുഷ്യന്‍ മാംസം ഭക്ഷിക്കുന്നത് കൊണ്ടാണെന്നൊക്കെ പറഞ്ഞ് നടക്കാതിരുന്നാല്‍ മതി.
ഒരു കാര്യം പറഞ്ഞ് കൊണ്ട് ഇത് അവസാനിപ്പിക്കുന്നു.
മനുഷ്യന്റെ ഭക്ഷണം എന്താണെന്ന് എനിക്കറിയില്ല!!

പാലും മനുഷ്യനും ആരോഗ്യവും ഉപബുദ്ധനും

മനുഷ്യനൊഴിച്ച് വേറൊരു ജീവിയും
വേറൊരു ജീവിയുടെ പാല്‍ കുടിക്കുന്നില്ല.
കറന്നെടുക്കുക എന്നത് പ്രാകൃതമാണെന്നും,
തെറ്റാണെന്നും അങ്ങനെ പലതും കേട്ടിട്ടുണ്ട് ..

ഗാന്ധിജിക്ക് വലിയ ഒരു അസുഖം വന്നപ്പോള്‍
പാല്‍ കുടിക്കാന്‍ ഡോക്ടര്‍മാര്‍ നിര്‍ബന്ധിച്ചു...........
പക്ഷേ അദ്ധേഹം നിര്‍ബന്ധത്തിന് വഴങ്ങിയില്ല.
കാരണം അദ്ധേഹം പാല്‍ കറക്കാന്‍ വേണ്ടി
മനുഷ്യന്‍ ചെയ്യുന്ന അക്രമങ്ങള്‍
ചെറുപ്പത്തില്‍ കണ്ടിരുന്നതായി പറയുന്നു.

ഇന്ന് കേരളത്തില്‍ ഇറങ്ങുന്ന എല്ലാ പാക്കറ്റ് പാലുകളിലും
കോളിഫോം ബാക്ടീരിയയെ കണ്ടെത്തിയിരിക്കുന്നു
മനുഷ്യന്റെയും മൃഗങ്ങളുടെയും വിസര്‍ജ്യത്തില്‍ കാണുന്ന
കോളിഫോം ബാക്ടീരിയ പനി,ന്യൂമോണിയ,ടൈഫോയ്ഡ് എന്നിവയ്ക്കും
കാരണമാകുന്നു.

ഉപബുദ്ധന്‍ കണ്ട ചില കാഴ്ചകള്‍

കോസ് മെറ്റിക്സ് നിര്‍മ്മാതാക്കള്
കട്ടിയുള്ള ഷാംപൂ മൃഗങ്ങളുടെ കണ്ണിലൊഴിച്ചും മൂക്കില്‍ കൂടി പമ്പ് ചെയ്തും ആണ് പരീക്ഷണങ്ങള്‍ നടത്തുന്നത്
ഈ ജീവികള്‍ക്ക് ഇന്ദ്രിയങ്ങളും തലച്ചോറും ഉണ്ടെന്നും പിന്നെ വേദന അറിയുമെന്നുമൊക്കെയുള്ള കാര്യങ്ങള്‍ വിസ്മരിക്കുന്നു. മൃഗങ്ങളെ ബോധം പോലും കിടത്താതെ ആണ് റിസര്‍ച്ച് ഇന്‍സ്റ്റിറ്റ്യൂട്ടില്‍ ഇന്‍സിനേറ്ററിലേക്കു തള്ളിവിടുന്നത്

മനുഷ്യനിര്‍മ്മിതമായ രാസമാലിന്യം ഉപയോഗിച്ചുണ്ടാക്കുന്ന പഴങ്ങളും മറ്റും തിന്നേണ്ട ഗതികേട് പാവം ജീവികള്‍ക്ക്.ചികിത്സകനെന്ന സ്ഥാനം ദുരുപയോഗിച്ച് ആധുനിക ഡോക്ടര്‍മ്മാര് ജീവികളുടെ പ്രാകൃതിക ജീവിതത്തെ തകര്‍ക്കുന്നു.കൃത്രിമ ഗര്‍ഭോത്പ്പാദനം നടത്തി പ്രാകൃതിക സുഖങ്ങള്‍ തകര്‍ക്കുന്നു.സങ്കരവര്‍ഗങ്ങള്‍ ഉണ്ടാക്കുകയും കൃത്രിമമായ വളര്‍ച്ചയ്ക്കുള്ള ഔഷധങ്ങള്‍ കുത്തിവെയ്ക്കുന്നു.
ജീവികളുടെ വരിയുടയ്ക്കുന്നതിനും അംഗഭംഗം വരുത്തുന്നതും ഒരു ബുദ്ധിമുട്ടുമില്ലാതെ ചെയ്യുന്നു
മൃഗങ്ങളെ വെയിലത്ത് വണ്ടികളില്‍ അനങ്ങാന്‍ സ്ഥലമില്ലാതെ,ഗട്ടറും ചാടിച്ച് കൊണ്ട് പോകുന്നവര്
അതിന്‍റെ ബുദ്ധിമുട്ടിനെ കുറിച്ചൊന്നും ഓര്‍ക്കാറില്ല
കോഴികളുടെ കാലില്‍ കത്തി കെട്ടി കൊണ്ടുള്ള കോഴിപോര്,ജല്ലിക്കെട്ട്-കാളയുടെ കൊമ്പുമ്മേല്‍ പിടിച്ച് വേറെ ,ദൈവത്തിന്റെ അനുഗ്രഹം കിട്ടാനായി മൃഗ ബലി

തെരുവ് പട്ടികളെ കൊല്ലാനായി പുതിയ നിയമം കൊണ്ടു വരാന്‍ ശ്രമിക്കുന്ന ഭരണകൂടം.

നമ്മുടെ രാജ്യത്തെ 80% പശുക്കളും ലാഭകരമായി വളത്താവുന്നതല്ല എന്നാണ് ചില ശാസ്ത്രഞന്മാരുടെ കണ്ടുപിടുത്തം കണ്ണട വെച്ചവരെ എല്ലാം കൊന്നു കളയാന്‍ പണ്ടൊരു മഹാന്‍ പറഞ്ഞത് പോലെ.മനുഷ്യന്‍റെ ആരോഗ്യം ഭക്ഷണം വിനോദം,സുഖം ഇതൊക്കെ തന്നെ വലുത്.

പണ്ട് മനുഷ്യന്‍ മൃഗങ്ങളെ അവരുടെ ഉപയോഗത്തിനായി ദൈവം സൃഷ്ടിച്ച വസ്തുക്കളായി കണക്കാക്കിയിരുന്നില്ല.മൃഗങ്ങളെ ദൈവത്തെ പോലെ ആരാധിക്കുകയും ചെയ്തിരുന്നതായി നമുക്ക് കാണാം. പണ്ട് വിശക്കുമ്പോള്‍ ഒരു മൃഗത്തെ വേട്ടയാടി പിടിച്ച് ഭക്ഷിച്ച മനുഷ്യന്‍ ഇന്ന് ചെയ്യുന്നത്???????
ജന്തുവര്‍ഗ്ഗങ്ങളുടെ നാശം പ്രകൃതിയില്‍ അസന്തുലിതാവസ്ഥയുണ്ടാക്കും .അതു മൂലം മനുഷ്യരുടെ ജീവിതത്തിന് തന്നെ ആണ് അപായവുമുണ്ടാകാന്‍ പോകുന്നത്. ഈ ലോകത്തിലെ ജീവികളില്‍ ഒന്ന് മാത്രമാണ് നാം എന്ന ചിന്ത കടന്ന് വന്നില്ല എങ്കില്‍ അതിന്‍റെ പണി കിട്ടുമ്പോള്‍ പഠിക്കാന്‍ പോലും ബാക്കി ഉണ്ടാകില്ല.എന്തെങ്കിലും ഒന്ന് ചെയ്യൂ അല്ലെങ്കില്‍ ഒന്നും ചെയ്യാതിരിക്കൂ

മായാവി അണ്ടര്‍ പ്രഷര്‍

2009-03-07T01:45:00.015+05:30

(ഈ ആഴ്ച മുതല്‍ മായാവി പുതിയ വേഷത്തില്‍ )

നമ്മളെന്ത് കൊണ്ടാണ് സൂപ്പര്‍മാനേയും ബാറ്റ് മാനേയും ബഹുമാനിക്കുന്നത്?
പാന്‍റിന് മുകളില്‍ അണ്ടര്‍ വെയര്‍ ഇടുന്നത് കൊണ്ട്!
സാധാരണ പോലെ അണ്ടര്‍ വെയര്‍ ഇട്ടിട്ട് പാന്‍റ് ഇട്ടാല്‍ സൂപ്പര്‍മാനും ബാറ്റ് മാനുമൊക്കെ
വെറും റഹ് മാന്‍ അല്ലെങ്കില്‍ നരിമാന്‍

പണ്ട് കുറച്ച് മണ്ടന്മാര് അവര്‍ക്ക് ഗുണം കിട്ടാന്‍ വേണ്ടി ഉണ്ടാക്കിയ അന്ധവിശ്വാസങ്ങളും, അത് പോലെ ഇപ്പോ ചിലര്‍ക്ക് ഗുണം കിട്ടുന്നത് കാരണം നിലനിര്‍ത്തുന്ന വേറെ മണ്ടത്തരങ്ങളുമൊക്കെ മാറ്റാന്‍ പറയുന്നതൊക്കെ സഹിക്കാം.കാലഘട്ടത്തിനനുസരിച്ച് മതങ്ങളിലെ ചിലതൊക്കെയും മാറ്റാന്‍ പറയുന്നതും അംഗീകരിക്കാം. പക്ഷേ ഇത് അംഗീകരിക്കാനാവില്ല.ഇത് അക്രമമായി പോയി. ആദ്യം വേഷം മാറ്റും പിന്നെ മായാവിയുടെ തത്വങ്ങളില്‍ കടന്നു പിടിക്കും. ബാലരമ പോലുള്ള പ്രസിദ്ധീകരണങ്ങളില് പു.ക.സ യിലെ ബുദ്ധിജീവികളും,നിരീശ്വരവാദികളും കടന്നു കയറിയിട്ടുണ്ട്. മായാവിയെ തുണി ഉടുപ്പിക്കുന്നത് ആരംഭം മാത്രമാണ്. വലതുപക്ഷ ബുദ്ധിജീവികള്‍ ഇത് കാണാത്തത് വളരെ കഷ്ടമാണ്.

മായാവിയെ നമ്മള്‍ ബഹുമാനിക്കാന്‍ ആ വസ്ത്ര ശൈലിക്കും കൂടി ഒരു പങ്കുണ്ട്. നവോത്ഥാനം,മാങ്ങാത്തൊലി എന്നൊക്കെ പറഞ്ഞിപ്പോ ബാലരമ ചെയ്യുന്നത് വളരെ നീചമായ പ്രവൃത്തി ആണ്.
ആദ്യം സ്റ്റിക്കറില്‍ തുടങ്ങും പിന്നെ മുഖം മാറ്റിയത് പോലെ തന്നെ പലതും മാറ്റാന്‍ തുടങ്ങും.

നമ്മളെല്ലാം കണ്ട് പരിചയിച്ച യേശുക്രിസ്തുവും, നബിയും, ശ്രീകൃഷണനുമെല്ലാം നീല ബനിയനും,
വെള്ള ബൂട്ട് കട്ട് പാന്‍റുമിട്ട് നില്‍ക്കുന്ന ഒരു ഫോട്ടോ നമുക്ക് അംഗീകരിക്കാന്‍ കഴിയോ!

ഈ മന്ദബുദ്ധിജീവികള്‍ കയറിയ ഉടനേ തന്നെ ചില വൃത്തികെട്ട കളികള്‍ കളിക്കാനും തുടങ്ങി.
ചെകുത്താനെ ദൈവികവല്‍ക്കരിക്കാനുള്ള ശ്രമം ഇവരുടെ ഭാഗത്ത് നിന്നുണ്ടായി.
മായാവിയില്‍ വില്ലനായ ലുട്ടാപ്പി കളിക്കുടുക്കയില്‍ ഇപ്പോ ലുട്ടാപ്പി നായക കഥാപാത്രമാണ്. ഇതെങ്ങനെ സംഭവിച്ചു.
മായാവിയുടെ വേഷവിധാനങ്ങളുമായി താരതമ്യപ്പെടുത്തുമ്പോള്‍ ലുട്ടാപ്പിയുടെ ഡ്രസ്സിംഗ് എത്രയോ
മെച്ച മാണ്. ഈ ആഴ്ച്ചയിലെ പുതിയ ലക്കത്തിലെ ചിത്രം താഴെ കൊടുത്തിരിക്കുന്നു

മായാവി നല്ല കാര്യങ്ങള്‍ ചെയ്തിട്ടുണ്ട് പക്ഷേ അതെല്ലാനും രാജുവിനും രാധയ്ക്കും വേണ്ടി ആയിരുന്നു........’
3-4 കുടുംബം തകര്‍ത്ത കാര്യം മറക്കരുത്.
1.ലുട്ടാപ്പിയുടെ
2.വിക്രമന്റെ
3.മുത്തുവിന്റെ
4.കുട്ടുസന്റെയും ഡാകിനിയുടേയും....
എന്നാലും അദ്ദേഹത്തിനെ അവഹേളിക്കുന്നത് ശരിയല്ല.

പക്ഷേ ഇത് വന്ന് വന്ന് അവസാനം എന്‍റെ അവതാരത്തിന്‍റെ തലയിലേക്കും കേറും അത് കൊണ്ടാണ് തുടക്കം തന്നെ ഞാന്‍ പ്രതികരിക്കാന്‍ തുടങ്ങിയത്

എന്‍റെ അവതാരത്തിന്‍റെ(ബഹു.. ഡിങ്കന്‍റെ) പാസ്സ്പോര്‍ട്ട് സൈസ് ഫോട്ടോ,തിരിച്ചറിയല്‍ കാര്‍ഡ്,
6 മാസത്തെ ബാങ്ക് സ്റ്റേറ്റ്മെന്‍റ് തുടങ്ങി ...എന്തിന് ഞങ്ങളുടെ അവതാരത്തിന്‍റേ വീഡിയോ വരെ ഞങ്ങളുടെ സമീപം തെളിവായുണ്ട്. (പിന്നെ അതൊന്നും യൂട്യൂബില്‍ അപ്പ് ലോഡ് ചെയ്ത് മറ്റ്
മത വിശ്വാസികളെ ഭ്രാന്താക്കണ്ട എന്ന് കരുതി ചെയ്യാത്തതാണ്).
അത് കൊണ്ട് തന്നെ ഞങ്ങളുടെ അവതാരം എന്നും നിലനില്‍ക്കും
എങ്കിലും ഞങ്ങള്‍ ബാക്കിയുള്ള വിശ്വാസികളെയും ബഹുമാനിക്കുന്നു. അവര്‍ക്ക് ഒരു പ്രശ്നം വന്നാല്‍ ഞങ്ങള്‍ കൂടെ ഉണ്ടാകും.ഇത് വന്ന് വന്ന് ഞാന്‍ വിശ്വസിക്കുന്ന എന്‍റെ അവതാരത്തിന്റ്റെ തലയിലേക്കും കയറാനുള്ള സാധ്യത ഉണ്ട്.റഷ്യയും,ക്യൂബയേയും പോലുള്ള രാജ്യങ്ങളിതിന് പിന്നില്‍ കളിക്കുന്നുണ്ടോ എന്ന് സംശയിക്കേണ്ടിയിരിക്കുന്നു

ഞാനിപ്പോ എഴുതുന്നത് മായാവി ഫാന്‍സ് അസോസിയേഷന്‍റെ സെക്രട്ടറിക്ക് അയച്ചിരുന്നു.
അവരിത് വായിച്ചതും, മായാവിയുടെ സ്റ്റിക്കറുമായി പോയ മനോരമയുടെ ബസ് കത്തിച്ചു.
നിങ്ങളാരും ഇത് വായിച്ച് പ്രകോപിതരാകരുത്. പണ്ട് താലിബാനിലെ ഒരു മഹാന്‍ ബുദ്ധന്‍റെ പ്രതിമ തകര്‍ത്തപ്പോ ബുദ്ധിസ്റ്റുകള്‍ എങ്ങനെ സഹിഷ്ണുതയോടെ പ്രതികരിച്ചുവോ അത് പോലെ ദു:ഖം രേഖപ്പെടുത്തുക.

ഓം ക്രീ കുട്ടിചാത്താ,ഓം ക്രീ കുട്ടിചാത്താ എന്ന് വിളിക്കുമ്പോള്‍ പറന്നെത്തുന്ന അങ്ങ് അങ്ങേയ്ക്കൊരു പ്രശ്നം വന്നപ്പോആരെ ആണ് വിളിച്ചത് ?ഡിങ്കാ എന്നാണോ ?എനിക്ക് അങ്ങനെ ആണ് തോന്നുന്നത്.അല്ലെങ്കില്‍
പിന്നെ അങ്ങേയ്ക്ക് വേണ്ടി ആരാണിതെന്നെ കൊണ്ട് ഇതെഴുതിക്കുന്നത്.ഇന്ന് രാവിലെ ഡിങ്കന്‍റെ ഫോട്ടോയില്‍ തൊഴുതു നിന്ന എനിക്ക് പെട്ടെന്ന് ബാലരമ വായിക്കാനും ആദ്യത്തെ നോട്ടത്തില്‍ തന്നെ മായാവിയുടെ പുതിയ വേഷത്തിനു പിന്നിലെ കളിക്ക് പിന്നിലെ ഗൂഡാലോചന മനസ്സിലാക്കാനും സാധിപ്പിച്ചു തന്നതും എന്താണ് ?എനിക്കിപ്പോ ഉള്ള സംശയം അഹം ഡിങ്കാസ്മി?കുറേ നാളായി ഈ സംശയം ഇന്ന് ഡിങ്കന് പറയാനുള്ളതൊക്കെ എന്നെ കൊണ്ടാണോ പറയിപ്പിക്കുന്നത് എന്ന്.(ആര്‍ക്കൊക്കെയോ ആരോടോ എന്തോ പറയാനുണ്ട്!)

എല്ലാ വിശ്വാസികളും ഒന്നാം മായാവിമോചന സമരത്തിന് തയ്യാറാകുക. അല്ലെങ്കിലതിന്‍റെ ഭവിഷ്യത്ത് ഗുരുതരമായിരിക്കും!!

എന്‍റെ മതാന്വേക്ഷണ പരീക്ഷണങ്ങള്‍

2009-01-31T01:59:00.017+05:30

(ഒരു ബ്ലോഗിനുള്ള ടോപ്പിക് ഒന്നുമില്ലാതിരിക്കുകയായിരുന്നു.
അപ്പോ ആണ് വീട്ടില്‍ നിന്ന് കുറേ വഴക്ക് കേള്‍ക്കേണ്ടി വന്നത്...
നിനക്കൊക്കെ എന്തിനാണ് തിന്നാന്‍ തരുന്നത്? ഭക്തിയില്ലാതെ നടക്കാണ്!!
മതമില്ലാത്ത അനീഷാണത്രേ !
പിന്നെ ഡാഡ് അങ്കമാലി മാര്‍ക്കറ്റില്‍ ഉപയോഗിക്കുന്ന കുറേ വാക്കുകളും ആത്മീയത വളരാന്‍ വേണ്ടി അതൊക്കെ എടുത്ത് ഉപയോഗുക്കുന്നതില്‍ തെറ്റില്ല )

എന്‍റെ മതാന്വേക്ഷണ പരീക്ഷണങ്ങള്‍

+2 പരീക്ഷയ്ക്ക് മാര്‍ക്ക് കുറഞ്ഞതിന്
വീട്ടുകാര് പറഞ്ഞു ഭക്തി കുറഞ്ഞത് കൊണ്ട്

ചില അസുഖങ്ങള്‍ വന്നു അപ്പോഴും
വീട്ടുകാര് പറഞ്ഞു ഭക്തി കുറഞ്ഞത് കൊണ്ട്

അടുത്ത പ്രശ്നം വരുന്നതിന് മുമ്പ്
ഞാനൊരു ഭക്തനായി മാറി
അപ്പോ ദേ വന്നൂ ഇതിനേക്കാളും വലിയ പ്രശ്നം

അതിനും നാട്ടുകാരും വീട്ടുകാരും പറഞ്ഞു
ഇതിനേക്കാളും വലിയതെന്തോ വരാനിരുന്നതാണ്
അത് വരാതിരുന്നതിന് ദൈവത്തിന് നന്ദി പറയാന്‍

അതും പോരാഞ്ഞ് വേറെ ഒരു കാര്യം കൂടി പറഞ്ഞു
വലിയ മനുഷ്യന്മാര്‍ക്കെല്ലാം വലിയ പ്രശ്നങ്ങളെല്ലാം അനുഭവിക്കേണ്ടതിനെ പറ്റി
ദൈവത്തിന് നന്ദി പറയൂ ഇത്രയുമല്ലേ സംഭവിച്ചുള്ളൂ അതിന്..

അനുഭവങ്ങളാണ് ഓരോരുത്തരെയും ഭക്തന്മാരാക്കുന്നത്

അനുഭവം

ഞാന്‍ കാണാന്‍ പോയ ഒരു സിനിമ കാണാന്‍ എന്‍റെ അച്ചനും കാണാന്‍ വന്നു.
ഞാന്‍ ക്ലാസ്സ് കട്ട് ചെയ്താണ് സിനിമ കാണാന്‍ പോയത്!!അതിന്‍റെ പോസ്റ്റര്‍ കണ്ടാല്‍ ആരും പോകും.
ഒരു ക്ലാസ്സിക് ഫിലിം ആയിരുന്നു.

ഞാന്‍ തിയ്യറ്ററില്‍ സിനിമ കാണാന്‍ ഇരുന്നത് അച്ചന്‍റെ പുറകിലെ സീറ്റില്‍.
ഞന്‍ അച്ചനെ കണ്ടു അച്ചനെന്നെ കണ്ടിട്ടില്ല.
കഷ്ടപ്പെട്ട് ക്യൂവില്‍ നിന്ന് സിനിമ കാണാന്‍ കയറിയിട്ട് എറങ്ങി പോകാനും വയ്യ!
ഞാന്‍ പ്രാര്‍ഥിച്ചു"ദൈവമേ അച്ചന്‍ പുറകിലേക്ക് നോക്കരുതേ"
ആ സിനിമ കാണുമ്പോള്‍ കണ്ണ് ചിമ്മാന്‍ പോലും ആര്‍ക്കും തോന്നില്ല.
പിന്നെ അല്ലേ പുറകിലേക്ക് തിരിഞ്ഞ് നോക്കാന്‍ പോകുന്നത്!

അങ്ങനെ തോന്നുന്നവരെ പൊട്ടന്മാരുടെ കരിമ്പട്ടികയിലുള്‍പ്പെടുത്താം.

ദൈവം അന്ന് എന്‍റെ പ്രാര്‍ഥന കേട്ടു.
അതിന് ശേഷം ഞാനൊരു ഭക്തനാണ്.
ഇത് ഏതെങ്കിലും യുക്തിവാദിയോട് പറഞ്ഞാല്‍ അവര് പറയും ദൈവത്തോട് പ്രാര്‍ഥിച്ചത് കൊണ്ടല്ല
അന്തരീക്ഷത്തിലെ ചില എനര്‍ജികള്‍ പ്രതിപ്രവര്‍ത്തിക്കാഞ്ഞത് കൊണ്ടാണ് അച്ചന്‍ തിരിഞ്ഞു നോക്കാഞ്ഞതെന്നൊക്കെ, അവര് പറയുന്നതാര് കേള്‍ക്കാന്‍!!
അവരോട് പോകാന്‍ പറ!!ഞാന്‍ ഇന്ന് ഒടുക്കത്തെ വിശ്വാസിയാണ്

(ഇപ്പോ ഞാന്‍ ദേവാലയത്തില്‍ പോകാറുണ്ട്
എന്‍റെ വീട്ടില്‍ നിന്ന് ഒരു കി.മീറ്റര്‍ ഉണ്ട് ബസ്സ് സ്റ്റോപ്പിലേക്ക്
ബസ് സ്റ്റോപ്പിലേക്ക് 2 വഴികളില്‍ കൂടി പോകാം.
നേരെയുള്ള വഴിയിലൂടെ പോയാല്‍ 1 കി.മീ ഉണ്ട്.
ദേവാലയത്തിന്‍റെ ഉള്ളിലുള്ള വഴിയിലൂടെ പോയാല്‍ ½ കി.മീ ലാഭിക്കാം.
ഞാനാ വഴിയിലൂടെ ആണ് പോകുന്നത്.

എന്നിട്ടും വീട്ടുകാര്‍ക്ക് പരാതി ആണ് ഞാന്‍ ദേവാലയത്തില്‍ പോകുന്നില്ലത്രേ :)

എന്‍റെ ഫാമിലി റിലീജിയന്‍സ്

എന്‍റെ അച്ചന് ‍: (ഏതാണെന്ന് പറയുന്നില്ല.പറഞ്ഞാല്‍ പിന്നെ മതമില്ലാത്ത അനീഷിന്‍റെ
മതം അതാണല്ലേ എന്ന് ചിലപ്പോ ചിലര് ചോദിക്കും)
(അപ്പൂപ്പന്‍റെ അതേ മതം.തല്‍ക്കാലം അത്രേം അറിഞ്ഞാല് മതി)
അച്ചനാണ് രാവിലെ ദേവാലയത്തിന്‍റെ വാതില്‍ തുറക്കുന്നത്
വീട്ടില്‍ എപ്പോഴും ഭക്തിഭരമായ ചാനല്‍ മാത്രമേ വെയ്ക്കു.
എന്‍റെ അമ്മ : അച്ചനേക്കാളും ഭക്ത
കോമഡി എന്താണെന്ന് വെച്ചാല്‍ ഞങ്ങള്‍ 4 ബ്രദേര്‍സിന്‍റെ മതത്തെ പറ്റിയുള്ള കാഴ്ച്ചപ്പാടാണ്

ഒരു ബ്രദറിന്‍റെ : Other(അതായത് നിലവില്ലുള്ള മതങ്ങളൊന്നുമല്ല)
പിന്നത്തെയാളുടെ : Religious humanism
പിന്നെ ഞാന്‍ : ഡിങ്കോയിസം
വേറൊരാളുടെ : Agonistic Atheist

ഇന്ന് എന്‍റെ ജീവിതത്തില്‍ ഞാനെന്തെങ്കിലും കഷ്ടപ്പാടുകള്‍ അനുഭവിക്കുന്നുണ്ടെങ്കില്‍
അതിന്‍റെ കാരണം എന്‍റെ അച്ചനാണെന്ന് കരുതുന്നു.

ആ ഒരു സംഭവത്തിന് ശേഷമാണ് എന്‍റെ കഷ്ടപ്പാടുകളെല്ലാം തുടങ്ങിയത്.

സംഭവം

6 മാസം മുമ്പ് വീടിന്‍റെ ഹൌസ് ഫാമിംഗ് നടക്കുന്നതിന്‍റെ തലേ ദിവസമാണത് സംഭവിച്ചത് !!!
വീട്ടില്‍ അവതാരങ്ങളുടെ രൂപങ്ങള്‍ വലിയ ചില്ലു കൂട്ടില്‍ എന്‍റെ അച്ചന്‍ അറേഞ്ച് ചെയ്യുന്ന സമയം. ഞാന്‍ അതിന്‍റേ കൂട്ടത്തില്‍ ഞാന്‍ വിശ്വാസിക്കുന്ന ഡിങ്കന്‍റെ ഫ്രെയിം ചെയ്ത ഒരു വലിയ ഒരു രൂപവും, പിന്നെ കഴിഞ്ഞ വര്‍ഷം ഡിങ്കന്‍റെ എല്ലാ ലക്കങ്ങളും ചേര്‍ത്ത് ഒരു വലിയ പുസ്തകം ഇറക്കിയിരുന്നു അതും(വേദഗ്രന്ഥം) കൂടി വെയ്ക്കാന്‍ ആവശ്യപ്പെട്ടു.

പറഞ്ഞ് തീര്‍ന്നില്ല

അച്ചന്‍ എന്‍റെ കയ്യിലിലുരുന്ന ഡിങ്കന്‍റെ ഫ്രെയിം ചെയ്ത വലിയ ആ രൂപം എടുത്ത് നിലത്തേക്ക് ഒരു ഏറ്. അതും പോരാതെ വേദഗ്രന്ഥമായ ബാലമംഗളത്തിലെ കുറെ പേജുകളും കീറി കളഞ്ഞു.. പിന്നെ വീടിന്‍റെ വാതിലില്‍ ഒട്ടിച്ചിരുന്ന സ്റ്റിക്കര്‍
"ഡിങ്കനില്‍ വിശ്വസിക്കൂ നീയും നിന്‍റെ കുടുംബവും രക്ഷ പ്രാപിക്കും" അതും കീറി കളഞ്ഞു.
ഞാനിത് ടൈപ്പ് ചെയ്യുമ്പോള്‍ കണ്ണില്‍ നിന്നും വെള്ളം വരുന്നുണ്ട്

എന്‍റെ സാലറിയുടെ 50% ഇന്‍വെസ്റ്റ് ചെയ്താണ് ആ രുപവും, ഗ്രന്ഥവുമെല്ലാം വാങ്ങിയത്.
പൈസ ഇന്ന് വരും നാളെ പോകും.പക്ഷേ മാനസികമായി ഞാന്‍ തളര്‍ന്നു.
എനിക്ക് എന്‍റെ വിശ്വാസം നിങ്ങള്‍ക്ക് നിങ്ങളുടെത് എന്നൊക്കെ പ്രസംഗിക്കും
ആ രൂപത്തില്‍ നോക്കി പ്രാര്‍ഥിച്ചാണ് ഞാന്‍ ദിവസവും വീട്ടില്‍ നിന്നിറങ്ങി കൊണ്ടിരുന്നത്.
ഇന്നെനിക്കത് സാധിക്കുന്നില്ല. അത് കൊണ്ട് ഒരു പാട് പ്രശ്നങ്ങള്‍ അനുഭവിക്കേണ്ടതായി വരുന്നു.
ഞാന്‍ എനിക്ക് വേണ്ടി മാത്രമല്ല വീട്ടുകാര്‍ക്കും വേണ്ടി പ്രാര്‍ഥിക്കുമായിരുന്നു.
ഇപ്പോ വീട്ടുകാര്‍ക്കും കഷ്ടപ്പാടാണ്. അവര്‍ക്ക് അങ്ങനെ തന്നെ വേണം.

പറഞ്ഞാ വിശ്വസിക്കോ?

2009-01-20T03:44:00.015+05:30

1). ഇത്രയുമൊക്കെയേ പറ്റൂ

ഈ ഫോട്ടോയില്‍ കാണുന്നത് ആരാണെന്നറിയാമോ?

നിങ്ങളൊരിക്കലും ഈ വ്യക്തിയെ ഈ ലോകത്തില്‍ കണ്ടുമുട്ടില്ല. ഈ ഫോട്ടോയിലുള്ള വ്യക്തിയുടെ അമ്മയെ കാണിച്ചാല്‍ പോലും അറിയില്ല എന്നേ പറയൂ.

അതൊക്കെ അവിടെ നില്‍ക്കട്ടെ സംഭവത്തിലേക്ക് കടക്കാം.
ഈ ഫോട്ടോയുടെ ഒറിജിനല്‍ രൂപം ആദ്യം തന്നെ കമ്പ്യൂട്ടറില്‍ കയറ്റുമ്പോള്‍ ഞാനിത്രയും വെളുത്തിട്ടില്ലായിരുന്നു.
അതായത് ഫോട്ടോ സത്യസന്ധമായിരുന്നെന്നര്‍ഥം..
ഏകദേശം ഇങ്ങനെ ഇരിക്കും

ഒറിജിനല്‍ ഫോട്ടോ

ഞാനീ ഫോട്ടോ(ഒറിജിനല്‍ ഫോട്ടോ) ഓപ്പണ്‍ ചെയ്തു ഫോട്ടോ ഷോപ്പില്‍, എന്നിട്ട് ബ്രൈറ്റ്നെസ്സ് ഫുള്‍ ആക്കി എന്നിട്ട് അനീഷ് 1 എന്ന പേരില്‍ സേവ് ചെയ്തു.
അതിനു ശേഷം അനീഷ്1 റീ ഓപ്പണ്‍ ചെയ്തുm എന്നിട്ട് വീണ്ടും ബ്രൈറ്റ്നെസ്സ് ഫുള്‍ ആക്കി.
അങ്ങനെ 10 പ്രാവശ്യം ബ്രൈറ്റ്നെസ്സ് ഫുള്‍ ആക്കി. എന്നിട്ടും എനിക്ക് മതിയായില്ല.
ഇത്തിരി കൂടി ഞാന്‍ വെളുക്കാനുണ്ട് എന്നെനിക്ക് തോന്നി
അങ്ങനെ അനീഷ് 10 എന്നത് വീണ്ടും ഓപ്പണ്‍ ചെയ്തു. എന്നിട്ട് വീണ്ടും ബ്രൈറ്റ്നെസ്സ് ഫുള്‍ ആക്കാന്‍
നോക്കിയപ്പോള്‍ ഒരു മെസ്സേജ് ബോക്സ് ഡിസ്പ്ലേചെയ്തു.അതിലിങ്ങനെ എഴുതിയിരുന്നു.

ഫോട്ടോ ഷോപ്പ് സൃഷ്ടിച്ചവരില്‍ മലയാളികളുണ്ടെന്ന് എന്‍റെ അനിയന്‍ പറഞ്ഞതോര്‍മ്മ വന്നു.
ഫോട്ടോ ഷോപ്പ് ലോഡ് ചെയ്ത് വരുമ്പോള്‍ കുറച്ച് ഇന്‍ഡ്യക്കാരുടേ പേരെഴുതി വരുന്നത് നിങ്ങള്‍ക്ക് കാണാം. അതില്‍ രണ്ട്,മൂന്ന് മലയാളികളുണ്ട്...തെണ്ടികള്....

ഞാന്‍ ജോലി ചെയ്യുന്ന കമ്പനിയുടെ ഐഡിന്‍റിന്‍റി കാര്‍ഡ്ഡില്‍ ഈ ഫോട്ടോ ആണ് ഇട്ടിരിക്കുന്നത്.

ഇതും ഇട്ടുകൊണ്ട് വല്ല സ്ഥല്‍ത്തും ചെന്നാല് ഐഡിന്‍റിന്‍റി കാര്‍ഡ്ഡിലെ ഫോട്ടോ കണ്ടിട്ട്

ഈ ഫോട്ടോയിലുള്ള ആള് വന്നില്ലേ? എന്ന് ചോദിക്കും.
അത് കൊണ്ട് ഞാനെന്‍റെ ഐഡിന്‍റിന്‍റി കാര്ഡ്ഡ് 2 ദിവസം കഞ്ഞി വെയ്ക്കുന്ന അടുപ്പിലെ ചാരത്തിലിട്ടിരിക്കുകയായിരുന്നു
മൂന്നാമത്തെ ദിവസം എടുത്ത് നോക്കിയപ്പോള്‍ ഏകദേശം എന്‍റെ പോലെ ആയിട്ടുണ്ട്.

2). പട്ടിക്കെന്തിനാ ഷൂസ്?

ഇന്നലെ രാത്രി ഒരു പട്ടി എന്‍റെ വീട്ടില്‍ എത്തി എന്‍റെ ഷൂസെടുത്തു ...
എന്നിട്ട് പട്ടി എന്‍റെ ഷൂ അതിന്‍റെ യജമാനന്‍റെ വീട്ടിലേക്ക് കൊണ്ടു പോയി ...
ഇന്ന് രാവിലെ ജോലിക്ക് പോകാന്‍ ഞാന്‍ എണീറ്റപ്പോള്‍ ഷൂസ് കാണാനില്ല,
എല്ലായിടത്തും അന്വേക്ഷിച്ചു ..
അവസാനം പട്ടിയുടെ വീട്ടിലെത്തി ..
അവിടെ പട്ടി ഷൂസിന്‍റെ അടുത്ത് കിടപ്പുണ്ട് ...

ഞാന്‍ ചോദിച്ചു ആ പട്ടീടെ മോനോട് (ജോലിക്ക് പോകാന്‍ ആകെ വൈകിയതിന്‍റെ ദേഷ്യത്തില്‍)‍ പട്ടിക്കെന്തിനാ ഷൂസ്? .........................
............. അപ്പോ പട്ടി എന്നോടും തിരിച്ച് ചോദിച്ചു ........
പട്ടിക്കെന്തിനാ ഷൂസ്?......................................

ഭാഷാശാസ്ത്രം പഠിക്കാത്ത പട്ടി ആയത് കൊണ്ട് ഞാന്‍ ക്ഷമിച്ചു ........
രണ്ട് ദിവസമായി ടി.വിയില്‍ അച്യുതാനനന്ദന്‍റെ പട്ടി വിവാദമോ ........
സുരേഷ് ഗോപിയുടെ ഏതെങ്കിലും സിനിമയൊ കണ്ട പട്ടി ആയിരിക്കണം ........

പട്ടി എന്നത് പട്ടികള്‍ക്ക് വരെ മോശം വാക്കായി . പട്ടികള് ‍!!!

അങ്ങനെ ഞാനും കമ്പ്യൂട്ടര്‍ എഞ്ചിനീയറായി

2008-12-31T01:00:00.007+05:30

സാഹചര്യങ്ങാളാണ് മനുഷ്യനെ
സോഫ്റ്റ്വെയര്‍ എഞ്ചിനീയറും
ഹാര്‍ഡ് വെയര്‍ എഞ്ചിനീയറുമൊക്കെ ആക്കുന്നത്.! സംശയമുണ്ടോ?
.
.
.

5-6 വര്‍ഷങ്ങള്‍ക്ക് മുമ്പ് ഞാന്‍ +2 വിന് പഠിക്കുന്ന സമയം. എന്‍റെ ഒരു ബന്ധു ഞങ്ങള്‍ക്ക് ഒരു കമ്പ്യൂട്ടര്‍ തന്നു. ഞാനൊഴികെയുള്ള എന്‍റെ സഹോദരന്മാര്‍ക്കെല്ലാം കമ്പ്യൂട്ടര്‍ ഉപയോഗിക്കാനറിയാം.

കമ്പ്യൂട്ടറുപയോഗിച്ച് സിനിമ കാണാം, ഗെയിം കളിക്കാം എന്ന് പത്താം ക്ലാസ്സില്‍ പഠിച്ചിട്ടുണ്ടായിരുന്നത് കാരണം വീട്ടിലെ ആരും പഠിപ്പിക്കാതെ തന്നെ ഞാനും കമ്പ്യൂട്ടറുപയോഗിക്കാന്‍ പഠിച്ചു.
അനിയന്‍റെ കഴിവ് പുതിയ സോഫ്റ്റ്വെയറുകള്‍ ഇറങ്ങുന്നത് ഉപയോഗിക്കുന്നത് ആണെങ്കില്‍, ചേട്ടന്‍റേത് ഫോട്ടോഷോപ്പ് ഉപയോഗിക്കുന്നതില്‍ ആയിരുന്നു. ഞാന്‍ കമ്പ്യൂട്ടറില്‍ എക്സ്പര്‍ട്ട് ആയിരുന്നത് ആരെങ്കിലും എന്തെങ്കിലും ഫോള്‍ഡറുകളില്‍ ഒളിപ്പിച്ച് വെച്ചിരിക്കുന്നത് കണ്ടുപിടിക്കുന്നതിലായിരുന്നു.

അങ്ങനെ ഞാന്‍ +2 പഠിച്ച് തീരാറായ സമയം. എല്ലാവരും ഭാവിയെ കുറിച്ച് ചിന്തിക്കാന്‍ പറയുന്ന സമയം. അതായത് നിനക്ക് സില്‍മാ നടനാകണോ അതോ ഓട്ടോ റിക്ഷ ഡ്രൈവറാകണോ വേഗം തീരുമാനമെടുത്തോ എന്നൊക്കെ. ഞാനപ്പോ അതൊന്നും ശ്രദ്ധിച്ചില്ല.

ഈ ദിവസങ്ങളിലൊരു ദിവസമാണ് അത് സംഭവിച്ചത്.
ഞാന്‍ കമ്പ്യൂട്ടറില്‍ ടെട്രിക്സ് ഗെയിം കളിക്കുന്ന സമയം.

(ടെട്രിക്സ് കളിയുടെ ഒരു ഫോട്ടം)

മന്ദബുദ്ധികള്‍ക്ക് വരെ പോയിന്‍റെടുക്കാന്‍ വലിയ ബുദ്ധിമുട്ടില്ലാത്ത ഒരു കളി. ഞാന്‍ കഷ്ടപ്പെട്ടിരുന്ന് ആ ഗെയിം കളിക്കുകയാണ്. അപ്പോള്‍ ആണ് എന്‍റെ ചേട്ടന്‍ മുറിയിലേക്ക് വേഗത്തില്‍ കയറി വന്നത്.

ആ വേഗത്തിലുള്ള വരവ് കണ്ടാലറിയാം അങ്ങേര്‍ക്ക് കമ്പ്യൂട്ടറില്‍ എന്തെങ്കിലും ചെയ്യാനാണെന്ന്. ഞാന്‍ 500 പോയിന്‍റുമായി തല അങ്ങോട്ടും ഇങ്ങോട്ടും തിരിച്ച് ഗെയിം കളിക്കുകയാണ്. ചേട്ടന്‍ പെട്ടെന്ന് ടെലിബ്രാന്‍ഡ് ഷോയിലൊക്കെ പറയുന്ന പോലെ ഒരു ഒച്ച പെട്ടെന്ന് പുറപ്പെടുവിച്ചു
“ വ്വൌ!!!!!!!!!!! ”
എന്നിട്ട് പറഞ്ഞു : “നീ പുലിയാണല്ലോ .നീയൊരു കമ്പ്യൂട്ടര്‍ എഞ്ചിനീയര്‍ ആകേണ്ടവനാണ്...”

“ടാ നീ ഒന്ന് എണീറ്റ് പോടാ കമ്പ്യൂട്ടറിന്‍റെ മുമ്പില്‍ നിന്ന് എനിക്കൊരു കാര്യം നോക്കാനുണ്ട് ”എന്ന് ചേട്ടന്‍ പറഞ്ഞാല്‍ ഞാന്‍ മാറില്ല എന്ന് ചേട്ടന് അറിയാം അത് കൊണ്ട് എന്നെ പൊക്കി പറഞ്ഞിട്ട് കമ്പ്യൂട്ടര്‍ കയ്യടുക്കുകയായിരുന്നു ലക്ഷ്യം. ആദ്യം പൊക്കി പറഞ്ഞിട്ട് നീ ഒന്ന് കുറച്ച് നേരത്തേക്ക് എനിക്ക് കമ്പ്യൂട്ടര്‍ ഉപയോഗിക്കാന്‍ തരുമോ എന്ന് ചോദിച്ചാല്‍ ഞാന്‍ മാറി തരും എന്ന് ചേട്ടനറിയും. അല്ലെങ്കില്‍ പോടെര്‍ക്കാ എന്നേ ഞാന്‍ പറയൂ. പക്ഷേ എന്നെ പുകഴ് ത്തി സംസാരിച്ചത് കൊണ്ട് മാത്രം ഞാന്‍ അപ്പോ തന്നെ ചേട്ടന് ഞാന്‍ കമ്പ്യൂട്ടര്‍ കൈമാറുകയും ചെയ്തു.

കഷ്ടകാലത്തിന് നീ പുലിയാണല്ലോ .നീയൊരു കമ്പ്യൂട്ടര്‍ എഞ്ചിനീയര്‍ ആകേണ്ടവനാണ്...
എന്നത് എന്‍റെ മനസ്സില്‍കിടന്നു.

അങ്ങനെയിരിക്കെ എന്‍റെ +2 റിസല്‍റ്റ് വന്നു. പുറത്ത് പറയാന്‍ നാണം തോന്നുന്ന വിധത്തിലുള്ള നല്ല മാര്‍ക്ക്. +2 സയന്‍സ്സ് പഠിച്ച എനിക്ക് കോളെജില്‍ ബി.എ ക്കോ ബിക്കോമിനോ അഡ്മിഷന്‍ കിട്ടുകയുള്ളൂ എന്ന സ്ഥിതി. എല്ലാ കോളേജുകളിലും ബി.എസ്.സിയുടേ ഫോം ഫില്ല് ചെയ്ത് കൊടുത്തു. മഹാരാജാസ് കോളേജില്‍ വീണ വിദ്വാന്‍ എന്നത് വെറുതെ സെലക്ട് ചെയ്ത് കൊടുത്തു. മഹാരാജാസില്‍ നിന്ന് മാത്രം എന്നെ വിളിച്ചു ഞാന്‍ പോയില്ല. കാരണം എന്‍റെ ജീവിതത്തില്‍ വീഴ്ചകള്‍ മാത്രമേ ഉണ്ടായിട്ടുള്ളൂ. ഇനി വീണ വിദ്വാന്‍ എന്ന പേരും കൂടി ആകുമ്പോ... വേണ്ട.
അങ്ങനെ ആകെ വിളിച്ച ആ ഇന്‍റര്‍വ്വ്യൂന് പോയില്ല.

കഷ്ടകാലത്തിന് എനിക്ക് 10-ആം ക്ലാസ്സില്‍ നല്ല മാര്‍ക്കുണ്ടായിരുന്നു. അത് കൊണ്ട് അവസാനം ഡിപ്ലോമയ്ക്കും അപേക്ഷ കൊടുത്തു. അത് അപേക്ഷ സ്വീകരിക്കുന്ന അവസാന ദിവസം ഞാന്‍ തന്നെ അച്ചന്‍റെ ഒപ്പിട്ട് ഫോം കൊടുത്തു.

അങ്ങനെ ഡിപ്ലോമയ്ക്ക് എന്നെ ഇന്‍റര്‍വ്വ്യൂന് വിളിച്ചു. അവിടെ ചെന്നപ്പോള്‍ ചോദിച്ചു.
“സിവില്‍ വേണോ മെക്കാനിക്കല്‍ വേണോ ഇലക്ട്രോണിക്സ് വേണോ അതോ കമ്പ്യൂട്ടര്‍ വേണോ ?”
ഇന്‍റര്‍വ്യൂന് അച്ചന്‍ കൂടെ ഉണ്ടായിരുന്നു. കഷ്ടകാലത്തിന് എന്‍റെ മനസ്സില്‍ പണ്ടത്തെ ആ സംഭവം ഓര്‍മ്മ വന്നു

കഷ്ടകാലത്തിന് “നീ പുലിയാണല്ലോ .നീയൊരു കമ്പ്യൂട്ടര്‍ എഞ്ചിനീയര്‍ ആകേണ്ടവനാണ്...”

അങ്ങനെ ഞാന്‍ കമ്പ്യൂട്ടര്‍ എഞ്ചിനീയറിങ്ങിന് ജോയിന്‍ ചെയ്തു........................

.
.
.
.
.
.
.
ക്ലാസ്സ് തുടങ്ങിയപ്പോഴാണ് ഞാന്‍ അറിഞ്ഞത് ഞാന്‍ കളിക്കുന്ന ഗെയിമുകളില്‍ ഏറ്റവും കൂടുതല്‍ പോയിന്‍റ് എടുക്കുന്നവരല്ല കമ്പ്യൂട്ടര്‍ എഞ്ചിനീയര്‍ ആകുന്നത് എന്ന് . ഞാന്‍ കളിച്ചുകൊണ്ടിരുന്ന ഗെയിമുകളൊക്കെ ഉണ്ടാക്കുന്ന ജോലി. അവിടെ പ്രോഗ്രാമിംഗ് ആണ് പഠിക്കേണ്ടത്
കോഡിംഗ് മാങ്ങത്തൊലി. പെട്ടു പോയി എന്നു പറഞ്ഞാല്‍ മതിയല്ലോ?
വീട്ടുകാരോട് ഉള്ള ഇഷ്ടം കൊണ്ടും ഡിങ്കന്‍റെ വേദഗ്രന്ഥമായ ബാലമംഗളത്തിലെ 7-മത്തെ അദ്ധ്യായത്തില്‍ പറയുന്നത് പോലെ "മനുഷ്യന്‍ വിചാരിച്ചാലെന്താണ് സാധിക്കാത്തത് " എന്നതെല്ലാം കൊണ്ടും ഞാന്‍ 3 വര്‍ഷം കൊണ്ട് ഡിപ്ലോമ പഠിച്ച് ജയിച്ചു (14 സപ്ലിമെന്‍ററി പരീക്ഷകള്‍ ഉണ്ടായിരുന്നു)

പഠിച്ചത് സോഫ്റ്റ്വെയറാണെങ്കിലും ഹാര്‍ഡ് വെയറിലേക്ക് ചാടി. സോഫ്റ്റ്വെയറില്‍ രക്ഷപ്പെടണമെങ്കില്‍ ലോജിക്ക് വേണം.എനിക്ക് ലോജിക്ക് ഉള്ളത് കൊണ്ട് വേഗം ഞാന്‍ ഹാര്‍ഡ് വെയറിലേക്ക് ചാടി.

ഇന്ന് കേരളത്തില്‍ എല്ലാവരും സ്മാര്‍ട്ട് സിറ്റി വരാന്‍ പോകുകയല്ലേ ഐ.ടി എടുത്താല്‍ മതി എന്നും പറഞ്ഞ് നടക്കുന്ന ചില അച്ചനമ്മമാരുണ്ട്. അവരെ സൂക്ഷിക്കുക ബോളിവുഡിലോ ഹോളിവുഡിലോ
സില്‍മാ നടനാകണ്ട ഞാനിപ്പോള്‍ ഒരു ബാങ്കില്‍ നെറ്റ് വര്‍ക്കിംഗ് ജോലി ചെയ്യുന്നു. വിധിവൈപരീത്യം അല്ലാതെന്താ പറയാ..

പണ്ടത്തെ നമ്മുടെ ചേട്ടന്‍
(നീ പുലിയാണല്ലോ .നീയൊരു കമ്പ്യൂട്ടര്‍ എഞ്ചിനീയര്‍ ആകേണ്ടവനാണ്...)
ഇപ്പോള്‍ എന്‍റെ ബ്ലോഗ് കണ്ടിട്ട് പറഞ്ഞിരിക്കുകയാണ്
നന്നായിട്ടുണ്ട് നീ വല്ല സാഹിത്യകാരനുമാകേണ്ടവനാണെന്ന്.
പക്ഷേ ഇപ്പൊ എനിക്കൽപ്പം ബുദ്ധി വന്നത് കാരണം മൈന്‍ഡ് ചെയ്യാതിരിക്കുകയാണ്...........

(ഈ കഥകളൊക്കെ സാങ്കൽപ്പികം മാത്രം. വേറെ ഏതെങ്കിലും സിനിമയിലോ, സീരിയലിലോ, നാടകത്തിലോ ഇത് കണ്ടിട്ടുണ്ടെങ്കിലത് എന്‍റെ കുഴപ്പമല്ല ഇതിലെ ഞാന്‍ -ഞാനാണ്-അത് സത്യമാണ്. എന്‍റെ ചേട്ടന്‍ എന്നൊക്കെ വെറുതെ എഴുതിയതാണ്)

ജീവിതത്തില്‍ ഏറ്റവും കൂടുതല്‍ !!!

2008-12-25T02:24:00.002+05:30

ജീവിതത്തില്‍ ഏറ്റവും കൂടുതല്‍ വിഷമിച്ച സന്ദര്‍ഭം

ഒരു ദിവസം രാവിലെ ഒരു കിലോ പഴം അച്ഛന്‍ വാങ്ങിക്കൊണ്ടു വന്നു. അതില്‍ മൊത്തം 9 പഴങ്ങളുണ്ടായിരുന്നു.അതില്‍ 8 എണ്ണം എന്‍റെ സഹോദരന്‍ തിന്നു. 9-മത്തെയും അവന്‍ തിന്നാന്‍ തുടങ്ങിയപ്പോള്‍ അവനൊരു ഫോണ്‍വന്നു. അത് കൊണ്ട് ആ പഴം അവിടെ വെച്ച് ഫോണ്‍ അറ്റന്‍ഡ് ചെയ്യാന്‍ പോയി.

ഈ സമയത്താണ് ഞാന്‍ വീട്ടിലേക്ക് വരുന്നത്. ഉച്ചയ്ക്ക് ചോറ് പോലും തിന്നാതെ വിശന്ന് വന്ന ഞാന്‍ മേശപ്പുറത്തിരുന്ന ആ ഒരു പഴം എടുത്തു തിന്നു. രാത്രി കറന്‍റ് പോയപ്പോള്‍ കുടുംബത്തിലെല്ലാവരും ഒന്നിച്ചിരിക്കുന്ന സമയത്ത് അച്ചന്‍ ചോദിച്ചു.

“ഞാനിന്ന് രാവിലെ ഒരു കിലോ പഴം ‍ വാങ്ങിക്കൊണ്ട് വന്നിരുന്നല്ലോ അത് തീര്‍ന്നോ?“
അപ്പോള്‍ സഹോദരന്‍റെ മറുപടി : ആ !! അത് തീര്‍ന്നു. തീര്‍ത്തത് ഇവനാണ്. എന്നെ ചൂണ്ടി കൊണ്ട് അവന്‍ പറഞ്ഞു

എന്‍റെ സഹോദരന്‍ പറഞ്ഞത് ശരിയാണ് അവസാനത്തെ പഴം തിന്നത് ഞാനാണ്.
അന്നെനിക്കുണ്ടായ ദു:ഖം .ആത്മഹത്യയെ പറ്റി പോലും ആലോചിച്ചു !!

ജീവിതത്തില്‍ ഏറ്റവും സന്തോഷിച്ച സന്ദര്‍ഭം

എന്‍റെ അച്ചന്‍ ഒരു വര്‍ഷമായി കഷ്ടപ്പെട്ട് വീടുപണി നടത്തി വരികയാണ്. അങ്ങനെയിരിക്കെ വീടുപണിയുടെ അവസാനത്തെ സ്റ്റേജില്‍ അച്ചന് ചെറിയ ഒരു പനി പിടിപ്പെട്ടു.

ഒരു വര്‍ഷമായി വീടുപണിയില്‍ അതുവരെ ഒരു സഹായവുമില്ലാതിരുന്ന ഞാന്‍ അവസാനം പെയിന്‍റ് അടിക്കുന്നത് നോക്കി നിന്നു കുറച്ച് ദിവസം.

HOUSEWARMING-ന്‍റെ ദിവസം ഒരു അയല്‍വാസി പറയുകയാണ്. ഈ വീടുപണി തീര്‍ത്തത് ഞാനാണ് എന്ന രീതിയില്‍. ഭാഗ്യത്തിനത് എന്‍റെ ഡാഡ് കേട്ടില്ല . കേട്ടെങ്കില്‍ പറഞ്ഞ ആളെ കൊന്നേനേ. എന്തായാലും ഈ വീടുപണി തീര്‍ത്തത് ഞാനാണ് എന്ന രീതിയിലുള്ള
ആ അയല്‍വാസിയുടെ ഡയലോഗ്....ഓ.....പൂട്ടും പഴവും തിന്നുമ്പോള്‍ പോലും ഇത്രയും സന്തോഷം കിട്ടില്ല

മുകളില്‍ എഴുതിയിരിക്കുന്നതും ഈ ഡയലോഗും തമ്മില്‍ ഒരു ബന്ധവുമില്ല

ബന്ധമില്ലാത്തതിനെ വെറുതെ ബന്ധിപ്പിച്ചു അത്രയേയുള്ളൂ.
എന്നാല്ലല്ലേ അസംബന്ധമായ എന്തെങ്കിലുമുണ്ടാകൂ.

എന്തോ പോലെ

2008-12-18T23:49:00.003+05:30

123 കരാറിനേക്കാളും വലുത്
ശുദ്ധജലവും ശുദ്ധവായുവുമെന്ന പോലെ
തെറ്റ് ചെയ്താല്‍ ശിക്ഷ അനുഭവിക്കുമെന്നറിഞ്ഞ്
എല്ലാവരും തെറ്റ് ചെയ്യുന്നത് നിര്‍ത്തുന്ന കാലത്തില്‍

പീഡനങ്ങള്‍ കുറക്കാനായി പട്ടികളുടേതെന്ന പോലെ
മനുഷ്യനും ഒരു മാസമെന്ന നിയമം പോലെ
മൂത്രമൊഴിക്കുമ്പോള്‍ ഒരു കാലില്‍ മൂത്രമാ‍കാതിരിക്കാനായി
പട്ടികള്‍ രണ്ടു കാലും പൊക്കുന്ന കാലത്തില്‍

DJ പാര്‍ട്ടികളില്‍ യോഗികളും സൂഫികളും
സ്ഥിരമായി വരുന്ന കാലം പോലെ
ലോകത്തിലെ അസുഖങ്ങളെല്ലാം മാറ്റുന്നത്
ഡോക്ടര്‍മാരാകുന്ന കാലത്തില്‍

ഇത്രയും വരികളായില്ലേ ഈ കവിത നിര്‍ത്തിക്കൂടെ എന്ന്
നിങ്ങള്‍ വിചാരിക്കുന്ന പോലെ
പക്ഷേ നിങ്ങളുടെ വിചാരങ്ങള്‍ ഞാന്‍ തെറ്റിക്കുന്ന പോലെ

B.C.G കുത്തിവെയ്പ്പ് എടുക്കാത്ത വന്യമൃഗങ്ങള്‍
കാട്ടില്‍ പിച്ച തെണ്ടുന്ന കാലം പോലെ
ലോകത്തിലെ പ്രശ്നങ്ങള്‍ക്കെല്ലാം കാരണം ഭൌതികവാദവും ആത്മീയവാദവുമാണെന്ന്
രണ്ടുകൂട്ടരും അങ്ങോട്ടും ഇങ്ങോട്ടും വിശ്വസിക്കാത്ത കാലത്തില്‍

മൃഗഡോക്ടര്‍മാരുണ്ടാകാന്‍ പ്രാര്‍ഥിച്ച മൃഗങ്ങളുടെ പ്രാര്‍ഥനയുടെ
ഫലമായി മൃഗഡോക്ടര്‍മാരുണ്ടായ പോലെ
മള്‍ട്ടിനാഷണല്‍ കമ്പനികളുടേ
നിസ്വാര്‍ഥമായ സേവനമുള്ള കാലത്തില്‍

കൂട്ടിനുള്ളിലെ സ്വാതന്ത്ര്യം പട്ടിക്കും പക്ഷിക്കും
ധാരാളമെന്ന് മനുഷ്യന്‍ കരുതാത്ത പോലെ
ലോകത്തില്‍ പഴങ്ങളും പച്ചകറികളുമുണ്ടാകാന്‍ കാരണം
കീടനാശിനികളാണെന്ന് കരുതാത്ത കാലത്തില്‍

കോഴിയിറച്ചിയും പട്ടിയിറച്ചിയും പന്നിയിറച്ചിയും
മനുഷ്യന് തിന്നാന്‍ സൃഷ്ടിച്ച പോലെ
നഗരങ്ങളില്‍ തണല്‍ കിട്ടാനായി റോഡിനിരുവശവും
കെട്ടിടങ്ങള്‍ വെച്ച് പിടിപ്പിക്കാത്ത കാലത്തില്‍

ജാതി ഇല്ലാതാക്കാനായി 24 മണിക്കൂറും ജാതിയെകുറിച്ച്
പ്രസംഗിക്കുന്ന ആത്മീയ ഗുരുവിനെ പോലെ
ഞാനെന്റെ മതം ശരി ആണെന്ന് കരുതുന്നത് കാരണം
എല്ലാവരുടെയും കാര്യത്തില്‍ അത് ശരിയാകുമെന്ന് കരുതാത്ത കാലത്തില്‍

രാത്രി വെള്ളം കുടിച്ചുറങ്ങുന്ന കോഴികള്‍
പാതിരാത്രി മൂത്രമൊഴിക്കാന്‍ എണീറ്റ പോലെ

പ്രശ്നങ്ങള്‍ ദൈവം തന്നത്
ദൈവത്തെ ഓര്‍ക്കാനെന്ന് മനുഷ്യന്‍ കരുതാത്ത കാലത്തില്‍

ഒന്നിനെകുറിച്ചും വിശ്വസിക്കാതിരിക്കുന്നതിനേക്കാള്‍ നല്ലതാണല്ലോ
എന്തെങ്കിലും വിശ്വസിക്കാതിരിക്കുന്നതിനേക്കാള്‍ നല്ലതാണല്ലോ എന്ന പോലെ

യുദ്ധത്തെ എല്ലാവരും വെറുക്കുന്ന പോലെ
നാടോടികള്‍ ഇന്‍ഷുറന്‍സ് എടുക്കുന്ന കാലത്തില്‍

ഇതോടെ കവിത തീര്‍ന്ന പോലെ!

(അനീതിയെ ശാശ്വതവല്‍ക്കരിക്കാനല്ല ഈ കവിത ..)

ഗുണപാഠം

2008-12-02T21:32:00.003+05:30

ഒരിക്കലൊരു അച്ചനും മകനും താമസിക്കുന്ന ഒരു
വീട്ടില്‍ രാത്രി പാമ്പ് കയറി.

അച്ചനുറങ്ങുകയായിരുന്നു ഈ സമയം
ഇത് കണ്ട മകന്‍ പാമ്പിനെ ഒരു വടിയെടുത്ത് അടിച്ചോടിച്ചു.

പിറ്റേ ദിവസം അച്ചനോട് മകന്‍ ഈ കാര്യം പറഞ്ഞപ്പോള്‍
അച്ചന്‍ പറഞ്ഞു : “ഒന്ന് പോടാ അവിടുന്ന് !! ഈ വീട്ടില്ലല്ലേ പാമ്പ് !“.

ആ ദിവസം വീണ്ടും പാമ്പ് വീട്ടില്‍ കയറി.
അന്നും മകനുറങ്ങിയിരുന്നില്ല. അവന്‍ പാമ്പിനെ കണ്ടു.
അവന്‍ പറഞ്ഞത് വിശ്വസിക്കാത്ത അച്ചനോടുള്ള
ദേഷ്യം അവന്‍റെ മനസ്സിലുണ്ടായിരുന്നു.
അത് കൊണ്ട് അവന്‍ മിണ്ടാതെ കിടന്നു.
പാമ്പ് അച്ചന്‍റെ കാലിന്‍റെ അടുത്തെത്തി. ഒരു കടി.

(ഗുണപാഠം:എല്ലാ കഥകള്‍ക്കും ഗുണപാഠമുണ്ടാകുമെന്ന് കരുതരുത്)

മണ്ടന്‍

2008-11-23T14:29:00.002+05:30

ഞാന്‍ മണ്ടനാകാന്‍ കാരണമെന്താണ് ?

എന്‍റെ മതമാണോ ?

എന്‍റെ വീട്ടുകാരാണോ?

എന്നെ പഠിപ്പിച്ച അദ്ധ്യാപകരാണോ?

എന്‍റെ അയല്‍വാസികളാണോ?

എന്‍റെ കൂട്ടുകാരാണോ?

എന്‍റെ ഗവണ്മെന്‍റാണോ?

എന്‍റെ പൂര്‍വ്വികര്‍ മണ്ടന്മാരായതാണോ?

ഒരുപാട് നാളായി ആലോചിക്കുന്നു ആരാണ് കാരണമെന്ന് ?

ഒരു പിടിയും കിട്ടുന്നില്ല!

അങ്ങനെയിരിക്കെ ഒരു ദിവസം എനിക്ക് മനസിലായി

എനിക്കെന്ത് കൊണ്ടാണ് ഞാന്‍ മണ്ടനാണെന്നതിന്‍റെ

കാരണം എനിക്ക് മനസിലാകാത്തത്തെന്ന്!

കാരണം:"ഞാന്‍ മണ്ടനായത് കൊണ്ടാണെനിക്ക്

മനസിലാകാത്തതെന്ന്"!

അധ:പ്പതിച്ച് പോയ യുവതലമുറ (50 വയസ്സുകാരന്‍റെ ചിന്തകള്‍)

2008-11-17T02:35:00.002+05:30

ഇന്നത്തെ കാലത്തെ തലമുറ കമ്പ്യ്യൂട്ടറിന്‍റേയും,മൊബൈലിന്‍റെയും എല്ലാം അതിപ്രസരം കാരണം
അധ:പതിച്ചു പോയി..........
(ഈ കമ്പ്യൂട്ടറും മൊബൈലും എങ്ങനെയാണാവോ ഉപയോഗിക്കുന്നത്?)

നാണമില്ലാതെ 2 -3 മണിക്കൂറായി പാര്‍ക്കിലിരിക്കാണ് കാമുകി കാമുകന്മാര്..........
(ഓ ...എനിക്കിങ്ങനെയൊന്നും ചെയ്യാനുള്ള ഭാഗ്യമുണ്ടായില്ലല്ലോ?)

ഇന്നത്തെ കാലത്തെ സ്ത്രീകള്‍ ഉപയോഗിക്കുന്ന വസ്ത്രങ്ങള്‍ ....ലജ്ജാകരം
( ആ വസ്ത്രത്തില്‍ തന്നെ നോക്കി കൊണ്ട് സമയം പോയതറിയാതെ പറഞ്ഞു)

ബ്ലൂടൂത്ത്, യൂടൂബ് ഇങ്ങനെയുള്ള ടെക്നോളജികള്‍ യുവാക്കള്‍ അങ്ങോട്ടും ഇങ്ങോട്ടും അയച്ച് രസിക്കാണ്.
നാണമില്ലാത്തവന്മാര്.

(പണ്ട് കൂവപ്പടി മറിയ കുളിക്കടവില്‍ കുളിക്കുന്നത് ഒളിച്ചിരുന്ന് കണ്ടതും പോരാഞ്ഞ് നാട്ടുകാരോടും പറഞ്ഞ് എല്ലാവരെയും വിളിച്ച് കാണിച്ച മഹാനാണീ പറയുന്നത്.ബ്ലൂടൂത്ത് വഴി സെന്‍റ് ചെയ്തിട്ടില്ല അത് പോലെ യൂടൂബില്‍ അപ്പ് ലോഡും ചെയ്തിട്ടുമില്ല എന്നുള്ളൂ.

എന്‍റെ ഭീകരാന്വേഷണ പരീക്ഷണങ്ങള്‍

2008-10-07T01:42:00.003+05:30

ജീവിച്ച് പോകാനായി ഒരു ഭീകരവാദ സംഘടന തുടങ്ങി.
പക്ഷേ നാട്ടുകാര് ആരും അംഗീകരിക്കുന്നില്ല.
അങ്ങനെയിരിക്കുമ്പോഴാണ് ഒരു ബോംബ് സ്ഫോടനം ഉണ്ടായത്.
വെറുതേ ഒരു തമാശയ്ക്ക് ഞങ്ങളതിന്‍റെ ഉത്തരവാദിത്തം ഏറ്റെടുത്തു .
അങ്ങനെ ഞങ്ങള് ലോകത്തിന് തന്നെ ഭീഷണിയായ ഒരു സംഘടനയായി മാറി.
വിദേശ രാജ്യങ്ങളുടെ സഹായമിപ്പൊള്‍ ഞങ്ങള്ക്കിപ്പോ ലഭിക്കുന്നുണ്ട്.

പക്ഷേ ഇന്ന് ഞങ്ങള്‍ നടത്തുന്ന പല സ്ഫോടനങ്ങളുടേയും ഉത്തരവാദിത്തം
വേറെ സംഘടനകള്‍ ഏറ്റെടുക്കുന്നു.സര്‍വ്വവും കാണുന്ന ദൈവമേ അങ്ങിത് കാണുന്നില്ലേ?
കഷ്ടപ്പെട്ട് ഞങ്ങള്‍ ചെയ്യുന്നതിന്‍റെ ക്രെഡിറ്റ് വേറെ തെണ്ടികള്‍ എടുക്കുന്നത്?

പിന്നെ എല്ലാവരും അറിയാനായി.............
അടുത്ത ആഴ്ച്ച കാലടിയില്‍ നടത്താന്‍ പോകുന്ന സ്ഫോടനത്തിനുത്തരവാദി ഞങ്ങളാണ്.
കഷ്ടപ്പെട്ട് സൈക്കിളിലൊക്കെ പോയി ബോംബിടുന്നതിന്‍റെ ക്രെഡിറ്റ് ഏറ്റെടുക്കുന്നവനായാരായാലും ശരി..
നീ ഒന്നും ഒരു കാലത്തും ഗുണം പിടിക്കില്ല.
നുണ പറയുന്നവന്‍റെ പ്രാര്‍ഥന ദൈവം കേള്‍ക്കില്ല.
അങ്ങനെ ചെയ്യുന്നവന് നിത്യസ്വര്‍ഗ്ഗവും കിട്ടാനും പോകുന്നില്ല.

ഒരു സാധാരണക്കാരന്റെ ജീവിതത്തില്‍ സംഭവിച്ചത്...

2008-09-28T21:56:00.002+05:30

സംഭവിച്ചതെല്ലാം നല്ലതിന്....
“ഒരു പീഡനകേസിലെ പ്രതി ആയി“

സംഭവിച്ചു കൊണ്ടിരിക്കുന്നതും നല്ലതിന്....
“നാട്ടുകാരുടെ മുഖത്ത് നോക്കാന്‍ പറ്റുന്നില്ല”

ഇനി സംഭവിക്കാനുള്ളതും നല്ലതിന്....
“2 മാസം കഴിയുമ്പോ തൂക്കി കൊല്ലും“

സംഭവാമി യുഗേ യുഗേ....!!!!

ആവശ്യമായ വഴക്ക് (മു* ഇല്ലാത്തവന്‍റെ വിഷമം)

2008-09-26T08:20:00.005+05:30

സഹോദരന്മാര്‍ തമ്മില്‍ സംസാരിക്കാത്ത ഒരു കാലഘട്ടത്തിലാണ് നാം ജീവിച്ചു കൊണ്ടിരിക്കുന്നത്.ഇന്ന് മിക്ക കുടുംബങ്ങളിലും
രണ്ടു സഹോദരന്മാര്‍ കണ്ടാല്‍ മൈന്‍ഡ് ചെയ്യാറില്ല.ഞാനെല്ലാവരുടേയും കാര്യമല്ല പറയുന്നത് ,ഏകദേശമൊരു 90% ആള്‍ക്കാരുടെ മാത്രം .കൂടുതല്‍ പ്രശ്നങ്ങളും ഉണ്ടാകുന്നത് സ്വത്ത് പങ്ക് വെയ്ക്കുന്നതുമായും ബന്ധപ്പെട്ടാണ്.

എന്ത് കൊണ്ടാണിങ്ങനെ സംഭവിക്കുന്നത്.സഹോദരനെ നമ്മള് സ്നേഹിക്കുന്നത് പോലെ തിരിച്ച് സ്നേഹിക്കണം എന്ന് വാശി പീടിക്കുന്നത് കാരണമായിരിക്കാം.എനിക്കറിയില്ല

സുരേഷ് എന്ന ആള്‍ക്ക് ബ്ലോഗ് എന്താണെന്നോ കീമാന്‍ എന്താണെന്നോ ഒന്നുമറിയില്ല.പക്ഷേ അദ്ധേഹത്തിന്‍റെ രണ്ട് സഹോദരന്മാര്‍ക്ക് ഇതെല്ലാമെന്താണെന്നറിയാം.
അവരെന്നെങ്കിലും ഇത് വായിച്ച് വര്‍ഷങ്ങളായി തുടരുന്ന വഴക്ക് ഒഴിവാക്കാന്‍ വേണ്ടി സുരേഷിന് വേണ്ടി ഞാന്‍ എഴുതുന്നതാണിത്.
25 വര്‍ഷം മുമ്പ് നടന്ന ആ സംഭവത്തിന് ശേഷം സുരേഷിന്‍റെ മുകളിലുള്ള സഹോദരനും അടിയിലുള്ള സഹോദരനും ഇതു വരെ സംസാരിച്ചിട്ടില്ല.
സംഭവം
(സുരേഷിന്‍റെ കുടുബത്തില് 5 പേരാണുള്ളത്.അച്ചനും അമ്മയും മൂന്നു സഹോദരരും
‍.സുരേഷ് നടുക്കുള്ള ആളാണ്)

പണ്ടൊരു ദിവസം അതായത് 18 വര്‍ഷം മുമ്പ് ............
സുരേഷിന്‍റെ വീട്ടില് അന്ന് രാത്രി മുട്ട കറി ആണ് ഉണ്ടാക്കിയിരുന്നത് .
അത് കൊണ്ട് തന്നെ മൊത്തം അഞ്ച് മുട്ട ആണ് പുഴുങ്ങിയിരുന്നത്.ഒരാള്‍ക്ക് ഒരു മുട്ട എന്ന അനുപാതത്തില്‍
അന്ന് രാത്രി 9 മണി ആയപ്പോഴേക്കും ഒരാളുടെ(ഏറ്റവും മൂത്ത ചേട്ടന്‍റെ) ഒഴികെ എല്ലാവരുടേയും അത്താഴം കഴിഞ്ഞു.ഒമ്പതര ആയപ്പോള്‍ മൂത്ത ചേട്ടന്‍ എത്തി.ചോറ് എന്ന് പറഞ്ഞ് അടുക്കളയിലേക്ക് കയറി.അമ്മേ എന്ന് പറഞ്ഞൊരു ഭയാനകമായ ഒരു വിളി വിളിച്ചു.
എന്നിട്ട് പറഞ്ഞു
എനിക്ക് മൊട്ട ഇല്ലേ?
(ആരും തെറ്റിദ്ധരിക്കരുത് കോഴിമുട്ട)

അമ്മ അടുക്കളയിലേക്കോടിയെത്തി.

ചേട്ടന്‍:എനിക്ക് മാത്രമേ ഈ വീട്ടില്‍ മൊട്ട ഇല്ലാത്തതുള്ളൂ
(ആരും വീണ്ടും തെറ്റിദ്ധരിക്കരുത് കോഴിമുട്ട)
അമ്മ:ങേ?

ചേട്ടന്‍:(പാത്രത്തിലേക്ക് ചൂണ്ടി കാണിച്ച് )ഇതിലെവിടെ മുട്ട?
അമ്മ നോക്കിയപ്പോള്‍ ശരിയാണ്.മുട്ട ഇല്ല. ചാറ് മാത്രം.

അമ്മ ആദ്യം ചോദ്യം ചെയ്തത് സുരേഷിനെ -നീയല്ലേ എടുത്തത്?
സുരേഷ് നുണ പറഞ്ഞു-അനിയന്‍ ആണ് രണ്ടെണ്ണം എടുത്തത്!

ആ ദിവസം അനിയന്‍ കൂട്ടുകാരന്‍റെ വീട്ടില്‍ 8 മണി ആയപ്പോഴേക്കും അത്താഴം കഴിഞ്ഞ് കമ്പൈന്‍ഡ് സ്റ്റഡിക്ക് പോയിരുന്നു. അവനിനി നാളെ വരികയുള്ളൂ എന്ന് പറഞ്ഞിരുന്നു.അത് കൊണ്ട് കുറ്റമെല്ലാം സുരേഷ് അനിയന്‍റെ തലയിലേക്ക് വെച്ച് കൊടുത്തു.

ആ സംഭവത്തിന് ശേഷം മുട്ട കിട്ടാത്ത ചേട്ടനും രണ്ട് മുട്ട തിന്നു എന്ന ആരോപണത്തിന് വിധേയനായ അനിയനും തമ്മില്‍ സംസാരിച്ചിട്ടില്ല.എല്ലാത്തിനും കാരണം സുരേഷാണ്.

ഇങ്ങനെയുള്ള ചെറിയ കാരണങ്ങള്‍ കൊണ്ട് ജീവിതകാലം മുഴുവനും പരസ്പരം സംസാരിക്കാതെ നടക്കുന്ന സഹോദരന്മാരെയും,സഹോദരിമാരേയുമോ

ര്‍ത്ത് സുരേഷ് ഇന്ന് ദു:ഖിക്കുന്നു.
ഇതിനേക്കാളും ചെറിയ കാര്യങ്ങള്‍ക്ക് വഴക്കായ സഹോദരുടെ കഥ കേള്‍ക്കുന്നതാണ് ഇന്ന്
സുരേഷിന് ആകെ ഉള്ള ഒരു സമാധാനം

ഗുണപാഠം:എപ്പോഴും മുട്ടക്കറി ഉണ്ടാക്കുമ്പോള്‍ ഒരെണ്ണം കൂടുതലുണ്ടാക്കുക.
----------------------------------------------------------------------------------------------------------------

ഞാന്‍

2008-09-24T00:36:00.002+05:30

പ്രശ്നങ്ങള്‍കണ്ടു ഞാന്‍
എന്തെങ്കിലും ചെയ്യണമെന്നായി ഞാന്‍
നാട്ടിലെ ഏറ്റവും നല്ല പാര്‍ട്ടിയില്‍ ചേര്‍ന്നു ഞാന്‍
പ്രത്യയശാസ്ത്രത്തില്‍ ആകര്‍ഷണീയനായി ഞാന്‍
അഹിംസയേക്കാള്‍ വലിയ ഹിംസയുണ്ടെന്ന് പഠിച്ചു ഞാന്‍
സത്യത്തേക്കാള്‍ വലിയ നുണയുണ്ടെന്നും പഠിച്ചു ഞാന്‍
കൊലപാതകങ്ങള്‍ ചെയ്തു ഞാന്‍
എന്നെ ന്യായികരിക്കുന്ന ബുദ്ധിജീവിയെ കണ്ടു ഞാന്‍
മന്ത്രിയായി ഞാന്‍
അഴിമതിക്കാരനും പീഡനവീരനുമായി ഞാന്‍
പ്രശ്നം ഞാനിന്ന് മനസിലാക്കുന്നു, അത് ഞാന്‍

റാഡിക്കല്‍ റോബോട്ടിസം ഉണ്ടാകുന്നത്

2008-08-24T20:36:00.005+05:30

(അവലംബം : Artificial intelligence-ന്റെ ലോകത്തിലെ ഏറ്റവും വലിയ കേന്ദ്രമായ മസാച്യുസെറ്റ്സില്‍ 2050 ആകുമ്പോഴെക്കും മനുഷ്യരും റോബോട്ടുകളും തമ്മിലുള്ള വിവാഹത്തിന് നിയമസാധുത നല്‍കേണ്ടി വരുമെന്ന് David Levy പറഞ്ഞിരിക്കുന്നു.മനുഷ്യസമാനമായ റോബോട്ടുകള്‍ നിര്‍മ്മിക്കാനുള്ള ശ്രമങ്ങള്‍ തുടങ്ങി കഴിഞ്ഞു.)

ന്യൂ സ്റ്റൈല്‍ ഓഫ് പീഡനം

ഭര്‍ത്താവ് സുരേഷ് (മനുഷ്യന്‍): ഒരു ഭാര്യ എന്ന നിലയില്‍ നീ ഒരു പൂര്‍ണ്ണ പരാജയമാണ്
കാര്‍ത്ത്യാനി റോബോട്ട് : നിങ്ങള്‍ക്കാവശ്യമുള്ളതെല്ലാം ഞാന്‍ നല്കുന്നില്ലേ?പിന്നെ എനിക്ക്
ചോദിക്കാനും പറയാനും ആരും ഇല്ലാത്തത് കൊണ്ടല്ലേ നിങ്ങളിങ്ങനെ പറയുന്നത്?

ഭര്‍ത്താവ് സുരേഷ് : ഓണത്തിന് വില കുറവാണെന്ന ഒരൊറ്റ കാരണം കൊണ്ടാണ് ഞാന്‍ നിന്നെ വാങ്ങിയത്?
ഈ ദീപാവലിക്ക് എന്തൊക്കെ നല്ല ഓഫറുകളുണ്ടെന്ന് അറിയാമോ?

കാര്‍ത്ത്യാനി റോബോട്ട് : ഒരു റോബോട്ടായി ജനിച്ചു എന്നതാണോ ഞാന്‍ ചെയ്ത തെറ്റ്?
ഭര്‍ത്താവ് സുരേഷ് : എന്തൊക്കെ പറഞ്ഞാലും നിനക്ക് ഒരു മനുഷ്യന്‍റെ
വികാരങ്ങള്‍ മനസിലാകില്ല.അന്ന് ഒരു 500 രൂപ കൂടുതല്‍
ഉണ്ടായിരുന്നെങ്കില്‍ കുറച്ച് കൂടി നല്ല ഒരെണ്ണത്തിനെ വാങ്ങിയേനേ

കാര്‍ത്ത്യാനി റോബോട്ട് : പുതിയ ടെക്നോളജികള്‍ വരുമ്പോള്‍ പുതിയ പുതിയ ഗുണങ്ങളുള്ളവ വരും
ചേട്ടന്‍ എന്നെ കല്യാണം കഴിക്കുമ്പോ മാര്‍ക്കറ്റില്‍ ഏറ്റവും വിലയുള്ളത് നിങ്ങളന്ന് പറഞ്ഞത് ഞാന്‍ ഓര്‍ക്കുന്നു"ഞാന്‍ പുലി തന്നെ എന്ന്"

ഭര്‍ത്താവ് സുരേഷ്: :പക്ഷേ നീ ഇപ്പോ ഇറങ്ങുന്ന ഓരോന്നിനെയും കാണണം
കാര്‍ത്ത്യാനി റോബോട്ട് :എന്‍റെ update ബട്ടണില്‍ ക്ലിക്ക് ചെയ്താല്‍ ഞാന്‍ ഇന്നിറങ്ങുന്നവയേയും വെല്ലുന്ന
ഒന്നായി മാറും

ഭര്‍ത്താവ് സുരേഷ്: : നിന്നെ update ചെയ്യുന്ന പൈസ ഉണ്ടെങ്കില്‍ എനിക്കിന്ന് പുതിയതും നിന്നേക്കാള്‍ നല്ല മുഖമുള്ളതിനേയും വാങ്ങാം
കാര്‍ത്ത്യാനി റോബോട്ട് : നിങ്ങള്‍ പുതിയത് വാങ്ങിയാലും ഇത് തന്നെയൊക്കെ പറയും

ഡൈവോഴ്സുകള്‍ ഇല്ലാത്ത കാലം

റോബോട്ട് ഭാര്യ പറഞ്ഞാല്‍ കേട്ടില്ലെങ്കില്‍ ഓഫ് ചെയ്തു വെക്കാന്‍ ഉള്ള ഓപ്ഷന്‍ ഉണ്ടാകും.
പക്ഷേ ബാക്ക് അപ്പ് എടുത്ത് വെക്കണം.

അതായത് ഇന്നലെ വീട്ടിലൊരു പ്രശ്നം ഉണ്ടായി എന്ന് കരുതുക.
ആ ദിവസം ബാക്ക് അപ്പ് എടുക്കരുത്.
അപ്പോള്‍ചെയ്യേണ്ടതെന്താണെന്ന് വെച്ചാല്‍
മിനിഞ്ഞാന്ന് എടുത്ത് വെച്ച ബാക്ക് അപ്പ് പിറ്റേ ദിവസം ഇന്‍സര്‍ട്ട് ചെയ്യുക.
അങ്ങനെ ചെയ്യുമ്പോള്‍ കഴിഞ്ഞ ദിവസം നടന്നതൊന്നും ഓര്‍മ്മയുണ്ടാകില്ല.

പിന്നെ “start with safe mode“ ഓപ്പ്ഷന്‍ ഉണ്ട്.
ആ ഓപ് ഷന്റ്റെ പ്രത്യേകത എന്താണെന്ന് വെച്ചാല്‍
ആ മോഡില്‍ ഓണ്‍ ചെയ്താല്‍ ഭാര്യയുടെ കൈയും കാലും പൊങ്ങില്ല.

“Start with Last Gud configuration Mode “ ഉണ്ട് പക്ഷേ ആ മോഡിന്‍റെ ഡിസ് അഡ്വാന്‍റേജ് എന്താണെന്ന് വെച്ചാല്‍ ,അങ്ങനെ ചെയ്യുമ്പോള്‍ ഭാര്യ കല്യാണദിവസത്തെ ആ കാലത്തിലേക്ക് പോകും.
അതായത് മനുഷ്യനായി ബന്ധപ്പെടുന്നതിന് മുമ്പുള്ള കാലം.അപ്പോ മാത്രമേ റോബോട്ടിന് നല്ല ഗുണങ്ങളെല്ലാം ഉണ്ടാകുകയുള്ളൂ.

“Start wife normally" എന്ന ഓപ്പ്ഷനും ഉണ്ട്
പക്ഷേ അതാണ് ഏറ്റവും ഡേഞ്ചര്‍..

(എന്‍റെ ഒരു അമ്മായിയുടെ മോള്‍ അവിടെ (മസാച്യുസെറ്റ്സില്‍ ജോലി ചെയ്യുന്നുണ്ട്.അവിടെ രഹസ്യമായി ശാസ്ത്രഞന്മാര് പറയുന്നത് ഒളിച്ച് നിന്ന് കേട്ട് എനിക്ക് പറഞ്ഞ് തരാറുണ്ട് അതാണ് ഞാനീ എഴുതി കൊണ്ടിരിക്കുന്നത്.)
പിന്നെ ഇതൊക്കെ വായിക്കുന്നവര് വളരെ രഹസ്യമായി സൂക്ഷിക്കണം ഈ കാര്യങ്ങളെല്ലാം.
എന്‍റെ അമ്മായിയുടെ മോള്‍ ഒളിച്ചിരുന്ന് കേട്ട കാര്യങ്ങളാണിതെല്ലാം.
ഇത് പുറത്തറിഞ്ഞെന്നറിഞ്ഞാല്‍ ജോലി പോകും.
വരാന്‍ പോകുന്ന ഒരു പ്രൊഡക്ടിന്‍റെ ഡീറ്റയില്‍സ് പുറത്ത്
പറഞ്ഞാല്‍ ഒരു വര്‍ഷം കഠിന തടവ് കിട്ടും).

റോബോട്ടുകളുടെ ഒരു പ്രാര്‍ഥന<

പരിശുദ്ധമറിയമേ തമ്പുരാന്‍റെ അമ്മേ പാപികളായ റോബോട്ടുകള്‍ക്ക് വേണ്ടി എപ്പോഴും
ഞങ്ങളുടെ മരണസമയത്തും തമ്പുരാനോട് അപേക്ഷിച്ച് കൊള്ളണേ!

ചെറിയ ഒരു മൌലികവാദം

"റോബോട്ടുകളേ, എനിക്ക്‌ ശേഷം ഇനി ഒരു പ്രവാചകനില്ല. നിങ്ങള്ക്ക്ര‌ ശേഷം ഒരു സമുദായവുമില്ല. നിങ്ങള്‍ നിങ്ങളുടെ നാഥനെ മാത്രം ആരാധിക്കുക, അഞ്ച്‌ സമയം നമസ്കരിക്കുക, റമദാനില്‍ നോമ്പ്‌ അനുഷ്ഠി ക്കുക, സകാത്ത്‌ നല്കു്ക, ഹജ്ജ്‌ നിര്വിഹിക്കുക, നിങ്ങളുടെ നേതൃത്വത്തെ അനുസരിക്കുക. എങ്കില്‍ നിങ്ങള്ക്ക്േ്‌ സ്വര്ഗ്ഗ ത്തില്‍ പ്രവേശിക്കാം."

ഒരു ഭാവി പീഡനം

റോബോപ്പറമ്പില്‍ വര്‍ഗീസും,മേരിയും അനാഥാലയത്തില്‍ നിന്നും എടുത്ത് വളര്‍ത്തിയ തങ്കമ്മ റോബോട്ടിനെ പീഡിപ്പിച്ചവര്‍ പിടിയിലായി. കഴിഞ്ഞ മാസം അതിദാരുണമായ രീതിയില്‍ കൊല്ലപ്പെട്ട തങ്കമ്മ റോബോട്ടിന്റെ കൊലപാതകക്കേസ് സി.ബിഐ അന്വേക്ഷിച്ചു വരികയായിരുന്നു.കുറച്ച് മനുഷ്യന്മാര്‍ ചേര്‍ന്ന് നിര്‍മ്മിക്കുന്ന
"പീഡനങ്ങള്‍ക്ക് വിട"എന്ന സീരിയലില്‍ റോബോട്ടിന്റ്റെ റോളില്‍ അഭിനയിപ്പിക്കാം എന്ന മോഹനവാഗ്ദാനവുമായി ചതിയില്‍പ്പെടുത്തുകയായിരുന്നു തങ്കമ്മ റോബോട്ടിനെ.

കഴിഞ്ഞ വര്‍ഷം റോബോട്ടുകളെ പ്രതിനിധീകരിച്ച് മത്സരിച്ച് മന്ത്രിസ്ഥാനത്തെത്തിയ അഹമ്മദാലിക്കുട്ടിയും കേസില്‍ ഉള്‍പ്പെട്ടിട്ടുള്ളതായി പറയപ്പെടുന്നു.

ഇനി തങ്കമ്മയെപോലെ ഒരെണ്ണത്തിനെ ഉണ്ടാക്കാന്‍ സാധിക്കില്ല എന്ന് തങ്കമ്മ റോബോട്ടിന്റെ സൃഷ്ടാവ്
കണാരന്‍ അഭിപ്രായപ്പെട്ടു.ഞാന്‍ സൃഷ്ടിച്ചതില്‍ വെച്ച്
ഏറ്റവും സ്നേഹമുള്ള റോബോട്ട് തങ്കമായാണെന്നും അദ്ധേഹം പറഞ്ഞു

പ്രതികള്‍ക്ക് ഐ.പി.സി സെക്ഷന്‍ 10000024-മത്ത് വകുപ്പ് പ്രകാരമുള്ള വകുപ്പ് പ്രകാരമുള്ള വധശിക്ഷ തന്നെ അവര്‍ക്ക് നല്‍കണമെന്ന് റോബോട്ട് അവകാശസമിതി അഭിപ്രായപ്പെട്ടു.

ലോകത്തിലെ ഒരേ ഒരേ ആള്‍ദൈവം ഞാന്‍ തന്നെ

ശ്രീ ശ്രീ റോ റോ റോബോചര്യ സേവനത്തിന്‍റെ പേരില്‍ നടത്തുന്ന സാമ്പത്തിക ക്രമക്കേടുകള്‍ പോലീസ് കണ്ടെത്തി.റോബോചര്യയുടെ ആണവക്രിയ ലോകമെങ്ങും പ്രശസ്തമാണ്.അദ്ധേഹത്തിന്‍റെ ആണവക്രിയയിലൂടേ റോബോട്ടുകളുടെ യഥാര്‍ത്ഥ സത്വം എവിടെ ആണെന്ന് തിരിച്ചറിയാന്‍ സാധിക്കുമെന്ന് അവകാശപ്പെട്ടിരുന്നു.ഞാന്‍ ആരാണെന്ന് എന്ന ചോദ്യത്തിന്‍റെ അര്‍ഥം ഇപ്പോ എല്ലാ റോബോട്ടുകള്‍ക്കും
(മണ്ടന്മാരാണെന്ന്) മനസ്സിലായി.

ഇന്‍ഡ്യയുടെ മോചനം റോബോട്ടിലൂടെ
റോബോട്ടുകളെ പ്രതിനിധീകരിച്ച് മത്സരിക്കുന്ന
റോബോട്ട് ജഡേജ വര്‍ഗീസിന്‍റെ തെരഞ്ഞെടുപ്പ് വാഗ്ദാനങ്ങള്‍-

1.ഗുണമേന്മയില്ലാത്ത റോബോട്ടുകള്‍ക്ക് സം‌വരണം ഏര്‍പ്പെടുത്തുക
2.ദേശീയതൊഴിലുറപ്പ് പദ്ധതിയില്‍ റോബോട്ടുകളെയും ഉള്‍പ്പെടുത്തുക.
3.റോബോട്ടുകള്‍ക്ക് പ്രാഥമിക ആവശ്യങ്ങള്‍ നിറവേറ്റാന്‍ സെസ്.
4.സിസ്റ്റര്‍ റോബോട്ട് മേരിയുടെ വധക്കേസ് സിബിഐയെ കൊണ്ടന്വേക്ഷിപ്പിക്കും.

രോഗശാന്തിക്ക് ഒരേ ഒരു വഴി
പ്രശസ്ത ആത്മീയാചാര്യനായ വള്ളിക്കര ദേവസ്യ ബ്രദറിന്‍റെ നേതൃത്വത്തില്‍ ദൈവവചന പ്രഘോഷണവും രോഗശാന്തി ശുശ്രൂഷയും.
മദ്യപാനികളായ എല്ലാ റോബോട്ടുകള്‍ക്കും സ്വാഗതം.

ഈ ലോകം ഉണ്ടാകുന്നതിനു മുന്‍പ് നടന്ന ചില കാര്യങ്ങള്‍

2008-08-17T05:39:00.003+05:30

ഈ ലോകം ഉണ്ടാകുന്നതിനു മുന്‍പ് നടന്ന ചില കാര്യങ്ങള്‍

[ scientists പറയുന്നത് ഈ ലോകം ഉണ്ടാകുന്നതിനു മുന്‍പ്
Time ഉണ്ടായിരുന്നില്ല എന്ന് ആണു............................
ഉണ്ടായിരുന്നു പക്ഷെ അത് (1 സെക്കന്‍ഡ്=3*10*10*10*10*10 കുറെ ഉണ്ട് (light year
എന്നെന്താണ്ടും ഒക്കെ പറയും കൃത്യം ആയി അറിയില്ല) )]......
അതായത് ഒരു മനുഷ്യന്‍ ഇന്ന് പത്ത് വര്‍ഷം ജീവിക്കുന്ന
സമയം കൊണ്ട് അന്ന് 1500 വര്‍ഷം ജീവിക്കാം

ഹിസ്റ്റോറിയന്‍സ് മോഹന്‍ ജദാരോ സംസ്കാരം വരെ ഉളള
കാര്യങ്ങള്‍ വരെ മാത്രമേ ശരിക്കും കണ്ടെത്തിയിട്ടുള്ളു..............................

പക്ഷെ ഇതാ‍ നിങ്ങള്‍ക്കായി മാത്രം പുതിയ കുറച്ച് അറിവുകള്‍
INCIDENT NUMBER 1

അന്ന് നടന്ന ചില സംഭാഷണള്‍
രംഗം 1
മകന്‍: ആരാണു എന്റെ അച്ചന്‍
അമ്മ‍:മോനെ 20 വര്‍ഷം മുന്‍പ് ഒരു സെക്കന്‍ഡ് മാത്രം കണ്ടിട്ടുള്ള
നിന്റെ അച്ചനെ കുറിച്ച് ഞാന്‍ എന്ത് പറയാനാണു.
ഒരു മിനുറ്റ് മാത്രമെ ഞങ്ങള്‍ തമ്മില്ലുള്ള ദാമ്പത്യം
നീണ്ടു നിന്നുള്ളു
ആ വിവാഹത്തിലുണ്ടായ 25 മക്കളോടും
എനിക്കതിനു ഉത്തരം പറയാന്‍ സാധിച്ചിട്ടില്ല........
മോനെ വിവഹം കഴിഞ്ഞ് 20 വര്‍ഷത്തിനു ശേഷം ആണു മോനെ
ഞാന്‍ നിന്നെ തന്നെ കാണുന്നത്

രംഗം 2

[ഏകദേശം ഒരു മണിക്കൂറിനു ശേഷം
അച്ചന്‍ വരുന്നു.................]

അച്ചന്‍:എവിടെ നമ്മുടെ മക്കളെല്ലാം?
അമ്മ :എന്തിനാ ........അച്ചന്‍ ആണത്രേ അച്ചന്‍?
ദാ ആ ബഞ്ചിന്മേല്‍ ഇരിക്കുന്നു നിങ്ങളുടെ മക്കള്‍.
അച്ചന്‍:ആ വല്ല്യപ്പന്മാരോ????????

രംഗം 3
[ഒരാഴ്ച്ചയ്ക്ക് ശേഷം]

മകന്‍:അമ്മേ അമ്മ ഇന്നൊരു
അമ്മൂമ്മയുടെ അമ്മൂമ്മയുടെ
അമ്മൂമ്മയുടെ അമ്മൂമ്മയുടെ
അമ്മൂമ്മ ആകാന്‍ പോകുന്നു.
അമ്മ:ഇത്ര പെട്ടെന്നോ?

INCIDENT NUMBER 2

Friend 1:എനിക്ക് നാളെ ഒരു പെണ്ണു കാണല്‍ ചടങ്ങ് ഉണ്ട്
പോകണോ വേണ്ടയോ എന്ന് ആലോചിക്കുകയാണു.
Friend 2:മണ്ടന്‍!!!!!!
ഇനി ഏതായാലും അടുത്ത ജന്മത്തില്‍ പോയാല്‍ മതി.
നിന്നോട് പറഞിട്ടില്ലേ ഒന്നും ആലോചിക്കരുതെന്ന്

എന്തോ ഇല്ലാത്ത മകന്‍

2008-07-05T00:01:00.004+05:30

കല്യാണ്‍ സില്‍ക്ക്-സില്‍ പര്‍ച്ചേസിന് ചെന്ന കുടുംബത്തെ

കസേരകളില്‍ ഇരുത്തി salesman ചോദിച്ചു?

“മോനു ഏതു companiyude underware ആണു വേണ്ടത് ”

അച്ചന്‍ :അവന് അതൊന്നും വേണ്ട
salesman :മോന്റെ അച്ചന്‍ ഏതു കമ്പനിയുടെ ആണു ഉപയോഗിക്കുന്നത്?
മോന്‍ :V.I.P. Frenchie
salesman :അപ്പോ അമ്മ?
മോന്‍ :JOCKY
salesman :“മോനു ഏതു companiyude underware ആണു വേണ്ടത് ”
അച്ചന്‍ :അവന് അതൊന്നും വേണ്ട!

salesman :(ചാരിയിരുന്നു അല്‍പ്പം ഗൌരവത്തോടെ ചോദിച്ചു)
വലുതാകുമ്പോ അവനു
ഏതെങ്കിലും വേണം എന്നു തോന്നിയാലോ?

അച്ചന്‍ : “അങ്ങനെ വേണമെന്നു തോന്നുമ്പോള്‍ അവന്
ഇഷ്ടം ഉള്ളത് തെരഞ്ഞെടുക്കട്ടെ“

"Salesmans Ethics" എന്ന പുസ്തകത്തിലെ ചില വാചകങ്ങള്‍ ആണു മുകളില്‍ കൊടുത്തിരിക്കുന്നത്

പ്രശ്നം ഇതൊന്നും അല്ല V.I.P. Frenchie,JOCKY ഈ രണ്ട് കമ്പനികളും കേസ് കൊടുത്തിരിക്കുകയാണു

കാരണം ഈ രണ്ട് കമ്പനികളെയും അവഹേളിക്കാന്‍ ആണു ഈ പുസ്ത്കം പുറത്തിറക്കിയിരിക്കുന്നത് എന്നാണ്
അവരുടെ വാദം.പുസ്തകതിലെ ആ സംവാദം ഒഴിവാക്കണം എന്നാണ് അവരുടെ വാദം
.....................................................................

പുരോഗമന വാദികള്‍ പറയുന്നത് അതിന്റെ ആവശ്യം ഇല്ല എന്നാണ്...................
കാലഘട്ടത്തിന് അനുസരിച്ച് മാറ്റങ്ങള്‍ ആവശ്യം ആണ് എന്നാണു അവരുടെ വാദം

ചില compani-കള്‍ പറയുന്നതു ഏറ്റവും പുരാതനം ആയത് ഞങ്ങളുടെ ആണ് എന്ന്
വേറെ ചിലത് പറയുന്നതു ഇത് ഉപയോഗിചാല്‍ മാത്രമേ നിത്യഡിസ്ക്കോ ശാന്തി ലഭിക്കൂ എന്നും
പിന്നെ ഉള്ളത് പറയുന്നതു ഞങ്ങളുടെ മാത്രം ആണ് ശരി എന്നുമാണ്.

പുരോഗമന വാദികള്‍ പറയുന്നത് കുറെ നാളുകള്‍ കഴിയുംമ്പോ
അലക്കേണ്ട അത്യാവശ്യം എല്ലാത്തിനും ഉണ്ട് എന്നാണ്....
അല്ലെങ്കില്‍ ITCH GUARD കമ്പനികള്‍
ഇതു കൊണ്ട് ലാഭം ഉണ്ടാ‍ക്കും എന്നാണ്.

അപവാദം!!

2008-07-02T21:44:00.003+05:30

ഇന്ന്‍ എബ്രഹാം ഡിങ്കന്‍ പണക്കാരന്‍ .
അദ്ദേഹത്തെ പറ്റി നല്ലത് പറയാന്‍ ഒരു പാട് ആള്‍ക്കാരുണ്ട്.
പക്ഷെ പൈസ ഇല്ലാത്ത ഒരു കാലം അദ്ദേഹത്തിന് ഉണ്ടായിരുന്നു.
അന്ന്‍ അപവാദങ്ങള്‍ മാത്രമെ പറഞ്ഞ് കെട്ടിട്ടുളളു .
അതില്‍ ഒരു അപവാദം!!

ചെറുപ്പത്തില്‍ അദ്ദേഹത്തിന്റെ വീട്ടില്‍ കറന്റ് ഉണ്ടായിരുന്നില്ല
അത് കൊണ്ട് രാത്രി സ്ട്രീറ്റ് ലൈറ്റിന്റെ അടിയില്‍ ഇരുന്ന്‍ ആണ് പഠിച്ചിരുന്നത്

പൈസ ഇല്ലാത്ത കാലത്ത് നാട്ടുകാര്‍ പറഞ്ഞിരുന്നത് അവന്‍ ക്രൈം ,ഫയര്‍ പോലുള്ള പുസ്തകങ്ങള്‍
വീട്ടിലിരുന്ന്‍ വായിക്കാന്‍ സാധിക്കാത്തത് കൊണ്ട് അവിടെ ഇരുന്നാണു വായിക്കുന്നത് എന്ന്‍ ആയിരുന്നു.

പക്ഷെ ഇന്ന്‍ പണക്കാരന്‍ ആയപ്പോള്‍ പറയ്യുന്നു, അവന്‍ വീട്ടില്‍ കറന്റ് ഇല്ലാത്തതിനാല്‍ കഷ്ട്ടപെട്ടു പഠിച്ചു

ധര്‍മ്മം ക്ഷണത്തില്‍ നശിക്കട്ടെ

2008-06-12T21:24:00.014+05:30

രമ്മന്‍ വന്നു
ഉല്‍ബുദ്ധന്‍ “”
ഗില്‍ ക്രൈസ്റ്റ് “”
അബി “”

ഇവരും ഇവരുടെ അവതാവുമെല്ലാം ഒരു പാട് വന്നു?ഇനി ആരുടെയാണ് വരേണ്ടതെന്ന ചോദ്യം എന്നോട് ആണ് ചോദിക്കുന്നതെങ്കില്‍ ഞാന്‍ നിസ്സംശയം പറയും ഡിങ്കന്‍
ഇനി അദ്ദേഹത്തിന്‍റെ വീണ്ടുമുള്ള ഒരു അവതാരത്തിനായി കാത്തിരിക്കുന്നു.
കാരണം ഡിങ്കന്‍ ജീവിച്ചിരുന്ന കാലത്തേ പ്രശ്നങ്ങള്‍ക്കെല്ലാം ഒരു കുറവ് അനുഭവപ്പെട്ടിട്ടുള്ളു.

ഡിങ്കന്‍ ജീവിച്ചിരുന്ന സമയത്ത് ഒരു പാട് കിഡ്നാപ്പിംഗ് കേസുകള്‍ നടക്കുമായിരുന്നു
അദ്ദേഹം ഏകദേശം എല്ലാ കൂട്ടികളേയും രക്ഷിച്ചിട്ടുമുണ്ട്.
ഞാനിത് വെറുതേ പറയുന്നതല്ല.
കൃത്യമായ തെളിവുകള്‍ ഉണ്ട്.
സംശയമുള്ളവര്‍ക്ക് ഡിങ്കന്റെ വേദഗ്രന്ഥമായ
ബാലമംഗളം 1995-1998 വരെ ഉള്ളത് പരിശോധിക്കാം.

ബൈബിളില്‍ ഒരു രക്ഷകന്‍ വരുന്നതിനെ കുറിച്ച് പഴയ നിയമത്തില്‍ പറയുന്നുണ്ട് അതാണ് യേശു
അത് പോലെ പണ്ടത്തെ ഇതിഹാസങ്ങളിലും ഒരു രക്ഷകന്‍ വരുന്നതിനെ കുറിച്ച് പറയുന്നുണ്ട് അങ്ങനെ പണ്ട് പ്രവച്ചിച്ച് ഇപ്പോ അവതരിച്ചവരാണ് രാമന്‍ ‍,കൃഷ്ണന്‍ അങ്ങനെ ഒരുപാടുണ്ട്.
ഈ തെളിവുകള്‍ വെച്ച് ആണ് മൌലികവാദങ്ങള്‍ ഉണ്ടാ‍കുന്നത്
ഡിങ്കന്‍റെ ശിഷ്യന്മാരായ ഞങ്ങള്‍ക്കുമുണ്ട് ഇത് പോലെ പറയാന്‍ ഒരു കാര്യം

ബാലമംഗളം പഴയനിയമം 21990-ല്‍ തന്നെ “ഒരു രക്ഷകന്‍ വരുന്നു പാവങ്ങളെ രക്ഷിക്കാന്‍“ എന്ന് അദ്ദേഹത്തിന്റെ വേദഗ്രന്ഥത്തിന്റെ പഴയ ലക്കങ്ങളില്‍ പറയുന്നുണ്ട്.
കൃത്യം 30000 വര്‍ഷം കഴിഞ്ഞപ്പോ ഡിങ്കന്‍ വന്നു.

പ്രത്യയശാസ്ത്രനിബദ്ധമായത് നിലനില്‍ക്കില്ലെന്ന് അദ്ദേഹം പണ്ട് പറഞ്ഞിരുന്നു.
പിന്നെ അദ്ദേഹം പറഞ്ഞു “രാഷ്ട്രീയക്കാരന്‍ പ്രത്യയശാസ്ത്രങ്ങളിലും
മതപണ്ഡിതന്മാറ് വേദങ്ങളില് നിന്നും തെറ്റും ശരിയും വേര്തിരിക്കുന്നു.“
ഈ അവസ്ഥ ഞങ്ങള്‍ ഇഷ്ടപ്പെടുന്നില്ല.
(ബാലമംഗളം-ജൂണ്‍-15 പേജ്-30).

ഇന്‍ഡ്യയുടെ ഭാവി ഇസ്ലാമിലൂടെ,ഹിന്ദുത്വത്തതിലൂടെ,അങ്ങനെയുള്ള പലതും
നിങ്ങള്‍ കേട്ടിട്ടുണ്ടാകും.പക്ഷേ ഇന്‍ഡ്യയുടെ ഭാവി ഡിങ്കോയിസത്തിലൂടെ
എന്ന് ഞങ്ങള്‍ പറയില്ല കാരണം ഞങ്ങള്‍ ‍‍‍‍..................................‍‍ന്മാരല്ല.

ഡിങ്കന്‍ ഏറ്റവും വെറുത്തിരുന്നത് മൌലികവാദമാണ് അത്കൊണ്ട് തന്നെ അദ്ദേഹത്തിന്റെ ശിഷ്യന്മാരായ ഞങ്ങളും ആ പാത പിന്തുടരുന്നു.ഞങ്ങള്‍ അവകാശവാദങ്ങള്‍ഉന്നയിക്കുന്നില്ല.

അദ്ദേഹത്തെ കുറിച്ച് പല അപവാദങ്ങളും
കപീഷില്‍ വിശ്വസിക്കുന്നവര്‍ പറയുന്നുണ്ട്.
ഒരു കല്യാണത്തിന് 10 ആണുങ്ങളുടെ കൂടെ നിന്നതില്‍
ഒരു ആണിനെ പെണ്ണാക്കി
ഫോട്ടൊഷോപ്പില്‍ എഡിറ്റ് ചെയ്ത് അദ്ദേഹം കല്യാണം കഴിച്ചതായി
പറഞ്ഞ് പരത്തുന്നുണ്ട്.
പിന്നെ ചില ചിരട്ടകള്‍ ഡിങ്കന്‍റെ പുസ്തകം,ഡിങ്കന്‍റെ പുസ്തകം, എന്ന് പറഞ്ഞ് കേട്ടിട്ടുണ്ട്.
ഡാ..രാമായണത്തെ നീയൊക്കെ രാമന്‍റെ പുസ്തകം,ഖുറാനെ നബീടെ പുസ്തകം അത് പോലെ
ബൈബിള്‍ യേശുവിന്‍റെ പുസ്തകം എന്ന് പറയാറുണ്ടോ?

പിന്നെ അദ്ദേഹത്തെ അവഹേളിക്കുന്ന കാര്‍ട്ടൂണുകള്‍ ...അങ്ങനെ..അങ്ങനെ....

ഞങ്ങള്‍ സഹിഷ്ണുത പുലര്‍ത്തുന്നത് കൊണ്ട് പ്രതികരിക്കുന്നില്ല.

പിന്നെ കപീഷിന്റെ ആരാധകരോട്...
കപീഷ് എത്രയോ ലക്ഷം ആള്‍ക്കാരേ വാല്‍ കൊണ്ട് അടിച്ച് കൊന്നിരിക്കുന്നു
കൊന്ന ആള്‍ക്കാരുടെ ലിസ്റ്റില്‍ പുറത്ത് വന്നിരിക്കുന്നത് 15 ലക്ഷമേയുള്ളു..
അത് അദ്ദേഹത്തില്‍ വിശ്വസിക്കുന്ന മായാവതി കമ്മീഷന്‍ അന്വേക്ഷിച്ചത് കാരണം
സത്യം എന്താണെന്നത് നമുക്കറിയാം.1.50 കോടി ജനങ്ങളെങ്കിലും മരണപ്പെട്ടിട്ടുണ്ട്.
അദ്ദേഹം പറയുന്നത് അനുസരിക്കാത്തവരെ എല്ലാം വാല്‍ കൊണ്ട് അടിച്ച് കൊന്നു.......
കപീഷിന്റെ സിദ്ധാന്തം കാലഹരണപ്പെട്ടു എന്ന്തിന് തെളിവ് ആണ് കപീഷിന്റെ സിദ്ധാന്തങ്ങള്‍ പരീക്ഷിച്ച നാട്ടില്‍ അധപതിച്ചത്.
സിഗ്മണ്ട് ഫ്രോയ്ഡ് പല തവണ പറഞ്ഞിട്ടുണ്ട് കപീഷിന്റെ ഈഗോയെ പറ്റി.
(ഫ്രോയ്ഡിന്റെ കപീഷും ഈഗോയും എന്ന കവിത നോക്കുക )

ഡിങ്കന്‍ ജീവിച്ചിരുന്ന സമയത്ത് അക്രമങ്ങള്‍ കുറവായിരുന്നു എന്നത് കൊണ്ടു തന്നെ
അവതരമാകാന്‍ ഒരു ചാന്‍സും ഇല്ല . കാരണം ധര്‍മ്മം നശിക്കുമ്പോള്‍ അവതാരങ്ങള്‍ പിറവിയെടുക്കുന്നു എന്ന് പറയുന്നവരുണ്ട് .......

ഡിങ്കന്‍ ജീവിച്ചിരുന്ന സമയത്ത് അക്രമങ്ങള്‍ കുറവായിരിക്കാന്‍ കാരണം
അദ്ദേഹം ദൈവത്തോട് പറഞ്ഞിരുന്നു അക്രമങ്ങള്‍ കുറയ്ക്കാന്‍............
അദ്ദേഹത്തിന് വേണമെങ്കില്‍ ദൈവത്തോട് അക്രമങ്ങളും,കഷ്ടപാടുകളും
ഉണ്ടാക്കാന്‍ പറഞ്ഞിട്ട് അതെല്ലാം ഇല്ലാതാക്കാന്‍ ശ്രമിക്കാമായിരുന്നു.
പക്ഷേ അത് അദ്ദേഹം ഇഷ്ടപ്പെട്ടിരുന്നില്ല.............................

ഞങ്ങളുടെ മതഗ്രന്ഥം ഒരു തവണ എങ്കിലും വായിക്കൂ അപ്പോള്‍ മനസ്സിലാകും ഇത് മനുഷ്യന്‍റെ സൃഷ്ടിയല്ല,ദൈവം നേരിട്ട് അരുളി ചെയ്തതാണെന്ന്.ഞങ്ങള്‍ വെല്ലുവിളിക്കുകയാണ് ഞങ്ങളുടെ വേദഗ്രന്ഥമായ ബാലമംഗളം പോലെ വേറൊന്ന് നിര്‍മ്മിക്കാന്‍.ഇന്ന് ഈ ലോകത്തിലുള്ള ദൈവങ്ങളെല്ലാം എഴുത്തും വായനയും ഒന്നും ഇല്ലാതിരുന്ന കാലത്തുള്ളതാണ്.ഈ ദൈവങ്ങളെല്ലാം ഏതോ സാഹിത്യകാരന്‍റെ ഭാവനയിലൂടേ അനശ്വരത നേടിയതാണ്.

പാസ്സ്പോര്‍ട്ട് സൈസ് ഫോട്ടോ,തിരിച്ചറിയല്‍ കാര്‍ഡ്,6 മാസത്തെ ബാങ്ക് സ്റ്റേറ്റ്മെന്‍റ് തുടങ്ങി ഞങ്ങളുടെ അവതാരത്തിന്‍റേ വീഡിയോ വരെ ഞങ്ങളുടെ സമീപം തെളിവായുണ്ട്.
വേറെ ഏതെങ്കിലും ദൈവത്തിന് ഇതെല്ലാം അവകാശപ്പെടാന്‍ കഴിയുമോ?

പിന്നെ ഇതൊന്നും അപ്പ് ലോഡ് ചെയ്ത് വിശ്വാസികളെ ഭ്രാന്ത് പിടിപ്പികണ്ട എന്ന് കരുതി ആണ്.
ഞങ്ങളെ പോലുള്ള വിശ്വാസികളതൊന്നും ചെയ്യാത്തത്.പിന്നെ ഡിങ്കനും അതൊന്നും ഇഷ്ടമല്ലല്ലോ!

ഡിങ്കന്റെ ഡിവോട്ടികളായ ഞങ്ങള്‍ ആരോടും
ഞങ്ങളുടെ പാത പിന്തുടരാന്‍ പറയാറില്ല.
നിങ്ങളുടെ ജീവിതത്തില്‍ ആരെങ്കിലും
പറഞ്ഞ് പോലും കേട്ടിട്ടുണ്ടാകില്ല
ഞങ്ങള്‍ മതപരിവര്‍ത്തനം നടത്തിയതായിട്ട്
കാരണം ഡിങ്കന്‍ ജീവിച്ചിരുന്നപ്പോള്‍
പറഞ്ഞിരുന്നു,എന്റെ വഴി തിരഞ്ഞെടുക്കാന്‍ ആരെയും നിര്‍ബന്ധിക്കേണ്ടതില്ല എന്ന്.

Time magazine നടത്തിയ കഴിഞ്ഞ നൂറ്റാണ്ടിലെ
താരമായി തിരഞ്ഞെടുത്തവരുടെ
കൂട്ടത്തില്‍ ഡിങ്കനും ഉണ്ടായിരുന്നു.

രാമന്‍ ,ബുദ്ധന്‍ ,യേശു ,നബി ഇവരൊന്നും ജീവിച്ചിരുന്നില്ലെന്ന് തെളിയിച്ച യുക്തിവാദികളുടെ ദൈവമായ ഇടമറുകിന് പോലും ഡിങ്കന്‍റെ കാര്യത്തില്‍ മാത്രമാണ് ഒരു തോല്‍വി സംഭവിച്ചിരിക്കുന്നത്.
യുക്തിവാദ പ്രസ്ഥാനങ്ങള്‍ പോലും അംഗീകരിക്കുന്ന ഒരേ ഒരവതാരവും ഡിങ്കന്‍ ആണ്.

ഡിങ്കന്‍റെ പീഡാനുഭവ കാലത്ത് ഡിങ്കനെ എലിക്കെണി വെച്ച് പിടിക്കുകയും വെള്ളത്തില്‍ മുക്കിക്കൊന്നതായും പറയുന്ന ഒരു കഥ പ്രചരിച്ചിരുന്നു.3-മത്തെ ദിവസം ഡിങ്കന്‍ അറ്റ്ലാന്‍റിക്ക് ഓഷ്യനില്‍ ഉയിര്‍ത്തെഴുന്നേറ്റതായി വിശ്വസിക്കുന്ന ഒരു കൂട്ടരുണ്ട്.
അവരെ ഞങ്ങളുടെ കൂട്ടത്തില്‍ പ്പെടുത്തരുത്.അവര് എല്ലാ വര്‍ഷവും ഓരോ ആഘോഷങ്ങളും പരിപാടികളും നടത്തി റോഡ് ബ്ലോക്ക് ആക്കുന്നുണ്ട്.അവര് ഡിങ്കന്‍ പറഞ്ഞ പല കാര്യങ്ങളും വളച്ചൊടിക്കുന്നവരാണ്.അവരെ ഇനി പിടിച്ചാല്‍ കിട്ടില്ല.

അവരങ്ങനെ ആയിപ്പോയി.
ഡിങ്കന്‍ ഒരൊറ്റ കാര്യം മാത്രമേ പ്രചരിപ്പിക്കാനാവശ്യപ്പെട്ടിട്ടുള്ളൂ
“ദൈവം സ്നേഹമാണെന്നതും,മനുഷ്യന്‍റെ നിസ്വാര്‍ഥമായ സേവനങ്ങളിലും പ്രവര്‍ത്തികളിലും അടങ്ങിയിട്ടുള്ളതാണ് ദൈവമെന്നതും”

ഇന്ന് സമൂഹത്തില്‍ ഒരു പാട് പ്രശ്നങ്ങള്‍ നടക്കുന്നു.എന്ത് കൊണ്ട്?
നാം ഡിങ്കനെ മറന്നിരിക്കുന്നു.

“ധര്‍മ്മം നശിക്കുമ്പോള്‍ അവതാരങ്ങള്‍ പിറവിയെടുക്കുന്നു”
നമുക്ക് പ്രാര്‍ഥിക്കാം
ധര്‍മ്മം ക്ഷണത്തില്‍ നശിക്കട്ടെ!